ព្រះមហាក្សត្រ ចេញព្រះរាជក្រឹត្យ ត្រាស់បង្គាប់តែងតាំងអគ្គព្រះរាជអាជ្ញា អគ្គព្រះរាជអាជ្ញារង និងព្រះរាជអាជ្ញា នៃមហាអយ្យការអមសាលាឧទ្ធរណ៍តំបន់ ចំនួន១២រូប
ភ្នំពេញ ៖ ព្រះករុណា ព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យ ត្រាស់បង្គាប់តែងតាំង អគ្គព្រះរាជអាជ្ញា អគ្គព្រះរាជអាជ្ញារង និងព្រះរាជអាជ្ញា នៃមហាអយ្យការអមសាលាឧទ្ធរណ៍តំបន់​ចំ​នួន១២រូប ។ នេះបើយោងតាមព្រះរាជក្រឹត្យដែលអង្គភាពព័ត៌មានយើងទទួលបាន នាថ្ងៃទី២១ ខែកុម្ភៈ ឆ្នាំ២០២០ នេះ ។ ខា​ង​ក្រោមនេះ ជាព្រះរាជក្រឹ​ត្យ​​​​​រ​បស់ព្រះករុណាព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ៖.... អានបន្ត
ដោយៈ សហការី (Fri,21 February 2020 (Time 03:58 PM))

ព្រះមហាក្សត្រចេញព្រះរាជក្រឹត្យ ត្រាស់បង្គាប់តែងតាំងប្រធាន អនុប្រធាន សាលាឧទ្ធរណ៍តំបន់ ចំនួន៥រូប
រាជធានីភ្នំពេញ ៖ ព្រះករុណា ព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចេ​ញ​ព្រះរាជក្រឹ​ត្យ ​ត្រាស់បង្គាប់តែងតាំងប្រធាន និងអ​នុ​ប្រធានសាលាឧទ្ធរណ៍តំបន់ចំនួន៥រូប នេះបើយោងតាមព្រះរាជក្រឹត្យ ដែ​ល​អង្គភាពព័ត៌មាន​យើ​ងទទួលបាន ថ្ងៃទី២១ ខែកុម្ភៈ ឆ្នាំ២០២០ ។ ខាងក្រោមនេះ ជាព្រះរាជក្រឹ​ត្យ​​​របស់ព្រះករុណាព្រះបាទ ស​ម្ដេ​ច​​​ព្រះបរមនាថ នរោត្តម សីហ​មុ​នី​ ព្រះមហាក្សត្រ នៃព្រះរាជាណាចក្រកម្ពុជា ៖.... អានបន្ត
ដោយៈ សហការី (Fri,21 February 2020 (Time 03:46 PM))

រាជរដ្ឋាភិបាល សម្រេចអនុគ្រោះព​ន្ធលើមធ្យោយបាយដឹកជញ្ជូន និងប្រា​​ក់ពិន័យ ចំពោះការស្នើសុំផ្ទេរកម្ម​សិ​ទ្ធិ ពីម្ចាស់ដើមមកឈ្មោះរបស់ខ្លួន
ភ្នំពេញ ៖ រាជរដ្ឋាភិបាលកម្ពុជា បានសម្រេចអនុគ្រោះពន្ធលើមធ្យោបាយដឹកជញ្ជូន និងប្រាក់ពិន័យ ចំពោះយានយន្តទាំង​ឡា​យ​ណា​ ដែលមកស្នើសុំផ្ទេរកម្មសិទ្ធិ ពីម្ចាស់ដើមមកឈ្មោះរបស់ខ្លួន ដែលកំពុងកាន់កាប់ផ្ទាល់ ។ នេះបើតាមលិខិតរបស់រដ្ឋមន្ត្រីក្រ​សួ​ង​សេដ្ឋកិច្ច និងហិរញ្ញវត្ថុ ដែលអង្គភាពយើងទទួលបាននៅថ្ងៃទី២០ ខែកុម្ភៈ ឆ្នាំ២០២០នេះ ។ការសម្រេចនេះ គឺជាអនុគ្រោះឲ្យបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទចំនួន៣ឆ្នាំចុងក្រោយ ឆ្នាំ២០១៧ ឆ្នាំ​២០១៨ និងឆ្នាំ២០១៩ រួមទាំងលើកលែងប្រាក់ពិន័យទោសទណ្ឌលើរថយន្ដ ដែលមិនបានបង់ពន្ធ លើមធ្យោបាយដឹកជញ្ជូន និ​ង​យានជំនិះគ្រប់ប្រភេទពីមុនមក ដោយម្ចាស់យានយន្ដបានទិញលក់បន្ដដៃគ្នា ហើយមិនបានផ្ទេរកម្មសិទ្ធិយានយន្ដ ត្រូវទៅផ្ទេរកម្មសិទ្ធិយានយន្ដតាមនីតិវិធី និងបែបបទរបស់ ក្រសួងសាធារណការ និងដឹកជញ្ជូន។លិខិតរបស់ក្រសួងសេដ្ឋកិច្ចសង្កត់ធ្ងន់ថា «ការអនុគ្រោះ និងការលើកលែងនេះ អនុវត្ដចំពោះតែយានយន្ដ ដែលបានស្នើសុំផ្ទេរកម្មសិទ្ធិ យានយន្ដនៅក្រសួងសាធារណការ និងដឹកជញ្ជូន ដែលមានសុពលភាពត្រឹមថ្ងៃទី៣០ ខែមិថុនា ឆ្នាំ២០២០» ៕.... អានបន្ត
ដោយៈ សហការី (Thu,20 February 2020 (Time 01:50 PM))

នាយឧត្តមសេនីយ៍ វង្ស ពិសេន កងយោធពលខេមរភូមិន្ទ ចាំបាច់ត្រូវធ្វើកំណែទម្រង់ឲ្យបានសមស្រប ទៅនឹងស្ថានការណ៍ជាក់ស្ដែង
ខេត្តកំពង់ស្ពឺ ៖ នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ បានលើកឡើងថា ដើម្បីពង្រឹងក​សា​ងធនធានមនុស្សក្នុងវិស័យការពារជាតិ កងយោធពលខេមរភូមិន្ទ ចាំបាច់ត្រូវធ្វើកំណែទម្រង់ឲ្យបានសមស្របបំផុតទៅ​នឹ​ង​​ស្ថានការណ៍ជាក់ស្ដែង ជាពិសេសគឺការកសាងកម្មវិធីអប់រំហ្វឹកហ្វឺនដល់យោធិន ដែលត្រូវតែមានការកែសម្រួលជាបន្តបន្ទាប់ ដើ​ម្បីឲ្យការបណ្តុះបណ្តាលដល់យោធិនអាជីព និង ហ្វឹកហ្វឺនជំនាញផ្សេងៗទៀត ប្រកបដោយគុណភាព ។ ការលើកឡើងបែបនេះរបស់ នាយឧត្តមសេនីយ៍ អគ្គមេបញ្ជាការ បានធ្វើឡើងនៅព្រឹកថ្ងៃទី២០ ខែកុម្ភៈ ឆ្នាំ២០២០នេះ ក្នុងពិ​ធី​បិ​ទវគ្គបណ្តុះបណ្តាលនាយទាហានសកម្មជំនាន់ទី២០ នៅសាលានាយទាហានសកម្ម (ត្មាតពង) ក្នុងភូមិសាស្ត្រស្រុកឧដ្ដុង្គ ខេត្តកំ​ព​ង់ស្ពឺ ។ នាយឧត្តមសេនីយ៍ បានថ្លែងថា ក្នុងដំណាក់កាលបច្ចុប្បន្ន ការហ្វឹកហ្វឺនបណ្តុះបណ្ដាលនាយទាហានសកម្ម គឺជាតម្រូវការចាំបាច់ ដើ​​​ម្បីរួមចំណែកលើកកម្ពស់សមត្ថភាព ឆ្លើយតបទៅនឹងសំណូមពរ ភារកិច្ចចាំបាច់ចំពោះមុខ និងយូរអង្វែង ។ នាយឧត្តមសេ​នី​យ៍ វង្ស ពិសេន បានបន្តថា វគ្គហ្វឹកហ្វឺនដែលកំពុងប្រារព្ធពិធីបិទនាឱកាសនេះ គឺពិតជាបានឆ្លើយតបតាមសេចក្តីត្រូវការ ក្នុ​ង​ការពង្រឹងពង្រីកគុណភាពនៃការដឹកនាំបញ្ជា និងការគ្រប់គ្រងកងឯកភាព ដើម្បីត្រៀមខ្លួនបំពេ​ញកិច្ចការងារប្រតិបត្តិការ​តា​មបញ្ជា។ ក្នុងនាមអគ្គមេបញ្ជាការនៃកងយោធពលខេមរភូមិន្ទ នាយឧត្តមសេនីយ៍ វង្ស ពិសេន បានថ្លែងការកោតសរសើរ និ​ងវាយតម្លៃខ្ពស់ ចំពោះការខិតខំប្រឹងប្រែងប្រកបដោយស្មារតីទទួលខុសត្រូវ របស់បណ្ដាស្ថាប័នពាក់ព័ន្ធ យោធាចារ្យ ដែលបា​ន​​​បំពេញតួនាទីជាសេនាធិការជូនថ្នាក់ដឹកនាំ ធ្វើឲ្យដំណើរការវគ្គបណ្តុះបណ្ដាលនិស្សិត នាយទាហានជំនាន់ទី២០នេះ ទទួលបានលទ្ធ​ផលប្រកបដោយគុណភាព ។ នាយឧត្តមសេនីយ៍ អគ្គមេបញ្ជាការ បានរំលេចនូវតម្លៃសន្តិភាពដែលបានមកដោយការធ្វើព​លិ​ក​ម្មដ៍ធំធេងរបស់សម្តេចតេជោ ហ៊ុន សែន ហើយដែលនាយទាហានទាំងអស់ ត្រូវរួមគ្នាថែរក្សា និងត្រៀមលក្ខណៈជានិច្ចដើម្បី​អ​នុវត្តបទបញ្ជា ក្នុងនោះត្រូវបង្កើនសមត្ថភាពយល់ដឹងឲ្យបានស៊ីជម្រៅ អំពីសភាពការណ៍សន្តិសុខដែលពាក់ព័ន្ធនឹងកងយោ​ធ​ព​លខេមរភូមិន្ទ ដើម្បីលើកកម្ពស់ស្មារតី ប្រុងប្រយ័ត្នរាល់ឧបាយកល ការធ្វើបដិវត្តន៍ពណ៌ ការធ្វើឲ្យបាត់បង់សន្តិភាព និងកើ​ត​​​មានសង្រ្គាមសារជាថ្មី ។ នាយឧត្ដមសេនីយ៍ បានក្រើនរម្លឹកដល់នាយទាហានដែលទើបបញ្ចប់វគ្គ ត្រូវបន្តខិតខំសិក្សាស្រាវជ្រាវ​ប​ន្ថែមទៀត ទាំងចំណេះដឹងទូទៅ ជំនាញឯកទេសថ្មីៗ ក៏ដូចជាភាសាបរទេសជាដើម។ បើតាមសេចក្តីរាយការណ៍ពី ឧត្តមសេនីយ៍ឯក ប៊ុត សុភាព នាយកសាលានាយទាហានសកម្ម បានបញ្ជាក់ថា បច្ចុប្បន្ននេះសា​លា​​​បាន និងកំពុងដំណើរការបណ្ដុះបណ្ដាលនាយទាហានចំនួន ០៤ជំនាន់បន្ថែមទៀត គឺវគ្គនាយទាហានសក​ម្មចំនួន ០៣​ជំនា​ន់​ និងត្រៀមទទួលនិស្សិតថ្មីវគ្គនាយទាហានសកម្មជំនាន់ទី២៤ ចំនួន ២០០នាក់ទៀត។ ដោយឡែក វគ្គបណ្ដុះបណ្ដាលនាយទា​ហា​ន​​​ស​កម្មជំនាន់ទី២០ ដែលត្រូវបានបញ្ចប់វគ្គនៅថ្ងៃនេះ មានសិក្ខាកាមសរុបចំនួន ១០១នាក់ ដោយឆ្លងកាត់ការសិក្សា និងហ្វឹក​ហា​ត់អស់រយៈពេល៤ឆ្នាំ ហើយក្រោយពេលបញ្ចប់វគ្គសិក្ខាកាមទាំង ទទួលបានលទ្ធផលនិទ្ទេសល្អ ១៩នាក់ និទ្ទេសល្អបង្គួរ ៧៤​នា​ក់​ និងនិទ្ទេសមធ្យមចំនួន ០៨នាក់ ៕.... អានបន្ត
ដោយៈ សហការី (Thu,20 February 2020 (Time 01:39 PM))

ព្រះមហាក្សត្រ ចេញព្រះរាជក្រឹត្យត្រាស់បង្គាប់ដាក់ឲ្យចូលនិវត្តន៍ នាយនគរបាលថ្នាក់ឧត្តមសេនីយ៍ ក្របខ័ណ្ឌមន្ដ្រីនគរបាលជាតិកម្ពុជា នៃក្រសួងមហាផ្ទៃ ចំនួន៥រូប
រាជធានីភ្នំពេញ ៖ ព្រះករុណាព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់បាន​ចេ​ញព្រះរា​ជ​ក្រឹត្យត្រាស់បង្គាប់ ដាក់ឲ្យចូលនិវត្តន៍នាយនគរបាលថ្នាក់ឧត្តមសេនីយ៍ ក្របខ័ណ្ឌមន្ដ្រីនគរបាលជាតិកម្ពុជា នៃក្រ​សួ​​​ង​មហាផ្ទៃ ចំ​នួ​ន​៥​រូ​ប​ ។ យោងតាមព្រះរាជក្រឹត្យដែលអង្គភាពយើងទទួលបាននៅព្រឹកថ្ងៃទី២០ ខែកុម្ភៈ ឆ្នាំ២០២០នេះ បញ្ជាក់ថា នាយនគរបាលដែលត្រូវ​ដាក់ឲ្យចូ​ល​និវត្តន៍នេះ មានអគ្គស្នងការរងចំនួន៤រូប និងស្នងការខេត្តម្នាក់ រួមមាន ៖ -  ទី១៖ នាយឧត្តមសេនីយ៍ ថោង លីម - ទី២៖ នាយឧត្តមសេនីយ៍ ដាំ វុទ្ធី - ទី៣៖ នាយឧត្តមសេនីយ៍ ទូច ណារ៉ុថ - ទី៤៖ ឧត្តមសេនីយ៍ឯក សេក ភូមី - ទី៥៖ ឧត្តមសេនីយ៍ទោ ម៉ៅ តារា (ស្នងការនគរបាលខេត្តស្ទឹងត្រែង) ៕ ខាងក្រោមនេះ ជាព្រះរាជក្រឹត្យរបស់ព្រះករុណាព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរា​ជាណា​ច​ក្រ​កម្ពុជា ៖.... អានបន្ត
ដោយៈ សហការី (Thu,20 February 2020 (Time 01:31 PM))

