ព័ត៌មានជាតិ

បុរសម្នាក់ត្រូវបានកងរាជអាវុធហត្ថ​ខេត្តឃាត់ ខ្លួននឹងបញ្ជួនទៅ​សាលាដំបូង​ខេត្តបន្ទាយមានជ័យ ពាក់ព័ន្ធនឹងករណីប្រើហិ​.​ង្សាដោយ​ចេតនា.!

(បន្ទាយមានជ័យ) ៖ លោក​វរសេនីយ៍ឯក ម៉ែ​ន ភិ​រម្យ មេបញ្ជាការ​រង​កងរាជអាវុធហត្ថ​ខេត្ត ទទួល​ការងារ​ស្រាវជ្រាវ និង​បង្ក្រាប​បទល្មើស​បានឱ្យ​ដឹង​ថា ដោយ​ទទួល​បានការ​អនុញ្ញាត​ពី​លោក​ឧត្តមសេនីយ៍ត្រី បោ​ន ប៊ិ​ន មេបញ្ជាការ​កងរាជអាវុធហត្ថ​ខេត្ត និង​ដោយ​មានការ​សម្របសម្រួល​ពី ឯកឧត្តម កើត វ​ណ្ណា​រ៉េ​ត ព្រះរាជអាជ្ញា នៃ​អយ្យការ​អម​សាលាដំបូង​ខេត្តបន្ទាយមានជ័យ​។

កម្លាំង​កងរាជអាវុធហត្ថ​ខេត្តបន្ទាយមានជ័យ​ កាលពីថ្ងៃ​ទី​៣០ ខែមិថុនា ឆ្នាំ​២០២២​ បាន​បញ្ជូន​ខ្លួន​ជនសង្ស័យ​ម្នាក់​ទៅ​សាលាដំបូង​ខេត្តបន្ទាយមានជ័យ ដើម្បី​ចាត់ការ​តាម​នីតិវិធី​ច្បាប់ បន្ទាប់​ពី​ឃាត់ខ្លួនបុរសម្នាក់ពាក់ព័ន្ធនឹងករណី​ប្រើហិ​.​ង្សា​ដោយ​ចេតនា មាន​ស្ថាន​ទ​ម្ង់​ទោស ដែល​បាន​ប្រព្រឹត្ត​នៅ​ក្រុង​ប៉ោយ​ប៉ែ​ត ខេត្តបន្ទាយមានជ័យ ។

ប្រភពពីលោករ​វ​សេនីយ៍​ត្រី នួន នី​ណា​រ៉ូ មេបញ្ជាការ​មូលដ្ឋាន​កងរាជអាវុធហត្ថ​ក្រុង​ប៉ោយ​ប៉ែ​ត​បាន​ឲ្យ​ដឹង​ថា​ ជនសង្ស័យ​ខាងលើមាន​ឈោះ្ម ណា បូ​រ៉ា ហៅ​ម៉ា​ប់ ភេទ​ប្រុស អាយុ​២៥​ឆ្នាំ បាន​ធ្វើ​សកម្មភាព​យក​កូនដែលមានចុង​ស្រួចនឹងបាន​ចាក់​ទៅ​លើ​ជន​រង​គ្រោះ ឈ្មោះ ជៀម ចំរើន ភេទ​ប្រុស អាយុ​៣១​ឆ្នាំ មាន​ទីលំនៅ​ភូមិ​ក្បាលកោះ សង្កាត់​ប៉ោយ​ប៉ែ​ត ក្រុង​ប៉ោយ​ប៉ែ​ត ខេត្តបន្ទាយមានជ័យ បណ្តាល​ឲ្យ​រង​របួស​ចំ​ទ្រូង​ខាងឆ្វេង​ចំនួន​០១​កន្លែង និង​ចំ​ខ្នងដៃ​ខាងស្តាំ បណ្ដាលឲ្យជនរងគ្រោះរងរបួសធ្ងន់ ។

ប្រភពដដែលបាន​បញ្ជាក់ទៀត​ថា តាម​ចម្លើយ​សារភាព​របស់​ជនសង្ស័យ​ខាងលើបាននិយាយថា នៅ​វេលា​ម៉ោង​០៨​:​៣០​នាទី​យប់ ថ្ងៃ​ទី​២៨ ខែមិថុនា ឆ្នាំ​២០២២ មាន​មនុស្ស​ប្រុស​ម្នាក់​ពុំ​ស្គាល់ឈ្មោះ បាន​ផឹកស្រា​ស្រវឹង រួច​មក​អុកឡុក​នៅ​កន្លែង​របស់​ខ្លួន​ម្ដុំ​ផ្សារ​រ៉ា ពេល​នោះ​បុរស​ម្នាក់​នោះ​បាន​យក​ស្បែកជើង និង​កៅអី​បម្រុង​វា​.​យ​រូប​ខ្លួន ខ្លួន​ក៏​បាន​គេច​ផុត ហើយ​រូបគេ​ក៏​ដក​កូនកាំបិត​ពី​ក្នុង​កាបូប​ដើម្បី​គំ​រា​.​ម​កុំឱ្យ​បុរស​ខាងលើ​វា​.​យមក​លើ​រូប​ខ្លួន ពេល​នោះ​ក៏​មានការ​ប្រ​វា​.​យ​ប្រតប់​គ្នា ដែលបណ្តាល​ឱ្យ​បុរស​រងគ្រោះខាងលើ​រង​របួស​ដោយ​កាំបិត​ចំ​ទ្រូង ហើយ​បុរស​នោះ​ក៏​ស្រ​វ៉ា​ចាប់​ទាញ​យក​កាំបិត​ពី​ដៃ​របស់​ខ្លួន បណ្តាល​ឱ្យ​ម៉ុ​តដៃ​បុរស​នោះ​បន្ថែម​ទៀត ។

ក្រោយពីកើតហេតុរួច ដោយ​ផ្អែក​លើ​ចម្លើយ​សារភាព​របស់​ជនសង្ស័យ និង​មាន​វត្ថុ​តាង​ផង កម្លាំង​ជំនាញ​មូលដ្ឋាន​កងរាជអាវុធហត្ថ​ក្រុង បាន​កសាង​សំណុំរឿង​បញ្ជូន​មក​បញ្ជាការដ្ឋាន​កងរាជអាវុធហត្ថ​ខេត្ត ដើម្បី​ចាត់ការ​បន្ត​៕

 

Related Articles

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *

Back to top button