អគ្គិភ័យឆាបឆេះ ផ្ទះក្លាសេគ្រឿងសមុទ្រមួយកន្លែងរងខូចខាតទ្រព្យសម្បត្តិអស់ទាំងស្រុង ​

ភ្នំពេញ ៖ មានករណីអគ្គិភ័យដ៏ធំមួយបានកើតឡើង បណ្ដាលឲ្យផ្ទះក្លាសេត្រីមួយកន្លែង រួមនិងរថយន្តស៊េ​រី​ទំនើប​មួយ​​​គ្រឿងទៀត រងការខូចខាតទាំងស្រុង ដោយបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចជាខ្លាំង កាលពី​វេលា​​​ម៉ោង៣ទៀបភ្លឺ ថ្ងៃទី១២ ខែវិច្ឆិកា ឆ្នាំ២០១៨ នៅតាមបណ្ដោយផ្លូវលេខ២៣២ កែង ផ្លូវលេខ១២៥ ស្ថិត​​​ក្នុង​សង្កាត់​វាលវង់ ខណ្ឌ៧មករា រាជធានីភ្នំពេញ។

ប្រជាពលរដ្ឋបានរាយការណ៍ទៅសមត្ថកិច្ចមូលដ្ឋាន ឲ្យជួយយករថយន្តពន្លត់អគ្គិភ័យជាច្រើនគ្រឿងមក​ធ្វើការ​បាញ់​​​​​​​​ពន្លត់យ៉ាងញាប់ដៃ ញាប់ជើងផងដែរ។ ហើយក្នុងប្រតិបត្តិការណ៍ខាងលើនេះ កម្លាំងសមត្ថកិច្ចបានប្រើប្រាស់​រថយន្ត​​​​​ពន្លត់អគ្គិភ័យ អស់ចំនួន១២គ្រឿង ក្នុងរយៈពេល១ម៉ោង ទើបគ្រប់គ្រងស្ថានភាពបានទាំងស្រុង។

ក្នុងហេតុការណ៍គ្រោះអគ្គិភ័យនេះដែរ សមត្ថកិច្ចមូលដ្ឋាននៅមិនទាន់ដឹងថា ដោយមិន​បណ្ដាលឲ្យមនុ​ស្ស​ណាម្នាក់​រង​​​របួសនោះទេ តែបាត់បង់ទ្រព្យសម្បត្តិមានតម្លៃអស់ជាច្រើនក្នុងនោះរួមមាន រថយន្តស៊េរីទំនើបមួយគ្រឿង ម៉ូតូ​មួយ​​​គ្រឿងម៉ាកអាផាតពាក់ស្លាកលេខភ្នំពេញ2AZ1666និងម៉ូតូសណ្ដោងរម៉កមួយគ្រឿង រួមទាំងទ្រព្យ​​​​សម្បត្តិ​ក្នុ​ង​ផ្ទះ​​​អស់មួយចំនួនធំទៀត៕