រាជរដ្ឋាភិបាលកំពុងសិក្សាបង្កើតច្បាប់ស្តីពីកិច្ចការពារកុមារ សំដៅធានានូវកិច្ចការពារពិសេស សម្រាប់កុមារឲ្យបានគ្រប់ជ្រុងជ្រោយ
ភ្នំពេញ ៖ រាជរដ្ឋាភិបាលកម្ពុជាក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានយកចិត្តទុកដាក់ខ្ពស់​ចំពោះការលើកកម្ពស់ អនុវត្តអនុសញ្ញាស្តីពីសិទ្ធិកុមារ និងច្បាប់អន្តរជាតិពាក់ព័ន្ធនានា ដើម្បីឆ្លើយតប ទៅនឹងតម្រូវការរ​ប​ស់កុមារ និងកិច្ចការពារជាពិសេសសម្រាប់កុមារ ដើម្បីអាចឲ្យកុមាររស់នៅក្នុងសេរីភាព សន្តិភាព និងការអភិវឌ្ឍ តាមរយៈការដាក់ចេញវិធានការជាច្រើនរួមមាន ការរៀបចំច្បាប់ គោលនយោបាយ ផែនការយុទ្ធសាស្រ្ត និងលិខិតបទដ្ឋាននានាជាច្រើ​ន​ដើម្បីធានាដល់កិច្ចការការពារកុមារ ឲ្យកាន់តែប្រសើរឡើង ។ ជារួមជាការឆ្លើយតបទៅនឹងស្ថានភាពថ្មីៗ នៃការងារកិច្ចការការពារកុមារ រាជរដ្ឋាភិបាលកំពុងសិក្សាបង្កើតច្បាប់ស្តីពីកិច្ចការ​ពា​រកុមារ សំដៅធានានូវកិច្ចការពារពិសេស សម្រាប់កុមារឲ្យ បានគ្រប់ជ្រុងជ្រោយ។ នេះជាការលើកឡើងរបស់លោក វង សូត រដ្ឋ​ម​ន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា ថ្លែងនៅក្នុងពិធីប្រកាសប់កយុទ្ធនាការ «គ្រួសាររឹងមាំ» ដើម្បីបញ្ចប់​អំ​ពើហិង្សាលើកុមារ និងការបំបែកកុមារចេញពីគ្រួសារដោយមិនចាំបាច់នៅកម្ពុជា រៀបចំឡើងនៅថ្ងៃទី១៩ ខែកុម្ភៈ ឆ្នាំ២០២០ ។​ រដ្ឋមន្រ្តី វង សូត បានបន្ថែមថា អំពើហិង្សាលើកុមារ គឺជាបញ្ហាសាកល ដែលបង្កផលវិបាកយ៉ាងធ្ងន់ធ្ងរ ស្ទើពេញមួយជីវិតដល់ស​ង្គ​ម​ជាតិ។ អំពើហិង្សាលើកុមារ គឺជាសកម្មភាពដែល មិនអាចអត់ឱនឲ្យបាន ទោះនៅក្នុងរូបភាពណាក៏ដោយ ព្រោះថា អំពើហិ​ង្សា​ធ្វើឲ្យប៉ះពាល់ដល់ការអភិវឌ្ឍរបស់កុមារ សីលធម៌សង្គម សេចក្តីថ្លៃថ្នូរ និងការអភិវឌ្ឍធនធានមនុស្សនាពេលអនាគត។ ប​ន្ថែ​​មពីលើនេះ ថ្នាក់ដឹកនាំរបស់រាជរដ្ឋាភិបាលកម្ពុជា តែងតែចំណាយពេលវេលាចុះសួរសុខទុក្ខកុមារកំព្រា ក្រីក្រ និងពិការ នៅ​តា​មមណ្ឌលថែទាំជាប្រចាំផងដែរ ។ ជាមួយគ្នានោះ ក្រសួងគ្រោងដាក់ឲ្យដំណើរការសាងសង់មជ្ឈមណ្ឌលស្តារយុវនីតិសម្បទា នាថ្ងៃទី២០ ខែកុម្ភៈ ឆ្នាំ២០២០ សំដៅធា​នា​ការពារសិទ្ធិ និងឧត្តមប្រយោជន៍ របស់អនីតិជន ដែលប្រព្រឹត្តបទល្មើស ដើម្បីទទួលបានការអប់រំ បណ្តុះបណ្តាល និងស្តារនីតិ​ស​ម្បទា មុននឹងធ្វើសមាងរណកម្ម ទៅក្នុងសហគមន៍ និងគ្រួសារវិញ ស្រប់តាមច្បាប់ស្តីពី យុត្តិធម៌អនីតិជន។ ជាពិសេសគឺដើ​ម្បី​ជួយចែករំលែកបន្ទុករបស់ពន្ធនាគារ និងចែកឲ្យដាច់ពីគ្នារវាងមនុស្សពេញវ័យ និងអនីតិជន ដែលបាននិងកំពុងរស់នៅ​លា​យឡំជាមួយមនុស្សពេញវ័យ នៅក្នុងពន្ធនាគារ។ លោក វង សូត បានបន្តឲ្យដឹងថា យុទ្ធនាការ «Cambodia Protect» ដែលផ្តួចផ្តើមសហការរៀបចំ ដោយអង្គការយូនីសេហ្វ គឺជា​យុ​ទ្ធ​សាស្រ្ត ប្រាស្រ័យទាក់ទងលើកកម្ពស់ការយល់ដឹង ដើម្បីលុបបំបាត់អំពើហិង្សាលើកុមារ និងទប់ស្កាត់ការបំបែកកុមារចេញពីគ្រួ​សារ ដោយមិនចាំបាច់ ដោយធានាថា គ្រួសារគឺជាទីកន្លែងទីមួយ ដែលមានបរិយាកាសប្រកបដោយសុវត្ថិភាព ដ៏ល្អប្រសើរបំ​ផុ​តសម្រាប់ការលូតលាស់ និងអភិវឌ្ឍន៍កុមារ ដែលជាសកម្មភាពមួយនៃយុទ្ធសាស្រ្ត «គ្រួសាររឹងមាំ» ដើម្បីបញ្ចប់អំពើហិង្សាលើ​កុ​មា​​​រ និងការបំបែកកុមារចេញពីគ្រួសារដោយមិនចាំបាច់ នៅកម្ពុជា លោកស្រី ខៀវ បូរី រដ្ឋលេខាធិការនៃក្រសួងសង្គមកិច្ច អតីតយុទ្ធជន និងយុវនីតិសម្បទា បានលើកឡើងថា យុទ្ធសាស្រ្ត «គ្រួសាររឹង​មាំ» ផ្សព្វផ្សាយតាមវិធីសាស្រ្តចម្រុះជាច្រើនដូចជា ផលិតជារូបសញ្ញាយុទ្ធនាការ អាវយឺត មួក ផ្ទាំងបដារូបភាព ប៉ានណូ រឿងខ្លី​ផ្សាយតាមទូរទស្សន៍ និងវិទ្យុ ផ្សព្វផ្សាយសារអប់រំ តាមប្រព័ន្ធបច្ចេកវិទ្យា ព័ត៌មានវិទ្យា តាមសហគមន៍ និងការស្វែងរកមតិគាំទ្រ ជាដើម។ លោកស្រី ខៀវ បូរី បានបន្ដែមថា ព្រឹត្តិការណ៍នេះ ជាការបោះជំហានទៅមុខដ៏វិជ្ជមានមួយ នៅក្នុងកិច្ចខិតខំប្រឹងប្រែង របស់ប្រទេ​សកម្ពុជា ដើម្បីបញ្ចប់អំពើហិង្សាលើកុមារ គ្រប់រូបភាព និងការបំបែកកុមារចេញពីគ្រួសារ ដោយមិនចាំបាច់នៅកម្ពុជា ៕.... អានបន្ត
ដោយៈ សហការី (Wed,19 February 2020 (Time 06:51 PM))

សង្វៀនល្បែងស៊ីសងដ៍ធំរបស់(លោកទ្រី)ស្ថិតនៅខាងជើងភូមិជ្រោយចង្ហា ឃុំជប់ ស្រុកត្បូងឃ្មុំ ខេត្តត្បូងឃ្មុំ កំពុងតែដំណើរការយ៉ាងរលូន ដោយសារតែ លោកសួស ស៊ាងលី អធិការនគរបាលស្រុកត្បូងឃ្មុំ កំពុងតែជាប់រវល់ការងារសំខាន់
ខេត្តត្បូងឃ្មុំ ៖ មានទីតាំងសង្វៀនបញ្ជល់មាន់ និងអាប៉ោងបើកលេងល្បែងស៊ីសងលួចលាក់ភ្នាល់​​ដ៍ធំ មួយកន្លែងស្ថិតនៅខាងជើងភូមិជ្រោយចង្ហា ឃុំជប់ ស្រុកត្បូងឃ្មុំ ខេត្តត្បូងឃ្មុំ មើលទៅប្រហែលជាអាជ្ញាធរមានសមត្ថកិច្ចពាក់ព័ន្ធទទួលបានលាភស​ក្កា​រៈ​​​ប្រចាំខែពីរម្ចាស់បើកល្បែងស៊ីសងមួយកន្លែងនេះអស់ហើយ បានជាមិនហ៊ានធ្វើការបង្រ្កាប។ ប្រភពច្បាស់ការណ៍ពីរពលរដ្ឋបាននាំគ្នាបង្ហើបប្រាប់អ្នកសារព័ត៌មានយើងឲ្យបានដឹងថា មានទីតាំងសង្វៀនប្រជល់មាន់និង​អា​​​ប៉ោងបើកលេងលួចលាក់ភ្នាល់ខុសច្បាប់នៅខាងជើងភូមិជ្រោយចង្ហា ឃុំជប់បានដំណើរការបើកលេងយូដែលហើយដូចជាមិ​ន​មានអាជ្ញាធរមានសមត្ថកិច្ចព័ន្ឋណាមួយចុះមកពិនិត្យហើយនិងមានវិធានការបង្រ្កាបនោះទេទោះបីប្រមុខរដ្ឋាភិបាលបាន​ដា​​​ក់បទបញ្ជាឈប់ឲ្យកើតមានល្បែងស៊ីសងគ្រប់ប្រភេទយ៉ាងណាក៍ដោយ ក៍លោកសួស ស៊ាងលី អធិការនគរបាលស្រុកត្បូងឃ្មុំ នៅ​​តែបណ្តោយឲ្យបើកលេងយ៉ាងអនាធិបតេយ្យដ៍ដែល។ ដូច្នេះហើយបងប្អូនពលរដ្ឋបាននាំគ្នាធ្វើការសូមណូមពរមកដល់ សម្តេច ក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រ​សួ​ង​មហាផ្ទៃ នៃព្រះរាជាណាចក្រកម្ពុជា និង ឧត្តមសេនីយ៍ទោ ប៉ែន រ័ត្ន ស្នងការនគរបាល ខេត្តត្បូងឃ្មុំ សូមមេត្តា មានវិធានការ​ចា​ត់កម្លាំងចុះពិនិត្យនៅទីតាំងសង្វៀនប្រជល់មាន់និងអាប៉ោងបើកលេងល្បែងស៊ីសងលួចលាក់ ខុសច្បាប់ដ៍ធំនៅភូមិខា​ង​​​លើ​​​នេះ និងមានវិធានការចាត់កម្លាំងជំនាញចុះមកធ្វើការបង្រ្កាប ដើម្បីភូមិឃុំឲ្យមានសុវត្ថភាពដល់បងប្អូនពលរដ្ឋផង ៕.... អានបន្ត
ដោយៈ សហការី (Wed,19 February 2020 (Time 06:42 PM))

លោក យឹម វណ្ណៈ ប្រធានស្នាក់ការគយច្រកដូង៧ដើម ឃុបឃិតឲ្យឈ្មួញនាំចូលទំនិញគេចពន្ធដោយសេរីខណៈលោក គុណ ញឹម អគ្គនាយក នៃអគ្គនាយកដ្ឋានគយ និងរដ្ឋាករកម្ពុជាកំពុងតែមមាញឹកការងារជាច្រើន
ប្រភពស្និទ្ធនឹងលោក យឹម វណ្ណៈ  ប្រធានស្នាកការគយច្រកដូង៧ដើម  ឬច្រកដា  បានឲ្យដឹងថា ឈ្មួញធំៗដែលនាំចូ លទំនិញគេ ច​ពន្ធ ទំនិញបង់ពន្ធមិនគ្រប់  តាមច្រកនេះមានដូចជា ឈ្មួញឈ្មោះ ចែដែត ឈ្មួញឈ្មោះចែពិ ដោ និងឈ្មួញ ជាមន្ត្រីយោធាជា​ន់​ខ្ពស់ពាក់ផ្កាយ៣ ម្នាក់ផងដែរ។ តាមការបង្ហើបពីមន្ត្រី ពាក់ព័ន្ធនៅច្រកដូង៧ដើម ឬច្រកដា ឃុំដា​ ស្រុក មេមត់ បានឲ្យដឹង​ថា​ទំនិញដែលឈ្មួ ញធំៗនាំចូលតាមច្រកនេះបង់ពន្ធត្រឹម៣ ៥ ទៅ ៤០ភាគ រយប៉ុណ្ណោះ ក្រៅពី នេះគឺ ឈ្មួ​ញឃុ​ប​ឃិ​ត​បែ​ងចែ​កផ​ល​ ប្រយោជន៍លើតុក្រោមតុជា មួយលោក យឹម វណ្ណៈ ប្រធាន ស្នាកការគយច្រកដូង ៧ដើម យ៉ាង ត្រជាក់ចិត្ត។  ទន្ទឹមនឹងនេះលោក យឹម វណ្ណៈ ប្រធានស្នាកការគយច្រកដូង៧ដើម តែងតែយកឈ្មោះ មន្ត្រីធំៗនៅក្នុងអគ្គ នាយកដ្ឋានគ យនិងរដ្ឋាករកម្ពុ​ជា​ ​មកប្រើដើម្បីការពារទង្វើមិនប្រក្រតីនិងអំពើពុករលួយរបស់ខ្លួន ។ប្រភពពីមន្ត្រីនៅច្រកដូង ៧ដើម ឬច្រកដា ស្រុកមេមត់ ខេត្តត្បូងឃ្មុំ  បានឲ្យដឹងថា​ រហូតមកដល់ពេលនេះលោក យឹម វណ្ណៈ ប្រ​ធា​នស្នាក់ការគយច្រកដូង ៧ដើម នៅតែឃុបឃិតឲ្យឈ្មួញធំៗច្រើននាក់នាំចូលទំនិញគេចពន្ធ ទំនិញបង់ពន្ធមិនគ្រប់ និងទំ​និ​ញខុសច្បាប់តាមច្រកដូង ៧ដើម យ៉ាងរាលដាលដើម្បីប្រមូលលុយតាមរបៀបពុករលួយយ៉ាងសុខស្រួល។ ប្រភពស្និទ្ធនឹងលោក យឹ​ម​ វណ្ណៈ ប្រធានស្នាកការគយច្រកដូង៧ដើម បានឲ្យដឹងថា​ ការដែលលោក យឹម វណ្ណៈ ហ៊ានធ្វើអ្វីៗតាមអំពើចិត្ត គឺដោយសារ មា​នការសម្របសម្រួលពីសំណាក់មន្ត្រីគយធំៗក្នុងខេត្តត្បូងឃ្មុំផងដែរ ទើបអ្វីៗអាចប្រព្រឹត្តទៅដោយរលូន ។ ចំណែកលោក គុ​ណ​ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជាកំពុងតែមមាញឹកការងារជាច្រើន​ បើទោះបីអំពើពុករលួយនិងរឿ​ង​អាស្រូវរបស់លោក យឹម វណ្ណៈ ប្រធានស្នាក់ការគយច្រកដូង៧ដើម ត្រូវបានបណ្តាញព័ត៌មាននានាចុះផ្សាយជាបន្តបន្ទាប់យ៉ា​ង​ណា​ក៏ដោយ ។បើតាមការអះអាងរបស់សមត្ថកិច្ច ពាក់ព័ន្ធនៅច្រកដូង៧ដើមឬច្រកដា  បានឲ្យដឹងថា ទំនិញដែលឈ្មួញធំៗនាំចូល ច្រ​កនេះ​និ​ង ច្រករបៀងច្រើន កន្លែងទៀតគឺជា​ប្រភពចំណូលដ៏សំខាន់របស់លោក យឹម វណ្ណៈ ប្រធានស្នាកការគយច្រកដូង៧ដើម និងបក្ខពួក ។ ហេតុនេះលោក  អូន ព័ន្ធមុនីរ័ត្ន ដែលជារដ្ឋមន្ត្រីក្រសួង សេដ្ឋកិច្ចនិងហិរញ្ញវត្ថុ មិនគួរបណ្តែ តបណ្តោយតទៅទៀតទេ ព្រោះ​លោក គុណ ញឹម ដែលជាមេគយធំ កំពុងបណ្តោយឲ្យលោក យឹម វណ្ណៈ ប្រធាន ស្នាកការគយច្រក  ដូង៧ដើម ធ្វើអ្វីៗតាមអំ​ពើ​ចិត្តរបស់ខ្លួន។ លើសនេះទៅទៀតលោក ឱម យ៉ិនទៀង ប្រធានអង្គភា ពប្រឆាំងអំពើពុករលួយ គួរបើកការស៊ើបអង្កេតឲ្យ​បា​នស៊ីជម្រៅទៅលើរឿងអាស្រូវពុករលួយរបស់លោក យឹម វណ្ណៈ ប្រធានស្នាកការគយច្រកដូង៧ដើម ជាបន្ទាន់។ ដោយហេតុថា​ករ​ណីលោក យឹម វណ្ណៈ ឃុបឃិតឲ្យឈ្មួ ញនាំចូលទំនិ ញគេចព ន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រ​ក​ដូ​ង​៧​ដើ​ម​​​ កំពុងធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុង១ខែៗ ។.... អានបន្ត
ដោយៈ សហការី (Wed,19 February 2020 (Time 06:34 PM))

