ចាប់បានជនសង្សយ័ម្នាក់បានភ្លាមៗ ក្នុងចំណោម៣នាក់ករណីឆក់ខ្សែកមិនសម្រេច ប្រពន្ធជនសង្សយ័រត់មកឱបប្តី សុំអង្វរជនរងគ្រោះលើកលែង .!
(ភ្នំពេញ) ៖ ជនសង្ស័យ៣នាក់ជិះម៉ូតូ៣គ្រឿងដេញតាមឆក់យកខ្សែកពីបុរសម្នាក់ដែលកំពុងជិះម៉ូតូឌុបប្រពន្ធនិងកូននៅតាមផ្លូវ ប៉ុន្តែឆ.ក់ពុំបានសម្រេចឡើយ បណ្ដាលឲ្យជនរងគ្រោះដួលម៉ូតូហើយបុរសរងគ្រោះរួមជាមួយប្រពន្ធនិងកូនប្រុសម្នាក់រងរបួសស្រាល ។ ចំណែកជនសង្ស័យបានព្យាយាមជិះម៉ូតូរត់គេចខ្លួនជ្រុលទៅបុកម៉ូតូអ្នកដំណើរនៅខាងមុខ បណ្ដាលឲ្យដួលហើយក៏ត្រូវបានជនរងគ្រោះក្រោកឡើងរត់ដេញតាមចាប់បានម្នាក់ រីឯបក្ខពួក២នាក់ទៀតរត់គេចខ្លួនបាត់ស្រមោល។
ហេតុការណ៍ខាងលើនេះបានកើតឡើងកាលពីវេលាម៉ោង១និង២០នាទីរសៀលថ្ងៃទី១៨ ខែកញ្ញា ឆ្នាំ២០២២ នៅតាមបណ្តោយផ្លូវបេតុងទួលពង្រ ស្ថិតនៅក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យដែលត្រូវចាប់ខ្លួននោះឈ្មោះ ចាន់ កែវ អាយុ២០ឆ្នាំ មុខរបរមិនពិតប្រាកដ ស្នាក់នៅបន្ទប់ជួលសង្កាត់ស្ទឹងមានជ័យទី៣ ខណ្ឌមានជ័យ ជិះម៉ូតូមួយគ្រឿងម៉ាកហុងដាឌ្រីម ធុនសេ១២៥ ស៊េរីឆ្នាំ២០២២ ពណ៍ក្រហម ពាក់ស្លាកលេខ ភ្នំពេញ 1JP-6198 ។ ដោយឡែកបុរសរងគ្រោះឈ្មោះ ចាន់ ទី អាយុ៣៥ឆ្នាំ មុខរបរកម្មកររោងចក្រ ស្នាក់នៅសង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ។
បុរសរងគ្រោះបាននិយាយថា នៅមុនពេលកើតហេតុ គាត់បានជិះម៉ូតូ១គ្រឿងឌុបប្រពន្ធនិងកូនប្រុសតូចម្នាក់ ធ្វើដំណើរចេញពីផ្ទះទៅលេងផ្ទះបងប្អូននៅម្តុំផ្សារទួលពង្រ លុះពេលទៅដល់ត្រង់ចំណុចកើតហេតុ ក៏ស្រាប់តែឃើញជនសង្ស័ឈ្មោះចាន់ កែវ រួមជាមួយបក្ខពួកចំនួន២នាក់ទៀតជិះម៉ូតូម្នាក់១គ្រឿងតាមពីក្រោយ ។ លុះពេលទៅដល់ទន្ទឹមគ្នា ជនសង្ស័យឈ្មោះចាន់ កែវ នេះបានធ្វើសកម្មភាពឆក់យកខ្សែករបស់គាត់ ប៉ុន្តែឆ.ក់ពុំបានសម្រេចឡើយ ហើយបានបណ្តាលឲ្យគាត់ដួលម៉ូតូហើយគាត់រួមជាមួយប្រពន្ធនិងកូនប្រុសតូចម្នាក់ទៀតរងរបួសស្រាល ។
បុរសខាងលើបាននិយាយប្រាប់ឲ្យដឹងបន្តទៀតថា ចំណែកជនសង្ស័យបានជិះម៉ូតូគេចខ្លួន ប៉ុន្តែសំណាងអាក្រកក់បានជ្រុលទៅបុ.កម៉ូតូអ្នកដំណើរនៅខាងមុខ បណ្ដាលឲ្យដួល ទើបគាត់ក្រោកឡើងរត់ទៅចាប់បាន ហើយក៏មានអ្នកដំណើរតាមផ្លូវជួយចាប់ផងដែរ ។ គាត់បានបញ្ជាក់ថា ខ្សែក ដែលគាត់ពាក់ជាប់ក ហើយចោរឆ.ក់យកពុំបានសម្រេចនោះគឺប្លាទីនទម្ងន់១តម្លឹង៥ជី ហើយកាលដែលចោរឆ.ក់មិនបាននោះក៏ព្រោះតែវាអត់ដាច់។
តាមប្រភពពីកន្លែងកើតហេតុបានប្រាប់ថា ក្រោយពេលចាប់ខ្លួន ជនសង្ស័យរូបនោះត្រូវបានប្រជាពលរដ្ឋបាននាំគ្នាវា.យទាត់ធាក់ម្នាក់១ដៃ១ជើងទ្រមខ្លួន ហើយខណៈនោះក៏បានលេចមុខប្រពន្ធរបស់ជននេះទៅដល់ និងបានចូលទៅឱបប្ដី ព្រមទាំងសុំអង្វរកុំឲ្យប្រជាពលរដ្ឋវា.យប្ដីរបស់ខ្លួនផងដែរ ។
ប៉ុន្តែដោយសារតែផ្ទុះកំហឹងខ្លាំងពេក ទើបមានអ្នកខ្លះមិនស្ដាប់នៅតែវា.យរហូត ក្រោយមកទើបកម្លាំងនគរបាលប៉ុស្តិ៍ចោមចៅទី១បានទៅដល់រួចនាំជនសង្ស័យរូបនេះទៅសាកសួរនិងកសាងសំណុំរឿងើម្បីបញ្ជូនទៅសលាដំបូងរាជធានីភ្នំពេញចាត់ការតាមច្បាប់ ៕