ក្រសួងសេដ្ឋកិច្ច ចេញប្រកាសស្តីពីការអនុវត្តកិច្ចព្រមព្រៀង ស្តីពីការចៀសវាងការយកពន្ធត្រួតគ្នា និងការបង្ការការគេចវេះពន្ធ ពាក់ព័ន្ធនឹងពន្ធលើប្រាក់ចំណូល
រាជធានីភ្នំពេញ ៖ ក្រសួងសេដ្ឋកិច្ច និងហិរញ្ញវត្ថុ បានចេញ ប្រកាសថ្មីមួយ ស្តីពីការអនុវត្តកិច្ចព្រមព្រៀង ស្តីពីការចៀសវាងការ​យ​កពន្ធត្រួតគ្នា និងការបង្ការការគេចវេះពន្ធ ពា​​ក់ព័ន្ធនឹងពន្ធលើប្រាក់ចំណូល។ ក្រសួងសេដ្ឋកិច្ចបញ្ជាក់ថា ប្រ​កា​សនេះ មាន​គោ​លដៅដាក់ឲ្យអនុវត្តប្រកបដោយតម្លាភាព គណនេយ្យភាព ប្រសិទ្ធភាព នូវកិច្ចព្រមព្រៀ​ង​ ស្តីពីការចៀ​ស​វាងការយកពន្ធត្រួ​ត​គ្នា និងការបង្ការការគេចវេះពន្ធ ពាក់ព័ន្ធទៅនឹងពន្ធលើប្រាក់ចំណូល។សូមជម្រាបថា គិតមកដល់ពេលនេះ កម្ពុជាបានចុះហត្ថលេខាកិច្ចព្រមព្រៀងស្តីពី ការជៀសវាងការយកពន្ធត្រួតគ្នា ប្រ​ទេ​ស និ​ង​​​តំបន់ចំនួន៩រួចមកហើយ គឺបានចុះហត្ថ​លេ​ខាជាមួយសាធារណៈរដ្ឋសិង្ហបុរី, ព្រុយណេដារូសាឡឹម, សាធារណៈរដ្ឋប្រជាមា​និ​ត​ចិ​ន, ព្រះរាជាណាចក្រថៃ, សាធារណៈរដ្ឋសង្គមនិយមរៀតណាម, សាធារណៈរដ្ឋឥ​ណ្ឌូ​​​ណេស៊ី, តំបន់រដ្ឋបាលពិសេសហុងកុង របស់សា​ធា​​​រណៈរដ្ឋប្រជាមានិតចិន, ប្រទេសម៉ាឡេស៊ី និងកូរ៉េខាងត្បូង ៕.... អានបន្ត
ដោយៈ សហការី (Mon,17 February 2020 (Time 05:00 PM))

មន្ដ្រីគយ និងរដ្ឋាករ សហការជាមួយនគរបាលប៉ុស្ដិ៍ច្រកទ្វារអាកាសយានដ្ឋានអន្ដរជាតិភ្នំពេញ ឃាត់ខ្លួនជនជាតិជប៉ុនម្នាក់ ជាមួយនឹងថ្នាំញៀន១,៧ គីឡូក្រាម
រាជធានីភ្នំពេញ ៖ មន្ដ្រីគយ និងរដ្ឋាករ សហការជាមួយនគរបាលប៉ុស្ដិ៍ច្រកទ្វារអាកាសយានដ្ឋានអន្ដរជាតិភ្នំពេញ មន្ទីរប្រឆាំងគ្រឿង​ញៀន និងសមត្ថកិច្ចពាក់ព័ន្ធ ប្រចាំអា​កា​​​​សយានដ្ឋានអន្ដរជាតិភ្នំពេញ ចាប់ខ្លួនបុរសជនជាតិជប៉ុនម្នាក់ ដកហូតបានថ្នាំ​​​​​ញៀនជិត ២គីឡូក្រាម ។លោក លឹម សម្បត្តិ ប្រធានការិយាល័យគយ និងរដ្ឋាករ ប្រចាំអាកាសយានដ្ឋានអន្ដរជាតិភ្នំពេញ បានឲ្យដឹងនៅព្រឹកថ្ងៃទី១៧ ខែ​កុម្ភៈ ឆ្នាំ២០២០នេះថា ប្រតិបត្តិការនេះធ្វើ​ឡើងនៅយប់ថ្ងៃទី១៥ ខែកុម្ភៈ ឆ្នាំ២០២០។ លោក លឹម សម្បត្តិ បានអះអាងថា ជ​នជាតិជប៉ុនដែលត្រូវសមត្ថកិច្ចចាប់ខ្លួនឈ្មោះ NONAKA SHUNICHI អា​យុ​៧​២​ឆ្នាំ​ កាន់លិខិតឆ្លង​ដែ​នលេខ TK 5670834 ធ្វើដំណើរតាមជើងយន្ដហោះលេខ KE 690 (ភ្នំពេញ-សេអ៊ូល) និងបន្ដដំណើរតាមជើងយន្ដ​ហោះ​​​​​​​​​​​​ KE 767 (សេអ៊ូល-អាម៉ូរី) ប្រ​​​ទេសជប៉ុន ដែលជាគោលដៅចុងក្រោយ ។ជាលទ្ធផលនៃការត្រួតពិនិត្យ សមត្ថកិច្ចរកឃើញក្រាមពណ៌ស ជាសារធាតុញៀនប្រភេទមេតំហ្វេតាមីន ដែលមានទម្ងន់ ១,៧​គី​ឡូ​​ក្រាម ។ បច្ចុប្បន្នជនសង្ស័យ រួមជាមួយវ​ត្ថុ​​​តាង ត្រូវបានប្រគល់ជូននគរបាល នៃមន្ទីរប្រឆាំងគ្រឿងញៀន ដើម្បីចាត់ការបន្ដតាមនីតិវិធី ៕.... អានបន្ត
ដោយៈ សហការី (Mon,17 February 2020 (Time 04:55 PM))

អង្គការសហរប្រជាជាតិ (UN) ជឿជាក់លើសមត្ថភាពចិនចិន ក្នុងការប្រយុទ្ធប្រឆាំងការរីករាលដាលនៃជំងឺរលាកសួតប្រភេទថ្មី ដែលត្រូវបានគេស្គាល់ជាផ្លូវការថា COVID-19
អង្គការសហរប្រជាជាតិ ៖ អគ្គលេខធិការនៃអង្គការសហរប្រជាជាតិ (UN) លោក អាន់តូនីញ៉ូ ហ្គូទែរែស (Antonio Guterres) បា​ន​​​​​បង្ហាញពីភាពជឿជាក់លើសមត្ថិភាពរប​ស់​​​ប្រទេសចិន ក្នុងការប្រយុទ្ធប្រឆាំងការរីករាលដាលនៃជំងឺរលាកសួតប្រភេទថ្មី ដែលត្រូវ​បានគេស្គាល់ជាផ្លូវការថា COVID-19។ នេះបើតាមការចេញផ្សាយ ដោយទីភ្នា​ក់​​ងា​រព័ត៌មានចិនស៊ីនហួរ នារសៀលថ្ងៃចន្ច ទី ១​៧​ ខែកុម្ភៈ ឆ្នាំ២០២០ ។ វិធានការដែលបានដាក់ចេញដោយអជ្ញាធរប៉េកាំង គឺជាកិច្ចខិតខំប្រឹងប្រែងដ៏ធំមហិមា ហើយយើងជឿជាក់យ៉ាងមុតមាំ ចំ​ពោះ​កិច្ចខិតខំប្រឹងប្រែងនេះថា នឹងជួយឲ្យករណីឆ្ល​ង​នៃវីរុសនេះថយចុះជាបន្តបន្ទាប់ជាមិនខាន។ នេះជាការលើកឡើងរបស់​លោ​​​ក Antonio Guterres ក្នុងសន្និសីទសារព័ត៌មានរួមគ្នា ជាមួយរដ្ឋមន្ត្រីការបរទេសប៉ាគីស្ថានលោក ហ្សាហ៍ ម៉ាហ៍មូដ គូរែស៊ី (S​h​​ah Mahmood Qureshi)។ ជាមួយគ្នានេះ លោកអគ្គលេខាធិការក៏បានសង្កត់ធ្ងន់ផងដែរថា វាតែងតែជារឿងពិបាកបំផុត ក្នុងការដោះស្រាយឲ្យបា​ន​លឿ​ន​ចំពោះបញ្ហាជំងឺឆ្លងបែបនេះ ប៉ុន្តែសម្រាប់ប្រ​ទេ​សចិនបានធ្វើការឆ្លើយតបយ៉ាងខ្លាំង និងគួរឲ្យចាប់អារម្មណ៍បំផុត។ អា​ជ្ញា​ធ​រ​​​បានបញ្ជាក់នៅព្រឹកថ្ងៃចន្ទ ទី១៧ ខែកុម្ភៈ ឆ្នាំ២០២០ នេះថា ចំនួនមនុស្សដែលបាត់បង់ជីវិ​ត​ ដោយសារវីរុសកូរ៉ូណាថ្មី ឬ CO​V​I​D​​-19 នៅក្នុងប្រទេសចិនបានកើនដល់ ១,៧៧០នាក់ ហើយចំនួនអ្នកឆ្លងបានបន្តកើនដល់ជាង ៧០,០០០នាក់ ។ គួរបញ្ជាក់ថា មន្ត្រីពេទ្យយោធាចិនសរុប ១,២០០នាក់បន្ថែមទៀត ត្រូវបានបញ្ជូននិងធ្វើដំណើរទៅដល់ទីក្រុងវ៉ូហាន (Wuhan) នៃ​ខេត្តហ៊ូប៉ី (Hubei) ហើយ ដើម្បីបង្កើនកា​រ​ប្រយុទ្ធប្រឆាំងនឹងវីរុស COVID-19 ខណៈបុគ្គលិកពេទ្យរាប់ម៉ឺននាក់កំពុងស្ថិតនៅ​ទី​នោះស្រាប់។ ដោយឡែកក្រុមជំនាញអន្តរជាតិ ដឹកនាំដោយអង្គការសុខភាពពិភព​លោ​​​​ក WHO ក៏បានទៅដល់រដ្ឋធា​នី​ប៉េ​កាំ​ង​ នៃប្រទេសចិនផងដែរ ដើម្បីចាប់ផ្តើមសហការការងារជាមួយក្រុមជំនាញចិន ក្នុងការប្រយុទ្ធប្រឆាំងវីរុសកូរ៉ូណាថ្មី ឬ COV​I​D​-​​​19​​​ ។ តួនាទីរបស់ក្រុមជំនាញអន្តរជាតិ WHO មកកាន់ចិនពេលនេះ គឺពួកគេនឹងធ្វើការប្រឹក្សាយោបល់ ទៅលើវិធីសាស្ត្រក្នុង​កា​​រការពារ និងគ្រប់គ្រងការឆ្លងវីរុស COVID-19 នៅក្នុងប្រទេសចិន និងទូទាំងសកលលោកទាំងមូល ៕.... អានបន្ត
ដោយៈ សហការី (Mon,17 February 2020 (Time 04:48 PM))

មនុស្សសរុប៨,០៩៦នាក់ហើយ បានជាសះស្បើយពីវីរុស COVID-19 និងចាកចេញពីមន្ទីរពេទ្យនៅទូទាំងប្រទេសចិន
ប្រទេសចិន ៖ ក្រសួងសុខាភិបាលចិនបានប្រកាសឱ្យដឹងថា អ្នកជំងឺឆ្លងវីរុសកូរ៉ូណាប្រភេទថ្មី ឬ COVID-19 សរុបចំនួន ៨,០៩​៦​នា​​ក់ហើយត្រូវបានក្រុមគ្រូពេទ្យ អនុញ្ញាតឱ្យចាកចេញពីមន្ទីរពេទ្យ បន្ទាប់ពីពួកគេជាសះស្បើយទាំងស្រុង។ នេះបើតាមការចេ​ញ​​ផ្សាយដោយទីភ្នាក់ងារព័ត៌មានចិនស៊ីនហួរ នាព្រឹកថ្ងៃសៅរ៍ ទី១៥ ខែកុម្ភៈ ឆ្នាំ២០២០។យោងតាមគណៈកម្មការសុខាភិបាលជាតិចិនបានបញ្ជាក់ថា ពេញមួយថ្ងៃសុក្រម្សិលមិញនេះ មនុស្សចំនួន ១,៣៧៣នាក់ ប​ន្ថែ​ម​​​​​​ទៀតបានចាកចេញពីមន្ទីរពេទ្យ ដែលធ្វើឲ្យចំនួនអ្នកជាសះស្បើយកើនឡើងដល់ ៨,០៩៦នាក់ដូចខាងលើ ។គួរបញ្ជាក់ថា បើតាមតួលេខចុងក្រោយដោយរដ្ឋាភិបាលចិន ចំនួនអ្នកស្លាប់ដោយសារវីរុស COVID-19 កើនឡើងដល់ ១,៥១៩​នា​ក់ ខណៈ ៦៦,៤៩២នាក់ឆ្លងនៅក្នុងខេត្ត និងតំបន់ចំនួន ៣១ ទូទាំងប្រទេសចិន។ ក្រុមជំនាញវេជ្ជសាស្ត្រ ថ្នាំសង្កូវ និងគ្រឿង​ប​រិ​ក្ខាពេទ្យជាច្រើនទៀត ត្រូវបានដឹកជញ្ជូនជាបន្តបន្ទាប់ទៅកាន់ខេត្តហ៊ូប៉ី (Hubei) និងទីក្រុងវូហាន (Wuhan) ដើម្បីបង្កើនប្រសិទ្ធភាពនៃការប្រយុទ្ធនឹងវីរុស COVID-19 ៕.... អានបន្ត
ដោយៈ សហការី (Sun,16 February 2020 (Time 04:47 PM))

ប្រធានាធិបតីអាមេរិក លោក ដូណាល់ ត្រាំ បានបង្ហោះសារមួយតាមបណ្តាញសង្គម Twitter ដោយថ្លែងអំណរគុណកម្ពុជា ចំពោះការអនុញ្ញាតឱ្យ នាវាទេសចរណ៍ Westerdam ចូលចតនៅកំពង់ផែ ខេត្តព្រះសីហនុ
ភ្នំពេញ ៖ ប្រធានាធិបតីអាមេរិក លោក ដូណាល់ ត្រាំ បានបង្ហោះសារមួយតាមបណ្តាញសង្គម Twitter ដោយថ្លែងអំណរគុណកម្ពុ​ជា​ ចំពោះការអនុញ្ញាតឱ្យ នាវាទេសច​រ​ណ៍​ Westerdam ចូលសំចតនៅកំពង់ផែ ខេត្តព្រះសីហនុ ប្រទេសកម្ពុជា ដែលប្រទេសចំ​នួ​ន​​​៤ និងកោះ២ បានបដិសេធមិនឱ្យចូលចតនោះ ។លោក ដូណាល់ ត្រាំ បានបង្ហោះសារយ៉ាងដូច្នេះថា៖ «សូមអរគុណប្រទេសកម្ពុជាដ៏ស្រស់បំព្រង សម្រាប់ការទទួលយក នាវាទេ​ស​ច​រ​​​ណ៍ Westerdam ឱ្យចូលចតនៅប្រ​ទេ​ស​​​របស់ខ្លួន ។ សហរដ្ឋអាមេរិក នឹងចងចាំអំពើល្អរបស់អ្នក»។សូមជម្រាបថា កប៉ាល់ទេសចរណ៍ Westerdam ផ្ទុកមនុស្សសរុបជាង ២២០០នាក់ ក្នុងនោះអ្នកដំណើរ១៤៥៥នាក់ និងបុគ្គលិក​ក​ប៉ាល់ចំនួន ៨០២នាក់ បានចាកចេញពីទីក្រុងហុងកុង ប្រទេសចិន កាលពីថ្ងៃទី០១ ខែកុម្ភៈ ឆ្នាំ២០២០ ប៉ុន្តែត្រូវបានអាជ្ញាធរ កោះ​តៃវ៉ាន់ ហ្វីលីពីន ជប៉ុន កូរ៉េខាងត្បូង កោះហ្គាំ(អាមេរិក) និងប្រទេសថៃ បដិសេធមិនឲ្យចូលចតឡើយ ដោយសារតែការព្រួ​យ​បារម្ភថា ក្នុងចំណោមមនុស្សរាប់ពាន់នាក់នៅលើនោះ អាចមានផ្ទុកវីរុសកូរ៉ូណាថ្មី (Covid-19) ។នាវាទេសចរណ៍ខ្នាតយក្សរបស់អាមេរិក Westerdam ដែលផ្ទុកមនុស្សជាង២ពាន់នាក់ ភាគច្រើនជាជនជាតិអាមេរិក និងអឺរ៉ុប បា​នចូលចតនៅកំពង់ផែក្រុងព្រះសីហនុ នាព្រឹកថ្ងៃទី១៣ ខែកុម្ភៈ ឆ្នាំ២០២០ ក្រោយទទួលបានការអនុញ្ញាតពី សម្តេចតេជោ ហ៊ុ​ន សែន នាយករដ្ឋមន្រ្តី នៃកម្ពុជា ។ បន្ទាប់ពីបានចូលចតនៅកំពង់ផែព្រះសីហនុ និងឆ្លង​កាត់ការត្រួតពិនិត្យសុខភាព ភ្ញៀ​វ​ទេសចរណ៍អស់ទាំងនោះ ត្រូវបានអនុញ្ញាតឱ្យធ្វើដំណើរកម្សាន្តដោយសេរី នៅក្នុងប្រទេ​​​សកម្ពុជា ឬចាកចេញតាមជើងយ​ន្ត​ហោះ​ ប្រ​សិ​​​​​​​ន​ជាពួកគេចង់ចាកចេញ ។ស្ថានទូតប្រទេសជាច្រើន ទាំងអាមេរិក និងអឺរ៉ុប សុទ្ធតែបានថ្លែងអំណរគុណ និងកោតសរសើរចំពោះ ទឹកចិត្តរបស់រាជរដ្ឋា​ភិ​បា​ល​​​​​កម្ពុជា ក្នុងការជួយសង្គ្រោះដល់នាវាយក្សដោយបានអនុញ្ញាតឱ្យចតនៅកំពង់ផែក្រុងព្រះសីហនុ ៕.... អានបន្ត
ដោយៈ សហការី (Sun,16 February 2020 (Time 04:37 PM))

សីតុណ្ហភាពនៅទ្វីបទឹកកកអង់តាកទិច ទើបបំបែកកំណត់ត្រាថ្មីមួយទៀតនោះ គឺ២០.៧៥អង្សាសេ
សៅប៉ូឡូ ៖ ក្រុមអ្នកវិទ្យាសាស្ត្រក្នុងទ្វីបអង់តាក់ទិច បានចុះបញ្ជីសីតុណ្ហភាពថ្មីមួយរហូតដល់ទៅ ២០.៧៥អង្សាសេ ដែលនេះគឺក​ម្រិ​​​តលើស ២០អង្សាសេជាលើកដំបូង នៅ​​​​​លើទ្វីបទឹកកកយក្សមួយនេះ ខណៈមានការព្រួយបារម្ភកាន់តែខ្លាំង អំពីការរលាយផ្ទាំ​ង​​​ទឹកកក និងការកើនឡើងនៃកម្ដៅផែនដី ។ នេះបើតាមការចេញផ្សាយដោយសារព័ត៌មាន CNA នៅល្ងាចថ្ងៃសុក្រ ទី១៤ ខែកុ​ម្ភៈ ​ឆ្នាំ២០២០ ។លោក ខាឡូស ស្កាអ៊ីហ្វើ (Carlos Schaefer) ជាអ្នកវិទ្យាសាស្ត្រប្រេស៊ីលម្នាក់ បានបញ្ជាក់យ៉ាងខ្លីដូច្នេះថា «យើងមិនដែលបានឃើ​ញ​​​សីតុណ្ហភាពក្ដៅបែបនេះទេ នៅលើទ្វីបអង់តាក់ទិច» ។  លោកបន្ថែមថា ការរកឃើញនេះធ្វើឡើងនៅឯស្ថានីយនៅលើកោះមួ​យ​ ស្ថិតនៅភាគខាងជើងចុងបំផុត នៃទ្វីបមួយនេះកាលពីថ្ងៃទី៩ ខែកុម្ភៈ ប៉ុន្តែនេះមិនមែនបង្ហាញពីនិន្នាការ ប្រម្រែបម្រួល​អា​​កាសធាតុនោះទេ ព្រោះវាគ្រាន់តែជាការផ្តោតតែទៅលើ សីតុណ្ហភាពតែមួយគត់ និងមិនមែនជាផ្នែកមួយទិន្នន័យរយៈពេល​វែ​ង​ឡើយ ។គួរជម្រាបថា កាលពីថ្ងៃទី២៤ ខែមីនា ឆ្នាំ២០១៥ កម្ដៅនៅលើទ្វីបអង់តាក់ទិច មានសីតុណ្ហភាព ១៧.២អង់ង្សាសេ ខណៈឆ្នាំ​២០​១​​៩ កន្លងទៅត្រូវបានអង្គការសហប្រជាជាតិចាត់ទុកថា ជាឆ្នាំដ៏ក្ដៅបំផុតមួយមិនធ្លាប់ចាប់តាំងពីឆ្នាំ២០១៦ មក ខណៈនៅឆ្នាំ​​​២០២០ នេះ សីតុណ្ហភាពកំពុងបន្តស្ថិតនៅក្នុងនិន្នាការនេះដដែល ៕.... អានបន្ត
ដោយៈ សហការី (Sun,16 February 2020 (Time 04:22 PM))

ប្រទេសថៃអនុញ្ញាតឲ្យកប៉ាល់ធំៗចំនួនពីរគ្រឿង ដឹកមនុស្សជាង៤,០០០នាក់ ចូលចតនៅកំពង់ផែកោះភូកេត
ប្រទេសថៃ ៖ ក្រុមអ្នកដំណើរ និងអ្នកបម្រើការងារទាំងអស់សរុបជាង ៤,០០០នាក់នៅកប៉ាល់ធំៗចំនួន២គ្រឿង ត្រូវបានអាជ្ញា​ធ​​​រ​ថៃ អនុញ្ញាតឱ្យចូលចតនៅកំពង់ផែកោះ​ភូ​កេ​​ត (Phuket) ស្ថិតនៅភាគខាងត្បូងប្រទេស នៅថ្ងៃព្រហស្បតិ៍ សប្ដាហ៍នេះ ប​ន្ទា​ប់​​ពីក្រុមមន្ត្រីសុខាភិបាលអះអាងថា គ្មានមនុស្សណាម្នាក់ផ្ទុកវីរុសកូរ៉ូណាថ្មី COVID-19 ឬកូរ៉ូណាថ្មីនេះឡើយ។ នេះបើតាមការចេ​ញ​​​ផ្សាយដោយសារព័ត៌មាន Bangkok Post នៅព្រឹកថ្ងៃសុក្រ ទី១៤ ខែកុម្ភៈ ឆ្នាំ២០២០ ។កប៉ាល់ ស៊ីប៊ន អូវេសិន (Seabourn Ovation) ដោតទង់ជាតិប្រទេសប៉ាហាម៉ាស់ (Bahamas) ដែលដឹកអ្នកដំ​ណើរ ៤៩៥នាក់ និងបុគ្គលិក ៤៧០នាក់ធ្វើដំណើរចេញពី​កោះ​ ឡាំងកាវី (Langkawi) ប្រទេសម៉ាឡេស៊ីបានចូលចតនៅឯកំពង់ផែ Phuket របស់ថៃ។ អ្នកដំណើរនៅលើកប៉ាល់ភាគច្រើនជាប្រជាពលរដ្ឋអឺរ៉ុប ត្រូវបានត្រួតពិនិត្យសុ​ខ​​ភាព ដោយក្រុមមន្ត្រីសុខាភិបាលថៃមុននឹងអ​នុ​​​ញ្ញាតឱ្យចូលចត ហើយកប៉ាល់ Seabourn Ovation នឹងបន្តចេញដំណើរទៅកាន់ប្រទេសសិង្ហបុរីនាប៉ុន្មានថ្ងៃទៀត ។ ចំ​ណែ​កឯ ក​ប៉ាល់មួយគ្រឿងទៀត ក្វាន់ថុម អូហ្វ ដឺ ស៊ី (Quantum of the Seas) ដែលមានផ្ទុកអ្នកដំណើរ និងនាវិកសរុប ៣,១០០នាក់ បា​ន​ចូលចតនៅកំពង់ផែ Phuket ដោ​​​យមិនមាននរណាម្នាក់ត្រូវបានគេរកឃើញថា មានផ្ទុកវីរុសកូរ៉ូណានោះទេ ហើយបន្ទាប់មកទៀត កប៉ាល់នេះក៏នឹងបន្តដំណើរទៅប្រទេសសិង្ហបុរីដូចគ្នាដែរ ។ប៉ុន្តែទន្ទឹមនឹងការអនុញ្ញាតរបស់ថៃ ឱ្យកប៉ាល់ទាំង២ចូលចត បានបង្កឱ្យមានការរិះគន់ជាច្រើន នៅក្នុងចំណោមអ្នកលេងប​ណ្ដា​​​ញទំនាក់ទំនងសង្គមថា «ជាការអនុ​វត្ត​ស្ដង់​ដា​ពីរ» បន្ទាប់ពីទីក្រុងបាងកកបានបដិសេធកប៉ាល់ វែស្ទឺរដាម (Westerdam) មិ​​​ន​ឲ្យចូលចតនៅកំពង់ផែរបស់ខ្លួន ដោយសារតែព្រួយបារម្ភពីការឆ្លងវីរុសកូរ៉ូណា។ នេះបើតាមការបញ្ជាក់ក្នុងសារព័ត៌មានថៃ B​a​n​gkok Post ។គួរបញ្ជាក់ថា កាលពីប៉ុន្មានថ្ងៃមុននេះសារព័ត៌មានថៃ Thai PBS World បានដកស្រង់សារ បង្ហោះដោយគ្រូបង្រៀ​នផ្នែកសេ​ដ្ឋកិច្ចមួយរូបឈ្មោះ ភីធី ស្រីសាអេងណាម (P​i​t​​i Srisaengnam) ប្រចាំនៅសាកលវិទ្យាល័យជូឡាឡុងកន (Chulalongkorn) ដ៏ល្បីល្បា​ញរបស់ប្រទេសថៃ ដែលបានលើកឡើងថា ថៃបានបោះបង់ចោលឱកាសល្អបំផុ​ត ​ដើម្បីបង្ហាញប្រាប់ពិភពលោកថា ខ្លួនជាប្រទេសមានមនុស្សធម៌ ។ លោក Piti Srisaengnam បានពន្យល់ថា សេចក្តីសម្រេចរបស់រដ្ឋាភិបាលថៃ ដែលមិនអនុញ្ញាតឲ្យនា​វា​ទេ​សចរណ៍ (Westerdam) ចូលចតនៅកំពង់ផែឡេមឆាបា​ង (Laem Chabang) ក្នុងខេត្តឈុនបុរី (Chon Buri) នោះគឺជាទង្វើ «សា​ហាវ និងអមនុស្សធម៌» ។ លោកគ្រូ Pi​ti Srisaengnam បានសង្កត់ធ្ងន់យ៉ាងដូច្នេះថា «ចូរអ្នកព្យាយាមស្រម៉ៃមើលថា តើម​នុ​ស្សនៅលើនាវានោះអស់សង្ឃឹមដូចម្តេចទៅ បន្ទាប់ពីនាវាពួកគេស្ថិតនៅលើសមុទ្រ រ​យៈ​ពេលជាង ២០ថ្ងៃទៅហើយនោះ ។ នៅពេលវាជាបញ្ហាផ្នែកមនុស្សធម៌ យើងត្រូវជួយដល់អ្នកមានទុក្ខលំបាក ដោយមិនត្រូវបណ្តេញពួកគេចេញទៅវិញទេ។ ហេតុអ្វីមិនជ្រើសរើសយកជម្រើសមនុស្សធម៌ ដើម្បីមនុស្សដែលកំពុងជួបទុក្ខលំបាក? ប្រសិនបើពួកគេអាចមកដល់ច្រាំង តើពួកគេនឹងរំ​ភើ​​​បបែបណាចំពោះប្រទេសថៃ? ពួកគេនឹងចង​ចាំ​ថៃជារៀងរហូត ពីព្រោះយើងបានមើលថែពួកគេ នៅពេលពួកគេជួបការលំ​បា​ក។ យើងអាចក្លាយជាមិត្តពិតប្រាកដរបស់ពួកគេ។ ប៉ុន្តែជាអកុសលយើងយឺតពេលហើយ ព្រោះ​​​យើងបានបោះចោលឱកាសនោះ​ចូលទៅក្នុងសមុទ្រ។ មនុស្ស គឺជាសត្វលោកដែលមានអរិយធម៌ ពីព្រោះយើងដឹងពីរបៀបជួយគ្នាទៅវិញទៅមក» ៕.... អានបន្ត
ដោយៈ សហការី (Fri,14 February 2020 (Time 03:08 PM))

តំណាងស្ថានទូតអាមេរិកប្រចាំនៅកម្ពុជា ថ្លែងអំណរអរគុណចំពោះចំណាត់ការបន្ទាន់របស់កម្ពុជា ដែលអនុញ្ញាតឲ្យនាវា WESTERDAM ចូលចតនៅកំពង់ផែក្រុងព្រះសីហនុ
ខេត្តព្រះសីហនុ ៖ នៅព្រឹកថ្ងៃទី១៤ ខែកុម្ភៈ ឆ្នាំ២០២០នេះ សម្តេចតេជោ ហ៊ុន សែន បានអញ្ជើញជួបស្វាគមន៍ដោយផ្ទាល់ជាមួយអ្នកដំណើរនៅលើនាវាទេសចរណ៍ Weste​r​d​a​m នៅឯកំពង់ផែក្រុងព្រះសីហនុ។ បន្ទាប់ពីសម្តេចតេជោស្វាគមន៍រួចហើយ តំណាងស្ថានទូតអាមេរិកប្រចាំនៅកម្ពុជា បានធ្វើកិច្ចសម្ភាសន៍ថ្លែងពីចំណាប់អារម្មណ៍ និងសូមអរគុណចំពោះចំណាត់ការបន្ទាន់របស់កម្ពុជា ដែលបានអនុញ្ញាតឲ្យនាវា WESTERDAM ចូលចតនៅកំពង់ផែក្រុងព្រះសីហនុ ។.... អានបន្ត
ដោយៈ សហការី (Fri,14 February 2020 (Time 02:56 PM))

ឯកអគ្គរដ្ឋទូតថ្មីនៃប្រទេសអូស្រា្តលីប្រចាំកម្ពុជា កោតសរសើរប្រទេសកម្ពុជាមានកំណើនសេដ្ឋកិច្ចខ្ពស់ហើយរឹងមាំ និងផ្លាស់ប្តូរមុខមាត់យ៉ាងលឿនបំផុតលើឆាកអន្តរជាតិ
ឯកអគ្គរដ្ឋទូតថ្មីនៃប្រទេសអូស្រា្តលីប្រចាំកម្ពុជា កោតសរសើរប្រទេសកម្ពុជាមានកំណើនសេដ្ឋកិច្ចខ្ពស់ហើយរឹងមាំ និងផ្លាស់ប្តូរ​មុ​ខមាត់យ៉ាងលឿនបំផុតលើឆាកអន្តរជាតិ ដោយកម្ពុជាបានដាក់ចេញ និងអនុវត្តនូវកិច្ចការកែទម្រង់ស៊ីជម្រៅលើគ្រប់វិស័​យ​ យ៉ាងសស្រាក់សស្រាំរបស់រាជរដ្ឋាភិបាល ចាប់តាំងតែពីដើមនីតិកាលទី៥មកនេះ ។ឯ​​កឧត្តម Pablo Chiho Kang ឯកអគ្គរដ្ឋទូតថ្មីនៃប្រទេសអូស្រា្តលីប្រចាំកម្ពុជា បានកោតសរសើរវាយតម្លៃខ្ពស់ ចំពោះការរីក​ច​ម្រើ​ន និងផ្លាស់ប្តូរគួរឲ្យកត់សម្គាល់របស់កម្ពុជានាពេលបច្ចុប្បន្ន ជាមួយនឹងការអភិវឌ្ឍ ពោពេញទៅដោយសុខសន្តិភាពពេ​ញ​លេ​​​ញ ដែលសមិទ្ធិផលទាំងនេះ គឺកើតឡើងពីកិច្ចខិតខំប្រឹងប្រែងផ្ទាល់របស់រាជរដ្ឋាភិបាលកម្ពុជាតែម្តង។ ជាពិសេស បានជួយធ្វើ​​​ឲ្យមូលដ្ឋាននៃសេដ្ឋកិច្ចជាតិ មានលក្ខណៈរឹងមាំ និងមានសន្ទុះខ្លាំងក្លា, ការកៀងគរចំណូលប្រកបដោយប្រសិទ្ធិភាព ហើយ​កា​រចំ​ណាយទៀតសោតមានតម្លាភាព និងសក្កិសិទ្ធភាព ដែលកត្តាទាំងនេះបានធ្វើឱ្យកម្ពុជា សម្រេចបាននូវកំណើនសេដ្ឋកិច្​ចខ្ព​ស់ ហើយរឹងមាំ និងផ្លាស់ប្តូរមុខមាត់យ៉ាងលឿនបំផុតលើឆាកអន្តរជាតិ។ ជាក់ស្តែងកាលពីឆ្នាំកន្លងទៅ អ្នកទេសចរណ៍អូ​ស្រ្តា​​លីបានមកទស្សនាប្រទេសកម្ពុជាយ៉ាងច្រើនកុះករ ហើយចំណែកវិស័យអប់រំវិញ សម្រាប់ឆ្នាំ២០២០នេះ មាននិស្សិតកម្ពុជាចំ​នួ​​​នប្រមាណ ៣,០០០នាក់ បានចុះឈ្មោះទៅសិក្សានៅប្រទេសអូស្រ្តាលី ដែលរួមមានទាំងនិស្សិតទទួលអាហារូបករណ៍ និងបង់ថ្លៃ ។​ជាការឆ្លើយតប ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន បានសម្តែងនូវការអបអរសារទរ និងស្វាគមន៍យ៉ាងកក់ក្តៅចំ​ពោះ​ឯកឧត្តម Pablo Chiho Kang ដែលត្រូវបានតែងតាំងជាឯកអគ្គរដ្ឋទូតថ្មីនៃប្រទេសអូស្រា្តលី ប្រចាំនៅកម្ពុជា។ ឯកឧត្តម​ស​ង្ឃឹមថា តាមរយៈវត្តមាន និងបេសកកម្មការទូតរបស់ឯកឧត្តមឯកអគ្គរដ្ឋទូតថ្មីនៅកម្ពុជា ប្រពៃណីនៃកិច្ចសហប្រតិបត្តិការទ្វេ​​​ភាគី រវាងប្រទេសទាំងពីរ កម្ពុជា-អូស្រ្តាលី នឹងកាន់តែស៊ីជម្រៅ និងប្រសើរថែមទៀតនៅលើគ្រប់វិស័យ។ ឯកឧត្តម ឧ​បនា​យ​ក​រដ្ឋមន្ត្រី បានគូសរំលេចពីគុណបំណាច់ដ៏ឧត្តុង្គឧត្តមរបស់រដ្ឋាភិបាល និងប្រជាជនអូស្រ្តាលី ចំពោះរាជរដ្ឋាភិបាល និងប្រ​ជា​ជ​ន​​​កម្ពុជា ចាប់តាំងពីការជួយដល់ដំណើរការ កសាងសន្តិភាព រហូតដល់ការអភិវឌ្ឍលើគ្រប់វិស័យ ហើយចំណងមិត្តភាព និងកិ​ច្ច​ស​​​ហប្រតិបត្តិការ រវាងប្រទេសទាំងពីរត្រូវបានលើកកម្ពស់ ឥតឈប់ឈរ ដែលបាននាំមកនូវសមិទ្ធផលប្រកបដោយផ្លែផ្កាជាច្រើ​ន​អនេក ។ឯកឧត្តមបញ្ជាក់ថា កម្ពុជានឹងបន្តខិតខំលើកកម្ពស់កិច្ចសហប្រតិបត្តិការ និងមិត្តភាពឲ្យកាន់តែស្អិតរមួតបន្ថែមទៀត ដើម្បីជា​ឧ​ត្តមប្រយោជន៏សម្រាប់ប្រទេស និងប្រជាជននៃប្រទេសទាំងពីរ កម្ពុជា-អូស្រ្តាលី ៕.... អានបន្ត
ដោយៈ សហការី (Thu,13 February 2020 (Time 02:43 PM))

ឯកឧត្តមរដ្ឋមន្ត្រីក្រសួងព័ត៌មាន អនុញ្ញាតឱ្យគណៈប្រតិភូសមាគមមូលនិធិអភិរក្សដំរីខ្មែរ អៃរាវត្តា (AIRAVATA) ចូលជួបសម្តែងការគួរសម និងជម្រាបជូនពីសមិទ្ធផលការងាររបស់សមាគមកន្លងមក
រាជធានីភ្នំពេញ ៖ នាព្រឹកថ្ងៃទី១៣ ខែកុម្ភៈ ឆ្នាំ២០២០ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន អនុញ្ញាតឱ្យគណៈប្រតិ​ភូ​​​​​សមាគមមូលនិធិអភិរក្សដំរីខ្មែរ អៃរាវត្តា (A​​​IRAVATA) ដឹកនាំដោយលោកស្រី ក្លេ ខៃ ចិន្តា នាយិកាសមាគមមូលនិធិអភិរ​ក្សដំរីខ្មែរ អៃរាវត្តា (AIRAVATA) ក្នុងជុំរំអភិរក្សដំរី ស្ថិតនៅភូមិកាទៀង ឃុំល្បាំងពីរ ស្រុ​ក​លំផាត់ ខេត្តរតនគិរី  ចូលជួបសម្តែ  ងការគួរសម និងជម្រាបជូនពីការងាររបស់សមាគម ដែលបានអនុវត្តកន្លងមក ។.... អានបន្ត
ដោយៈ សហការី (Thu,13 February 2020 (Time 02:32 PM))

ឧបនាយករដ្ឋមន្រ្តី ជា សុផារ៉ា (ច្បាប់សំណង់មានគោលដៅធានាបាននូវសុវត្ថិភាព និងភាពរឹងមាំសម្រាប់សំណង់ដែលត្រូវសាងសង់ និងធានាផលប្រយោជន៍ជាបុគ្គលនិងសាធារណៈ)
រាជធានីភ្នំពេញ ៖ នាព្រឹកថ្ងៃទី១៣ ខែកុម្ភ: ឆ្នាំ២០២០ នៅសណ្ឋាគារសុខាភ្នំពេញ ឯកឧត្ដម ជា សុផារ៉ា ឧបនាយករដ្ឋមន្រ្តី រដ្ឋម​ន្ត្រី​ក្រសួងរៀបចំដែនដី នគរូបនីយកម្ម និងសំណង់ បានអញ្ជើញជាអធិបតីភាព បើកវគ្គផ្សព្វផ្សាយអំពីច្បាប់ស្តីពីសំណង់ ជូនអ្ន​ក​​​វិជ្ជាជីវៈក្នុងវិស័យសំណង់ “លើកទី២” ។ក្នុងវគ្គផ្សព្វផ្សាយនេះ ឯកឧត្តម ឧបនាយករដ្ឋមន្រ្តី ជា សុផារ៉ា មានប្រសាសន៍ថា ក្នុងនាមក្រសួងរៀបចំដែនដី នគរូបនីយកម្ម​និ​ងសំណង់ សូមស្វាគមន៍និងថ្លែងអំណរគុណដល់វិស្វករ ស្ថាបត្យករ ដែលបានចុះបញ្ជីនៅក្នុងគណវិជ្ជាជីវៈទាំង២នេះ ហើយនាពេ​ល​​​នេះ អ្នកប្រកបវិជ្ជាជីវៈក្នុងវិស័យសំណង់ វិស្វករ ស្ថាបត្យករ ក៏បានចូលរួមវគ្គផ្សព្វផ្សាយច្បាប់ស្តីពីសំណង់នេះជាលើកទី២ ដែល​មា​នសរុប១២៤៩រូប ហើយបើធៀបនឹងកាលពីលើកទី១ មានអ្នកចូលរួមចំនួនតែ ៦៤១រូប ដែលចាត់ទុកថា នេះជាចំនួនដែល​មា​នការកើនឡើង ។ឯកឧត្ដម ជា សុផារ៉ា បញ្ជាក់ថា ចំពោះអ្នកនូវសេសសល់មិនទាន់បានចូលរួម គឺក្រសួងនឹងរៀបចំវគ្គផ្សព្វផ្សាយច្បាប់នេះ ជាលើ​ក​ចុងក្រោយមួយវគ្គទៀតផងដែរ ដើម្បីបញ្រ្ជាបការយល់ដឹងស្តីពីច្បាប់សំណង់ឱ្យបានទូលំទូលាយជូនពួកគាត់ សំដៅបង្កល​ក្ខ​ណៈ​ងាយស្រួលក្នុងការអនុវត្តការងារ ហើយនាពេលខាងមុខក្រសួងគ្រោងនឹងបន្តធ្វើការផ្សព្វផ្សាយច្បាប់សំណង់នេះទៅដល់រូ​ប​វ័​ន្ត​​​បុគ្គលបណ្តាក្រុមហ៊ុនដែលបានចុះបញ្ជីដូចគ្នា។ឯកឧត្ដម ឧបនាយករដ្ឋមន្រ្តី ជា សុផារ៉ា បានលើកឡើងអំពីច្បាប់សំណង់ ដែលច្បាប់នេះបានធ្វើការជ្រើសរើសរកដៃគូស​ម្រា​ប់​ជួ​យ​​​​គាំទ្រ ហើយដៃគូដែលមានភាពសក្តិសម គឺយើងជ្រើសរើសយកប្រទេសជប៉ុន ដែលជាប្រទេសមួយដែលមានស្តង់ដារត្រឹមត្រូវច្បា​ស់លាស់ ហើយងាយស្រួលត្រង់ថា ក្រសួងរៀបចំដែនដី នគរូបនីយកម្មនិងសំណង់ ជាមួយនឹងក្រសួងដីធ្លី គមនាគមន៍ ទេ​ស​ច​រ​ណ៍ នៅប្រទេសជប៉ុន ធ្លាប់បានចុះអនុស្សារណៈយោគយល់គ្នារួច កាលពីប៉ុន្មានឆ្នាំកន្លងមកនេះ ដូច្នេះហើយទើបយើងរៀបចំ​តា​ក់​តែងច្បាប់សំណង់នេះបានដោយជោគជ័យ ដោយមានការជួយគាំទ្រពីអ្នកជំនាញការរបស់ជប៉ុនផងដែរ ។ឯកឧត្ដម ជា សុផារ៉ា បន្តថា ច្បាប់សំណង់នេះមានគោលដៅធានាបាននូវសុវត្ថិភាព និងភាពរឹងមាំសម្រាប់សំណង់ដែលត្រូវ​សា​ង​សង់ និងធានាផលប្រយោជន៍ជាបុគ្គលនិងសាធារណៈដែលកំណត់គោលដៅ២សំខាន់៖- គោលដៅចំបងទីមួយ របស់ច្បាប់នេះ គឺចង់ឱ្យសំណង់រក្សាបាននូវសុវត្ថិភាព មិនប៉ះពាល់ដល់សុខមាលភាព គឺធានានូវភាពមិនរឹងមាំ ដែលមិនបណ្តាលនាំឱ្យមានវិបត្តិដូចដែលធ្លាប់កើតមានកន្លងមកនោះទេ។- គោលដៅទី២ នៃច្បាប់សំណង់ គឺការសាងសង់ ត្រូវស្ថិតនៅលើដី ដែលមានកម្មសិទ្ធដែលអនុលោមទៅតាមផែនការប្រើប្រាស់ដីធ្លី​ ប្លង់គោល ក៏ដូចជាប្លង់នគរូបនីយកម្ម ដែលបានរៀបចំ ដែលមានន័យថា សំណង់ដែលបានសាងសង់ត្រូវគោរពគម្លាតរវាង​ឯ​កជនទាំងសងខាង រក្សាគម្លាតឱ្យស្របទៅតាមបទដ្ឋាននគរូបនីយកម្ម និងគោរពចំពោះទីតាំងសាធារណៈ ដូចជា លូទឹកនិ​ង​​​ហេដ្ឋារចនាសម្ព័ន្ធផ្សេងទៀត។ ក្នុងន័យដដែលនេះដែរដើម្បីធានាដល់ប្រសិទ្ធភាពនៃច្បាប់នេះ គឺមុននឹងច្បាប់សំណង់នេះ ត្រូ​វ​បា​នរៀបចំតាក់តែងនោះ ក្រសួងរៀបចំដែនដីនគរូបនីយកម្មនិងសំណង់ បានរៀបចំធ្វើប្លង់គោលហេដ្ឋារចនាសម្ព័ន្ធនៅទូទាំ​ង​ប្រទេស ដើម្បីដកចេញនូវហេដ្ឋារចនាសម្ព័ន្ធឱ្យអស់ ងាយស្រួលឱ្យប្រជាពលរដ្ឋធ្វើសំណើរសុំការសាងសង់សំណង់ ដែលនេះបាន​ផ្ត​ល់ផលប្រយោជន៍ចំនួន២ គឺយើងអនុវត្តតាមប្លង់គោលប្រើប្រាស់ដីធ្លី ស្របតាមផែនការ ដែលបានរៀបចំពេល ដែលសំណង់​ត្រូ​វ​បានសាងសង់គឺយើងរក្សាគម្លាត ហើយដកចេញនូវហេដ្ឋារចនាសម្ព័ន្ធហើយនោះ ប្រជាពលរដ្ឋក៏មិនមានការភ័យខ្លាច រីឯរ​ដ្ឋក៏មិនតម្រូវឱ្យមានការដោះស្រាយឆ្លើយតបនូវផលប៉ះពាល់ដែលសំណង់បានសង់ហើយមិនគោរពទៅតាមប្លង់គោលនោះដែរ។ ក្នុ​ងគោលដៅនេះហើយ នៅក្នុងច្បាប់សំណង់យើងបានរៀបចំយ៉ាងដូច្នេះ ដើម្បីធានានូវប្រក្រតីភាពនិងចូលរួមចំណែកក្នុងការ​ស​ន្សំសំចៃថវិការបស់ជាតិ ហើយប្រជាពលរដ្ឋ ក៏មិនមានការភិតភ័យផងដែរ។ យើងក៏បានដាក់នូវគោលដៅសំរាប់គាំទ្រដល់វិស័​យ​​​អចលនទ្រព្យ គាំទ្រដល់អ្នកវិនិយោគដែលពួកគាត់ត្រូវការភាពរឹងមាំនិងជំនឿជឿជាក់។ឯកឧត្តម ឧបនាយករដ្ឋមន្រ្តី ជាសុផារ៉ា បានចាត់ទុកថាការ ជួបជុំគ្នានាពេលនេះគឺដើម្បីពង្រឹងច្បាប់សំណង់ដល់អ្នកមានវិជ្ជា​ជី​វៈក្នុងវិស័យសំណង់ឱ្យបានយល់ច្បាស់អំពីច្បាប់សំណង់ ងាយស្រួលក្នុងការអនុវត្តការងារឱ្យមានប្រសិទ្ធិភាព។ ចំពោះគោលដៅ​ដែ​លច្បាប់សំណង់នេះបានរៀបចំរួចនោះ គឺការថែរក្សានូវបរិស្ថានល្អនិងកុំឱ្យសំណង់ដែលសាងសង់ឡើងនោះ នាំឱ្យមានការប៉ះពាល់ដល់បរិស្ថាន ដោយរាល់សំណង់ទាំងអស់ត្រូវតែមានផ្ទៃបៃតង ហើយការបង្ហូរទឹកកខ្វក់ចេញទៅក្រៅគឺត្រូវសម្លាប់មេរោគ មុ​ន​នឹងបង្ហូរទៅកាន់ប្រភពទឹកសាធារណេៈ ធ្វើយ៉ាងណាឱ្យទឹកកខ្វក់នេះ កាត់បន្ថយបាននូវជាតិពុលមដើម្បីលើកកម្ពស់ដល់សុ​ខ​​​​​​មាលភាពនិងកិច្ចគាំពារបរិស្ថានឱ្យបានល្អប្រសើរ ៕.... អានបន្ត
ដោយៈ សហការី (Thu,13 February 2020 (Time 02:21 PM))

ក្រសួងព័ត៌មាន បានរៀបចំសិក្ខាសាលាស្ដីពី «ការផ្សាយព័ត៌មានប្រកបដោយវិជ្ជាជីវៈ និងក្រមសីលធម៌» ដល់អ្នកសារព័ត៌មាន ដែលកំពុងបម្រើការងារផ្នែកព័ត៌មាន នៅក្នុងប្រទេសកម្ពុជា
ភ្នំពេញ ៖ នៅព្រឹកថ្ងៃទី១២ ខែកុម្ភៈ ឆ្នាំ២០២០នេះ ក្រសួងព័ត៌មាន បានរៀបចំសិក្ខាសាលា ស្ដីពី «ការផ្សាយព័ត៌មានប្រកប​ដោ​យ​វិជ្ជាជីវៈ និងក្រមសីលធម៌» ដល់បណ្តាអ្នកសារព័ត៌មាន ដែលកំពុងបម្រើការងារផ្នែកព័ត៌មាន នៅក្នុងប្រទេសកម្ពុជា។សិក្ខាសាលានេះ ត្រូវបានរៀបចំធ្វើឡើងនៅសាលប្រជុំសត្យា នៃទីស្តីការក្រសួងព័ត៌មាន រាជធានីភ្នំពេញ ក្រោមវត្តមានលោក ផុស សុវណ្ណ អគ្គនាយកសោតទស្សន៍ នៃក្រសួងព័ត៌មាន ព្រមទាំងមានការអញ្ជើញចូលរួមពីសំណាក់អ្នកសារព័ត៌មានយ៉ាងច្រើន​ផ​ង​ដែរ ។មូលហេតុនៃការបើកសិក្ខាសាលា ស្ដីពី «ការផ្សាយព័ត៌មានប្រកបដោយវិជ្ជាជីវៈ» និងក្រមសីលធម៌ ដើម្បីបញ្ជ្រាបចំណេះដឹងដល់អ្នកសារព័ត៌មាន សំដៅដល់ការធានាផ្សព្វផ្សាយព័ត៌មានប្រកបដោយវិជ្ជាជីវៈ ចៀសវាងផ្សព្វផ្សាយព័ត៌មានមិនពិត ដែលមានលក្ខណៈញុះញង់ បង្កាច់បង្ខូច បំប៉ោងស្ថានការណ៍ ឬព្រឹត្តិការណ៍ណាមួយនាំឱ្យសាធារណជនមានការភាន់ច្រឡំ ។បច្ចុប្បន្ននេះ គេតែងតែសង្កេតឃើញថា មានអ្នកសារព័ត៌មានមួយចំនួនតូច បានផ្សព្វផ្សាយនូវព័ត៌មានមិនពិត ខ្វះប្រភព គ្មា​នវិជ្ជាជីវៈ ដែលធ្វើឱ្យសាធារណជនមានការភ័ន្តច្រឡំ ចំពោះព័ត៌មានទាំងនេះ រហូតមានសាធារណជនខ្លះ ខឹងសម្បារចំពោះថ្នា​ក់ដឹកនាំ ព្រោះតែព័ត៌មានក្លែងក្លាយ គ្មានវិជ្ជាជីវៈ របស់អ្នកសារព័ត៌មានមួយចំនួនតូចជាដើម ។មិនតែប៉ុណ្ណោះ យុវជនខ្មែរបច្ចុប្បន្ននេះ មានការបារម្ភពីផលប៉ះពាល់ដល់សង្គមដោយសារព័ត៌មានមិនពិត អាចជះឥទ្ធិពលអា​ក្រក់ដល់សង្គម ក៏ដូចជាការគិតគូររបស់ប្រជាពលរដ្ឋ ខណៈដែលបណ្តាញទំនាក់ទំនងសង្គម កំពុងមានប្រជាប្រិយ៍ភាពទៅកាន់ប្រជាពលរដ្ឋកម្ពុជា ។សព្វថ្ងៃនេះ សារព័ត៌មានមិនពិតដែលគ្មានវិជ្ជាជីវៈ បាននឹងកំពុងកើតមានច្រើនឡើង ស្របពេលដែលប្រជាជនកម្ពុជាភាគ ច្រើ​នលែងសូវមានទម្លាប់ក្នុងការស្តាប់វិទ្យុ ឬទូរទស្សន៍ ។ ការរីករាលដាលនៃការសរសេរព័ត៌មានមិនពិតនេះ អាចមកពីការគិត​រ​ប​ស់ប្រជាពលរដ្ឋកម្ពុជា នៅខ្សោយពុំសូវបានពិនិត្យច្បាស់លាស់ ពីប្រភពព័ត៌មានណាដែលអាចទុកចិត្តបាន និងចេះតែចែ​ករំ​លែ​កតៗគ្នា ពីមួយទៅមួយ ។ ចំពោះការចែករំលែកព័ត៌មានមិនពិតនេះ នៅតាមបណ្តាញសង្គមបានបង្កើតបញ្ហាបន្ថែមដល់ស​ង្គ​​​ម និងប៉ះពាល់ដល់ការគិតរបស់ប្រជាពលរដ្ឋជាខ្លាំង ។ ព័ត៌មានមិនពិត កំពុងធ្វើឱ្យបរិយាកាសសង្គម ក្នុងបណ្តាញសង្គមនៅ​ក​ម្ពុជា មានភាពច្របូកច្របល់ជាខ្លាំង ដែលធ្វើឱ្យអ្នកប្រើប្រាស់ពិបាកទុ​ក​ចិ​ត្ត និងព្រួយបារម្ភចំពោះព័ត៌មានទាំងនេះ អាចជះឥទ្ធិពលមិនល្អដល់សង្គម ក៏ដូចជាក្រុមគ្រួសាររបស់អ្នកដែលព័ត៌មានមិនពិត ។បច្ចុប្បន្ន មានការចែករំលែកព័ត៌មានមិនពិតនេះមានកាន់តែច្រើនក្នុងបណ្តាញសង្គម ដែលធ្វើឱ្យប្រជាជនទទួលបានព័ត៌​មា​ន​​ខុស ហើយវាការតែខុស ច្រើនបន្ថែមទៀត នៅពេលដែលព័ត៌មាននោះត្រូវបានចែកចាយបន្ត។ ផលវិបាកដែលកើ​ត​​ពីព័​ត៌មា​ន​មិនពិតនេះ គឺអាចប៉ះពាល់ដល់កេរ្តិ៍ឈ្មោះ អ្នកដែលត្រូវបានសារព័ត៌មានទាំងនោះវាយប្រហារ ក៏ដូចជាអ្នកដែ​លទទួលរឿងនេះ​ ជាប្រភពនៃឯកសារខ្លួនផងដែរ។ដូច្នេះ ព័ត៌មានដែលអាចទុកចិត្តបាន គឺជាព័ត៌មានដែលបានផ្សព្វផ្សាយតាមបណ្តាញសារព័ត៌មាន អាជីពមានវិជ្ជាជីវៈត្រឹមត្រូវ ពិ​​​តប្រាកដ ៕.... អានបន្ត
ដោយៈ សហការី (Wed,12 February 2020 (Time 02:43 PM))

ពិធីបូកសរុបលទ្ធផលការងារយោធា សន្តិសុខ ឆ្នាំ២០១៩ និងផ្សព្វផ្សាយផែនការសកម្មភាពការងារយោ​ធា​ សន្តិសុខ ឆ្នាំ​​​២០២០
ភ្នំពេញ៖ ក្នុងពិធីបូកសរុបលទ្ធផលការងារយោធា សន្តិសុខ ឆ្នាំ២០១៩ និងផ្សព្វផ្សាយផែនការសកម្មភាពការងារយោ​ធា​ សន្តិសុខ ឆ្នាំ​​​២០២០ របស់យោធភូមិភាគទី៥ នៅទី១០ ខែកុម្ភៈ ឆ្នាំ២០២០នេះ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកង​យោ​ធពលខេរមភូមិន្ទ មេបញ្ជាការកងទ័ពជើងគោកកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់យោធភូ​មិ​ភាគទី៥ ដែលពេញមួយឆ្នាំ២០១៩ កន្លងទៅនេះ។លោកបានលើកឡើងថា រយៈពេលកន្លងទៅនេះ យោធភូមិភាគទី៥ បានយកចិត្តទុកដាក់បំពេញភារកិច្ចប្រកបដោយការទ​ទួ​ល​ខុសត្រូវខ្ពស់ ក្នុងការការពារឯករាជ្យ អធិបតេយ្យ និងបូរណភាពទឹកដី, ការធានានូវសន្តិភាព, ស្ថិរភាព, សន្តិសុខ និងស​ណ្តា​ប់​ធ្នា​​​ប់សាធារណៈបានល្អប្រសើរ និងការកសាងពង្រឹងអង្គភាពរឹងមាំលើគ្រប់វិស័យ ក៏ដូចជាការចូលរួមចំណែកក្នុងការអនុវត្តផែ​ន​ការកែទម្រង់កងយោធពលខេមរភូមិន្ទ ដែលកំពុងដំណើរការ។លោកបានបន្តថា សមិទ្ធផលការងារទាំងនេះ ស្តែងឱ្យឃើញអំពីកិច្ចខិតខំប្រឹងប្រែងប្រកបដោយពលិកម្ម និងការប្តេជ្ញាចិត្តរប​ស់​​​មេបញ្ជាការ មេបញ្ជាការរងគ្រប់លំដាប់ថ្នាក់ នាយទាហាន នាយទាហានរង និងពលទាហានទូទាំងយោធភូមិភាគទី៥ ហើយក៏​អា​ចនិយាយបានថា ជាផ្លែផ្កានៃសាមគ្គីភាព និងឯកភាពផ្ទៃក្នុងល្អ ដែលថ្នាក់ដឹកនាំ និងយោធិនទូទាំងយោធភូមិភាគទី៥ បា​ន​​​ខិតខំរួបរួមគ្នាសម្រេចបានក្នុងរយៈកាលកន្លងមកនេះ ហើយសង្ឃឹមយ៉ាងមុតមាំថា ថ្នាក់ដឹកនាំ ព្រមទាំងយោធិនទូទាំ​ង​យោ​ធ​​​ភូមិភាគទី៥ នឹងបន្តប្រកាន់ខ្ជាប់នូវស្មារតី និងគោលការណ៍ទាំងនេះ ដើម្បីធានាបាននូវនិរន្តរភាពការងារ និងការរីក​ច​ម្រើ​ន​​​របស់យោធភូមិភាគបន្តទៅមុខទៀត ។មេបញ្ជាការកងទ័ពជើងគោក បានគាំទ្រ និងជំរុញឱ្យបន្តកិច្ចខិតខំប្រឹងប្រែង ដោយប្រកាន់យកការសម្រេចចិត្តច្បាស់​លាស់ និ​ង​ប្រុងប្រយ័ត្ន ជាមួយនឹងការគិតគូរពិចារណាគ្រប់ជ្រុងជ្រោយ ក្នុងការបំពេញតួនាទី និងភារកិច្ចក្នុងនាមកងយោធខេមរភូ​មិ​ន្ទ ស្របតាមរដ្ឋធម្មនុញ្ញ, ច្បាប់ និងនយោបាយការពារជាតិរបស់ព្រះរាជាណាចក្រកម្ពុជា ដើម្បីសម្រេចបានសមិទ្ធិផលកាន់តែល្អ​ប្រ​សើរជូនជាតិ ប្រជាជន និងមាតុភូមិយើង ៕.... អានបន្ត
ដោយៈ សហការី (Wed,12 February 2020 (Time 02:20 PM))

អង្គការសុខភាពពិភពលោក WHO ប្រកាសថា ការផលិតវ៉ាក់សាំងសម្រាប់វីរុស Covid-19 អាចនឹងរួចរាល់១៨ខែទៀត
ហ្សឺណែវ ៖ ប្រធានអង្គការសុខភាពពិភពលោក (WHO) លោក ថេដ្រូស អាដាណម ហ្គេប្រេយេសឹស (Tedros Adhanom Gh​eb​re​y​e​s​us) បានប្រកាសថា ការផលិតវ៉ាក់​សាំ​ងសម្រាប់វីរុសកូរ៉ូណាថ្មី ដែលទើបតែមានឈ្មោះជាផ្លូវការ Covid-19 អាចនឹងត្រូវបានផ​លិ​តរួចរាល់នៅក្នុងរយៈពេល ១៨ខែខាងមុខនេះ ខណៈចំនួនអ្នកស្លាប់នៅក្នុងប្រទេសចិននៅតែបន្តកើនឡើង ។ នេះបើតាម​កា​រចេញផ្សាយដោយស៊ីនហួរ នៅព្រឹកថ្ងៃពុធ ទី១២ ខែកុម្ភៈ ឆ្នាំ២០២០។លោក Tedros ធ្វើការកត់សម្គាល់ខាងលើ នៅឯសន្និសីទសារព័ត៌មានមួយក្នុងទីក្រុងហ្សឺណែវ ប្រទេសស្វីស នៅថ្ងៃអង្គារសប្ដាហ៍នេះ​។ លោកប្រធាន WHO បានគូសប​ញ្ជា​ក់​យ៉ាងដូច្នេះថា «ការអភិវឌ្ឍ និងផលិតវ៉ាក់សាំង ព្រមទាំងវិធីសាស្ត្រព្យាបាល គឺជាផ្នែ​ក​មួយដ៏សំខាន់នៃរបៀបវារៈក្នុងការសិក្សាស្រាវជ្រាវ ប៉ុន្តែវាត្រូវការពេលវេលាខ្លះ ហើ​យខ្ញុំយល់ថា វ៉ាក់សាំងដំបូងអាចនឹងត្រូវបាន​ផ​លិតរួចរាល់នៅក្នុងរយៈពេល ១៨ខាងមុខទៀតនេះ»។ លោក Tedros បន្ថែមថា នៅក្នុងរយៈពេលដែលមិនទាន់មានវ៉ាក់សាំង ប្រ​ទេសទាំងឡាយគួរតែប្រើប្រាស់វិធានការដែលខ្លួនកំពុងអនុវត្ត ក្នុងការប្រយុទ្ធប្រឆាំងនឹងវីរុស Covid-19។គួរជម្រាបថា គណៈកម្មការសុខាភិបាលចិនបានបញ្ចេញនូវរបាយការណ៍ថ្មី នៅព្រឹកថ្ងៃពុធ ទី១២ ខែកុម្ភៈ ឆ្នាំ២០២០ នេះដោយប​ញ្ជា​​​ក់ថា ចំនួនមនុស្សស្លាប់ដោយសារវី​រុ​ស​ខូវីដ ១៩ (កូរ៉ូណាថ្មីថ្មី ឬ Covid-19) បានកើនឡើងដល់១,១១៣នាក់ និងឆ្លងជាង​៤​៤​,​២​​​​០០នាក់ ៕.... អានបន្ត
ដោយៈ សហការី (Wed,12 February 2020 (Time 02:19 PM))

រដ្ឋាភិបាលអូស្ត្រាលី បានសម្រេចផ្តល់ជំនួយដល់រាជរដ្ឋាភិបាលកម្ពុជា ចំនួន១០លានដុល្លារអាមេរិកបន្ថែមទៀត សម្រាប់ការងារដោះមីន
ភ្នំពេញ ៖ រដ្ឋាភិបាលអូស្ត្រាលី បានសម្រេចផ្តល់ជំនួយដល់រាជរដ្ឋាភិបាលកម្ពុជា ចំនួន១០លានដុល្លារអាមេរិកបន្ថែមទៀត សម្រា​ប់​ការងារដោះមីន។ នេះបើតាម លោក កុ​យ​ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា ។ជំនួយបន្ថែមរបស់អូស្ត្រាលីលើការងារដោះមីននេះ បានបង្ហាញឡើងតាមរយៈ លោក Pablo Chiho Kang ឯក​អគ្គរដ្ឋទូតថ្មីប្រ​ទេ​ស​អូស្ត្រាលីប្រចាំកម្ពុជា នៅរសៀលថ្ងៃ​ទី​១​​១ ខែកុម្ភៈ ឆ្នាំ២០២០ ក្នុងឱកាសដែល ឧបនាយករដ្ឋមន្រ្តី ប្រាក់ សុខុន រដ្ឋមន្ត្រីក្រសួង​កា​របរទេស និងសហប្រតិបត្តការអន្តរជាតិ អនុញ្ញាតឲ្យចូលជួបសម្តែងការគួរសម នៅ​​​ទីស្តីការក្រសួង ។លោក កុយ គួង បានបញ្ជាក់ថា៖ «ភាគីទាំងពីរក៏បានពិភាក្សាគ្នាអំពីវិស័យដោះមីន ដែលកន្លងមកអូស្ត្រាលី បានជួយដល់កា​រ​ដោះ​មីនយើងច្រើន ចាប់តាំងពីឆ្នាំ១៩៩៤ ម​ក​​ម្ល៉េះ។ វិស័យមីន គឺអូស្ត្រាលីបានជួយជាច្រើន ហើយឆ្នាំនេះអូស្ត្រាលីនឹងផ្តល់ចំនួន ១០​លានដុល្លារថែមទៀត ព្រោះលោកឯកអគ្គរដ្ឋទូតថា ធ្វើយ៉ាងណាឲ្យវិស័យដោះមីន ស​ម្រេចបានតាមផែនការរបស់រាជរដ្ឋា​ភិ​បា​​​ល ដែលកំណត់ថាឆ្នាំ២០២៥ ឲ្យអស់គ្រាប់មីន»។បើតាមអ្នកនាំពាក្យ ក្នុងឱកាសនោះដែរ លោក ប្រាក់ សុខុន បានសម្តែងការស្វាគមន៍យ៉ាងកក់ក្តៅ និងសម្តែងការអបអរសា​ទ​​​រ ដល់លោកឯកអគ្គរដ្ឋទូតថ្មីប្រទេសអូស្ត្រាលីប្រចាំកម្ពុជា។ លោកឧបនាយករដ្ឋមន្ត្រី បានបញ្ជាក់ថា ថ្នាក់ដឹកនាំកម្ពុជា ទាំង​ក្រ​សួងការបរទេស នឹងត្រៀមសហការជាមួយលោកឯកអគ្គរដ្ឋទូត ដើម្បីជួយសម្រួលដល់បេ​ស​កកម្មការទូត របស់លោកប្រ​កបដោយជោគជ័យ មានន័យថា ឲ្យទំនាក់ទំនងកម្ពុជា និងអូស្ត្រាលី កាន់តែមានលក្ខណៈស៊ីជម្រៅ និងប្រសើរថែមទៀត ។លោកឧបនាយករដ្ឋមន្ត្រី ក៏បានថ្លែងអំណរគុណដល់ប្រទេសអូស្ត្រាលី ដែលបានផ្តល់ជំនួយជាច្រើនដល់ប្រទេសកម្ពុជា រួមទាំងកិ​ច្ច​​​ខិតខំប្រឹងប្រែងស្វែងរកសន្តិភាព ជូនប្រ​ទេ​សកម្ពុជាផងដែរ ។ ប្រមុខការទូតកម្ពុជា ក៏បានសម្តែងការរំលែកទុក្ខ ដល់រ​ដ្ឋា​ភិ​បា​​​ល និងប្រជាជនអូស្ត្រាលី ដែលកន្លងមកទទួលរងគ្រោះ ដោយភ្លើងឆេះព្រៃដ៏យូរអង្វែង ដែ​លបង្កឲ្យមានវិនាសកម្មយ៉ាងច្រើន ។លោកឯកអគ្គរដ្ឋទូតអូស្ត្រាលី បានសម្តែងនូវសេចក្តីរីករាយ ដែលត្រូវបានតែងតាំងជាឯកអគ្គរដ្ឋទូត មកធ្វើការនៅកម្ពុជា។ លោ​​​​កបានអរគុណ ដល់លោក ប្រាក់ សុខុន ដែ​ល​បានចូលរួមរំលែកទុក្ខ ដល់រដ្ឋាភិបាល និងប្រជាជនអូស្ត្រាលី ដែលទទួលរងគ្រោះ​​ដោយសារភ្លើងឆេះព្រៃនេះ។ ជាងនេះទៅទៀត ឯកអគ្គរដ្ឋទូត បានរំលឹក និងអរគុណដ​ល់ប្រជាជនកម្ពុជា ទាំងសហគមន៍ខ្មែរ​នៅប្រទេសអូស្ត្រាលី ក៏ដូចជាក្រុមអតីតនិស្សិត ដែលធ្លាប់រៀននៅអូស្ត្រាលី ក៏ដូចជាក្រុមយុវជនខ្មែរយើងនៅប្រ​ទេ​ស​​​អូ​ស្ត្រា​លី​ ដែល​បា​នរៃអង្គាសថវិកា ជួយសម្រាលដល់ផលវិបាក ដោយភ្លើងឆេះព្រៃនៅប្រទេសអូស្ត្រាលី ។ អ្នកនាំពាក្យក្រសួងការបរទេស គូ​សបញ្ជាក់បន្ថែម។លោកឯកអគ្គរដ្ឋទូត ក៏បានសម្តែងនូវការរំលែកទុក្ខផងដែរ នៃការបាក់អគារកន្លងមកនេះ ដែលកើតនៅក្រុងព្រះសីហនុផង និ​ងកើតនៅខេត្តកែបផង។ លោកបានលើកឡើ​ង​ថា​ កន្លងមកលោកបានជួបជាមួយលោកឧបនាយករដ្ឋមន្ត្រី ជា សុផារ៉ា រដ្ឋម​ន្ត្រី​ក្រសួងរៀបចំដែនដី នគរូបនីយកម្ម និងសំណង់ ដែលលោកផ្តើមគំនិតឲ្យមានក្រមសុវត្ថិភាពផ្នែ​កសំណង់។ លោកឯកអគ្គរដ្ឋ​ទូ​ត ក៏បានផ្តើមឲ្យមានទស្សនកិច្ចសិក្សាទៅប្រទេសអូស្ត្រាលី ដោយយកមន្ត្រីក្រសួងពាក់ព័ន្ធ ដូចជាក្រសួងដែនដី នគរូបនីយក​ម្ម និងសំ​ណ​ង់​ ក្រសួងបរិស្ថាន ព្រមទាំងអាជ្ញាធរខេត្តមួយចំនួន ឲ្យទៅធ្វើទស្សនកិច្ចសិក្សាចំនួន ៣សប្តាហ៍ ធ្វើយ៉ាងណាដើម្បីឲ្យការ​សាងសង់ នៅថ្ងៃអនាគតឲ្យមានគុណភាពបន្ថែមទៀត។លោក កុយ គួង បានឲ្យដឹងទៀតថា ភាគីទាំងពីរក៏បានពិភាក្សាគ្នាអំពី កិច្ចសហប្រតិបត្តិការធ្វើយ៉ាងណាឲ្យប្រទេសទាំងពីរកា​ន់​តែស៉ីជម្រៅ និងរីកចម្រើនបន្ថែមទៀត ជាពិ​សេ​សខាងវិស័យពាណិជ្ជកម្ម។ ភាគីទាំងពីរ នឹងជំរុញឲ្យមានការផ្លាស់ប្តូរទំនាក់ទំ​ន​ង រវាងមនុស្សនិងមនុស្ស មានទាំងវិស័យទេសចរណ៍ ដែលឯកអគ្គរដ្ឋទូតលើកឡើងថា ឆ្នាំ​កន្លងទៅអ្នកទេសចរអូស្ត្រាលី ដា​ក់​សុំ​វីសាមកលេងកម្ពុជា ប្រមាណជា ២២ម៉ឺននាក់។ លោកអគ្គរដ្ឋទូត លើកឡើងទៀតថា ការផ្លាស់ប្តូរនិស្សិតអូស្ត្រាលី មករៀននៅ​ក​​ម្ពុជា រយៈពេលខ្លីពី ៣ខែ ទៅ៩ខែ មាន៥៥៣នាក់ នៅក្នុងឆ្នាំ២០២០នេះ។ លោកឯកអគ្គរដ្ឋទូត បានលើកឡើងបន្តទៀតថា នៅ​ឆ្នាំ២០២០នេះ និស្សិតកម្ពុជាយើងទៅចុះឈ្មោះ​រៀននៅអូស្ត្រាលី ទាំងនិស្សិតអាហារូបករណ៍ ទាំងបង់ថ្លៃ ប្រមាណ ៣ពាន់នា​ក់​។ ​នេះបើតាមអ្នកនាំពាក្យ។មន្ត្រីជាន់ខ្ពស់ក្រសួងការបរទេស បានឲ្យដឹងបន្តថា លោកឯកអគ្គរដ្ឋទូត ក៏បានចាប់អារម្មណ៍ទៅលើវិស័យដឹកជញ្ជូននៅកម្ពុជា ដែ​លវិស័យនេះលោកថា នឹងជំរុញអ្នកវិនិ​យោ​​​គអូស្ត្រាលី ឲ្យមកវិនិយោគលើវិស័យនេះ។ ទាក់ទងខាងវិស័យកសិកម្មវិញ ភាគីទាំង​ពី​រ​ក៏បានពិភាក្សា ដែលកន្លងមកអូស្ត្រាលី បានជួយវិស័យនេះថាធ្វើយ៉ាងណា ឲ្យប្រជាកសិករកម្ពុជាយើង បានបង្កបង្កើនផល បា​នច្រើនដងក្នុងមួយឆ្នាំ ក៏ដូចជាបង្កបង្កើនផលឲ្យបានផលច្រើន។លោកឯកអគ្គរដ្ឋទូត គូសបញ្ជាក់ថា អូស្ត្រាលីនឹងបន្តផ្តល់ជំនួយ ដល់ប្រទេសកម្ពុជាយើង ក៏ប៉ុន្តែការផ្តល់ជំនួយលើកនេះ គឺ​អូ​ស្ត្រា​លីនឹងធ្វើការយ៉ាងជិតស្និត ជាមួយរាជរដ្ឋា​ភិ​បាលយើង មានន័យថា បើផ្តល់ជំនួយដល់វិស័យសុខាភិបាល អូស្ត្រាលីនឹងធ្វើការ​យ៉ា​ងជិតស្និត ជាមួយក្រសួងសុខាភិបាល បើផ្នែកបណ្តុះបណ្តាលធនធានមនុស្ស នឹងធ្វើ​ការរួមគ្នាយ៉ាងជិតស្និត ជាមួយក្រសួងអ​ប់​​​រំ។បន្ថែមលើនេះ ភាគីទាំងពីរក៏បានពិភាក្សាគ្នាអំពីកិច្ចប្រជុំកំពូល ASEM ដែលកម្ពុជាធ្វើជាម្ចាស់ផ្ទះ នៅចុងឆ្នាំនេះ។ លោកឯកអគ្គរដ្ឋទូតបញ្ជាក់ថា អូស្ត្រាលីមានបំណងធ្វើការ​ជិតស្និតជាមួយកម្ពុជា ជួយកម្ពុជាក្នុងការរៀបចំកិច្ចប្រជុំកំពូលនេះផងដែរ៕.... អានបន្ត
ដោយៈ សហការី (Wed,12 February 2020 (Time 02:06 PM))

ក្រសួងធនធានទឹក និងឧតុនិយម បានចេញសេចក្តីជូនដំណឹងពីស្ថានភាពធាតុអាកាស ចាប់ពីថ្ងៃនេះដល់ ថ្ងៃទី១៧ ខែកុម្ភៈ ឆ្នាំ២០២០
ភ្នំពេញ ៖ ក្រសួងធនធានទឹក និងឧតុនិយម នៅព្រឹកថ្ងៃទី១១ ខែកុម្ភៈ ឆ្នាំ២០២០នេះ បានចេញសេចក្តីជូនដំណឹងស្តីពីស្ថា​នភា​ព​អាកាសធាតុនៅកម្ពុជា ចាប់ពីថ្ងៃនេះដល់ថ្ងៃទី១៧ ខែកុម្ភៈ ឆ្នាំ២០២០។ក្រសួងធនធានទឹកបានឲ្យដឹងថា តាមរយៈការតាមដានស្ថានភាពអាកាសធាតុជាប់ជាបន្ត សង្កេតឃើថា ៖ កម្រិតស​ម្ពា​ធ​ទាប​ខ្សោ​យ បាននឹងកំពុងគ្របដណ្តប់លើកម្ពុជា។ ស្ថានភាពបែបនេះ ធ្វើឲ្យ៖១៖ តំបន់ជួរភ្នំដងរែក និងខ្ពង់រាបឦសាន៖- សីតុណ្ហភាពអប្បបរមា មានពី១៩-២២អង្សាសេ- សីតុណ្ហភាពអតិបរមា មានពី៣១-៣៣អង្សាសេ២៖ តំបន់វាលទំនាបកណ្តាល- សីតុណ្ហភាពអប្បបរមា មានពី២៤-២៦អង្សាសេ- សីតុណ្ហភាពអតិបរមា មានពី៣២-៣៤អង្សាសេនៅថ្ងៃទី១២-១៣ ខែកុម្ភៈ ផ្នែកខ្លះនៃរាជធានី-ខេត្តនៃតំបន់វាលទំនាបភាគខាងក្រោម និងខេត្តនៅភាគខាងកើតជាប់នឹងប្រទេសវៀតណាម នឹងអាចមានភ្លៀងខ្សោយ។៣៖ តំបន់មាត់សមុទ្រ៖- សីតុណ្ហភាពអប្បបរមា មានពី២៤-២៦អង្សាសេ- សីតុណ្ហភាពអតិបរមា មានពី៣១-៣៣អង្សាសេនៅថ្ងៃទី១២-១៥ ខែកុម្ភៈ ផ្នែកមួយចំនួននៃរាជធានី-ខេត្តនៅតំបន់មាតុសមុទ្រ នឹងអាចមានភ្លៀងពីខ្សោយទៅមធ្យម ៕.... អានបន្ត
ដោយៈ សហការី (Wed,12 February 2020 (Time 01:52 PM))

ឧត្តមសេនីយ៍ឯក ហ៊ុន ម៉ាណែត កោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់យោធភូមិភាគទី៥ ដែលពេញមួយឆ្នាំ២០១៩ កន្លងទៅនេះ
ភ្នំពេញ៖ ក្នុងពិធីបូកសរុបលទ្ធផលការងារយោធា សន្តិសុខ ឆ្នាំ២០១៩ និងផ្សព្វផ្សាយផែនការសកម្មភាពការងារយោ​ធា​ សន្តិសុខ ឆ្នាំ​​​២០២០ របស់យោធភូមិភាគទី៥ នៅទី១០ ខែកុម្ភៈ ឆ្នាំ២០២០នេះ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកង​យោ​ធពលខេរមភូមិន្ទ មេបញ្ជាការកងទ័ពជើងគោកកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់យោធភូ​មិ​ភាគទី៥ ដែលពេញមួយឆ្នាំ២០១៩ កន្លងទៅនេះ។លោកបានលើកឡើងថា រយៈពេលកន្លងទៅនេះ យោធភូមិភាគទី៥ បានយកចិត្តទុកដាក់បំពេញភារកិច្ចប្រកបដោយការទ​ទួ​ល​ខុសត្រូវខ្ពស់ ក្នុងការការពារឯករាជ្យ អធិបតេយ្យ និងបូរណភាពទឹកដី, ការធានានូវសន្តិភាព, ស្ថិរភាព, សន្តិសុខ និងស​ណ្តា​ប់​ធ្នា​​​ប់សាធារណៈបានល្អប្រសើរ និងការកសាងពង្រឹងអង្គភាពរឹងមាំលើគ្រប់វិស័យ ក៏ដូចជាការចូលរួមចំណែកក្នុងការអនុវត្តផែ​ន​ការកែទម្រង់កងយោធពលខេមរភូមិន្ទ ដែលកំពុងដំណើរការ។លោកបានបន្តថា សមិទ្ធផលការងារទាំងនេះ ស្តែងឱ្យឃើញអំពីកិច្ចខិតខំប្រឹងប្រែងប្រកបដោយពលិកម្ម និងការប្តេជ្ញាចិត្តរប​ស់​​​មេបញ្ជាការ មេបញ្ជាការរងគ្រប់លំដាប់ថ្នាក់ នាយទាហាន នាយទាហានរង និងពលទាហានទូទាំងយោធភូមិភាគទី៥ ហើយក៏​អា​ចនិយាយបានថា ជាផ្លែផ្កានៃសាមគ្គីភាព និងឯកភាពផ្ទៃក្នុងល្អ ដែលថ្នាក់ដឹកនាំ និងយោធិនទូទាំងយោធភូមិភាគទី៥ បា​ន​​​ខិតខំរួបរួមគ្នាសម្រេចបានក្នុងរយៈកាលកន្លងមកនេះ ហើយសង្ឃឹមយ៉ាងមុតមាំថា ថ្នាក់ដឹកនាំ ព្រមទាំងយោធិនទូទាំ​ង​យោ​ធ​​​ភូមិភាគទី៥ នឹងបន្តប្រកាន់ខ្ជាប់នូវស្មារតី និងគោលការណ៍ទាំងនេះ ដើម្បីធានាបាននូវនិរន្តរភាពការងារ និងការរីក​ច​ម្រើ​ន​​​របស់យោធភូមិភាគបន្តទៅមុខទៀត ។មេបញ្ជាការកងទ័ពជើងគោក បានគាំទ្រ និងជំរុញឱ្យបន្តកិច្ចខិតខំប្រឹងប្រែង ដោយប្រកាន់យកការសម្រេចចិត្តច្បាស់​លាស់ និ​ង​ប្រុងប្រយ័ត្ន ជាមួយនឹងការគិតគូរពិចារណាគ្រប់ជ្រុងជ្រោយ ក្នុងការបំពេញតួនាទី និងភារកិច្ចក្នុងនាមកងយោធខេមរភូ​មិ​ន្ទ ស្របតាមរដ្ឋធម្មនុញ្ញ, ច្បាប់ និងនយោបាយការពារជាតិរបស់ព្រះរាជាណាចក្រកម្ពុជា ដើម្បីសម្រេចបានសមិទ្ធិផលកាន់តែល្អ​ប្រ​សើរជូនជាតិ ប្រជាជន និងមាតុភូមិយើង ៕.... អានបន្ត
ដោយៈ សហការី (Tue,11 February 2020 (Time 11:28 AM))

ក្រសួងទេសចរណ៍ «អង្គរឈរជាងមួយពាន់ឆ្នាំ រង់ចាំភ្ញៀវមកទស្សនា មិនភ័យរឿងកូរ៉ូណា»
ខេត្តសៀមរាប ៖ លោក ទិត ចន្ថា រដ្ឋមន្រ្តីស្តីទីក្រសួងទេសចរណ៍ បានប្រកាសលើកទឹកចិត្តក្ដែងៗដល់ភាគីពាក់ព័ន្ធ ទាំងវិស័យរ​ដ្ឋ និងឯកជនរួមគ្នាបង្កើតព្រឹត្តិការណ៍​កម្សា​ន្តឱ្យបានច្រើន នៅតាមគោលដៅទេសចរណ៍នានា ដើម្បីជំរុញចលនាទេសចរផ្នៃក្នុ​ង​​​ឱ្យកាន់តែផុសផុល សំដៅលើកកម្ពស់វិស័យទេសចរណ៍ជាតិ ក្នុងដំណាក់កាល​ផ្ទុះការរី​ក​រាលដាលវីរុសកូរ៉ូណា ។ការប្រកាសបែបនេះរបស់លោក ទិត ចន្ថា ធ្វើឡើងក្នុងកិច្ចប្រជុំការងារទេសចរណ៍ជាមួយផ្នែកឯកជនក្នុងវិស័យទេស​ចរណ៍ ជា​មួ​យលោក ទៀ សីហា អភិបាលខេត្តសៀមរា​ប​ ព្រមទាំងប្រតិបត្តិករទេសចរណ៍ វិស័យឯកជន តំណាងមន្ទីរ ស្ថាប័ន អង្គភាពពា​ក់​ព័ន្ធប្រមាណ ១៥០នាក់ នៅសាលាខេត្តសៀមរាប នាថ្ងៃទី១០ ខែកុម្ភៈ ឆ្នាំ២០២០ ។លោកបានបញ្ជាក់ថា កម្ពុជានៅតែមានភ្ញៀវទេសចរអន្តរជាតិមកទស្សនា ប៉ុន្តែមានការថមថយខ្លះ ពិសេសគឺភ្ញៀវទេសចរចិន ដោ​យសារបញ្ហាផ្ទុះការរីករាលដាលវីរុសកូរ៉ូ​ណា​​​​​។ លោកបានថ្លែងយ៉ាងដូច្នេះថា «កម្ពុជាគ្មានករណីឆ្លងវីរុសកូរ៉ូណាទៀតនោះទេ។ នៅ​សៀមរាប-អង្គរ សកម្មភាពទេសចរនៅតែមានសកម្មភាពរស់រវើក ជាពិសេស​ភ្ញៀ​វ​ទេ​សចរអឺរ៉ុបនៅតែមានច្រើន តែមានកា​រ​ថ​មថយខ្លះ ពិសេសភ្ញៀវចិនមានការថមថយ ដោយសារប្រភពកំណើតរបស់គាត់មានបញ្ហា (វីរុសកូរ៉ូណា)»។លោកបានបន្តថា មកដល់ពេលនេះ មិនទាន់មានដំណោះស្រាយជាក់លាក់ណាមួយសម្រាប់បញ្ហាធ្លាក់ចុះភ្ញៀវទេសចរ ក្នុងដំ​ណា​ក់​​​កាលផ្ទុះការរីក​រាលដាលវីរុស​កូរ៉ូណា​នេះនៅ​​ឡើយទេ ដោយលោកអះអាងថា បញ្ហានេះក្រសួងទេសចរណ៍មិនអាចធ្វើតែឯងបា​ន​​​ទេ​ គឺមានការពាក់ព័ន្ធនឹងក្រសួង-ស្ថាប័នពាក់ព័ន្ធ និងវិស័យឯកជនក្នុងវិស័យ​ទេ​ស​ច​រ​ណ៍នេះទៀតដែរ។ តែទោះជាយ៉ាងណា ក្រ​​​សួង-ស្ថាប័នពាក់ព័ន្ធ ដែលជាសេនាធិការរបស់រាជរដ្ឋាភិបាល នឹងស្នើសុំទៅកាន់រាជរដ្ឋាភិបាល ដើម្បីទទួលបានដំណោះស្រា​យ​​​ជា​ក់លាក់​ណាមួយ ក្នុងដំណាក់កាលលំបាកនេះ។ លោកថា មានបញ្ហាមួយចំនួនដែលតម្រូវឱ្យភាគីពាក់ព័ន្ធរួមគ្នាដោះស្រាយ ដូច​ជា​​​បញ្ហាពន្ធដារ អគ្គិសនី ការប្រាក់នៅ​ធ​នា​គារជាដើម សំដៅសម្រួលមធ្យោបាយជូនក្រុមហ៊ុនទីភ្នាក់ងារទេសចរណ៍ មូលដ្ឋានអា​ជី​វ​កម្មសេវាកម្មទេសចរណ៍ ប្រតិបត្តិករទេសចរណ៍ជាដើម ដែលពួកគេកំពុងជួបប​ញ្ហា​ក្នុងការចំណាយច្រើន ខណៈចំណូលដែល​ផ្អែ​ក​លើការមកទស្សនា ការមកស្នាក់នៅ ឬការប្រើប្រាស់សេវាកម្មរបស់ភ្ញៀវទេសចរមានការធ្លាក់ចុះ, នេះបើតាមការឱ្យដឹងរប​ស់​​លោក ទិត ចន្ថា ។រដ្ឋមន្ត្រីស្ដីទីក្រសួងទេសចរណ៍រូបនេះ បានអំពាវនាវដល់ភាគីពាក់ព័ន្ធទាំងរដ្ឋ និងឯកជន ត្រូវរួមគ្នាបង្កើតព្រឹត្តិការណ៍ទេ​ស​ច​រ​ណ៍​នៅតាមគោលដៅទេសចរណ៍ឱ្យបានច្រើន ជំ​រុញចលនាទេសចរផ្ទៃក្នុង ទាំងប្រជាពលរដ្ឋ និងភ្ញៀវអន្តរជាតិដែលកំពុងស្ថិតនៅ​​​កម្ពុជា គឺត្រូវដើរចេញទស្សនាឱ្យបានច្រើន។ជាមួយគ្នានោះ ផ្នែកឯកជនក៏ត្រូវសម្រួល ឬបញ្ចុះតម្លៃលក់កញ្ចប់ទស្សនកិច្ចដល់ភ្ញៀវ ក៏ដូចជាការបញ្ចុះតម្លៃស្នាក់នៅសណ្ឋាគារ អា​ហារហូបចុក ការដឹកជញ្ជូន សេវាកម្មនា​នា​ជាដើម ដើម្បីលើកទឹកចិត្តឱ្យមានការធ្វើដំណើរទេសចរណ៍ផ្ទៃក្នុង ព្រោះកាលណា​មា​នសកម្មភាពទេសចរណ៍ច្រើន វាជួយសម្រាលការចំណាយនៅតាម​មូលដ្ឋាន​អាជីវក​ម្មទេសចរណ៍ ហើយជាសារសម្រាប់ផ្សព្វ​ផ្សា​យ​ទៅកាន់ទេសចរក្រៅប្រទេស ដែលជាការទាក់ទាញភ្ញៀវពីក្រៅប្រទេសឱ្យមកទស្សនាកម្ពុជាបន្ថែមទៀត។ រដ្ឋមន្ត្រីស្ដីទីក្រសួងទេ​​​​សចរណ៍បានសង្កត់ធ្ងន់ថា កម្ពុជានៅតែស្វាគមន៍វត្តមានទេសចរអន្តរជាតិគ្រប់គ្នា ដោយមិនមានការរើសអើងអ្វីទាំងអស់ ប៉ុ​ន្តែនៅតែមានការត្រួត​ពិនិត្យតាម​បច្ចេកទេសវេ​ជ្ជ​សាស្ត្រសុខាភិបាល និងសូមឱ្យមានការប្រុងប្រយ័ត្នទាំងអស់គ្នា។ជាមួយគ្នានោះ លោក ទិត ចន្ថា បានរំលេចសារអំពាវនាវមួយឃ្លាថា «អង្គរឈរជាងមួយពាន់ឆ្នាំ រង់ចាំភ្ញៀវមកទស្សនា មិនភ័យរឿងកូរ៉ូណា» ៕.... អានបន្ត
ដោយៈ សហការី (Tue,11 February 2020 (Time 11:11 AM))

សម្តេចតេជោ ហ៊ុន សែន អញ្ជើញជាអធិបតីភាពក្នុងពិធីបើកការដ្ឋានស្តារ និងសាងសង់ផ្លូវជាតិលេខ២ និង២២
រាជធានីភ្នំពេញ ៖ បន្ទាប់ពីការទន្ទឹងរង់ចាំអស់ជាយូរខែថ្ងៃ ផ្លូវជាតិលេខ២ និងលេខ២២ មានប្រវែងសរុបជាង ៧២គីឡូម៉ែត្រ ត្រូវបានចាប់ផ្តើមបើកការដ្ឋានស្តារ និងសាងសង់ឡើងវិញហើយ ដើម្បីសម្រួលដល់ការធ្វើដំណើររបស់ប្រជាពលរដ្ឋឱ្យកាន់តែមានភាពងាយស្រួល ។ ពិធីបើកការដ្ឋានស្តារ និងសាងសង់ផ្លូវទាំងពីរខ្សែនេះ ធ្វើឡើងក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក ផាក ហ៊ឹងឃ្យុង (Park Heung-Kyeong) ឯកអគ្គរដ្ឋទូតសាធារណរដ្ឋកូរ៉េ ប្រចាំកម្ពុជា នៅព្រឹកថ្ងៃទី១១ ខែកុម្ភៈ ឆ្នាំ២០២០នេះ ។ គម្រោងស្តារ និងសាងសង់ផ្លូវទាំងពីរខ្សែនេះ មានប្រវែងសរុប ៧២.១៧គីឡូម៉ែត្រ។ ក្នុងនោះកំណាត់ផ្លូវជាតិលេខ២ ចាប់ពីរង្វង់មូលតាខ្មៅ ដល់អូរចំបក់ មានប្រវែង ៦២.៥៦គីឡូម៉ែត្រ (ឆ្លងកាត់រាជធានីភ្នំពេញ ប្រវែង ៥.៤គីឡូម៉ែត្រ ខេត្តកណ្តាល ប្រវែង ១៤.២១គីឡូម៉ែត្រ និងខេត្តតាកែវ ប្រវែង ៥២.៥៦គីឡូម៉ែត្រ) និងផ្លូវជាតិ២២ ពីអូរចំបក់ ដល់អង្គតាសោម មានប្រវែង ៩.៦១គីឡូម៉ែត្រ ស្ថិតក្នុងភូមិសាស្រ្ត ខេត្តតាកែវ ។ គម្រោងស្តារឡើងវិញផ្លូវទាំងពីរខ្សែនេះ បែងចែកជា៣ផ្នែក រួមមាន៖ - ផ្នែកទី១៖ ចាប់ពីរង្វង់មូលតាខ្មៅ ដល់ផ្លូវប្រសព្វមហាវិថី សម្តេចតេជោហ៊ុនសែន ប្រវែងជាង ៤គីឡូម៉ែត្រ នឹងត្រូវពង្រីកទទឹងតួផ្លូវរហូតដល់ ២០ម៉ែត្រ មានគន្លងផ្លូវធ្វើចរាចរណ៍សម្រាប់រថយន្ដ និងម៉ូតូ ចែកចេញជាបួនគន្លង (២គន្លងទៅ ២គន្លងមក) បែងចែកដោយគំនូសចែកទ្រូងផ្លូវ សាងសង់ចិញ្ចើមផ្លូវសងខាង ផ្លូវថ្មើរជើងសងខាង ប្រព័ន្ធរំដោះទឹកបំពាក់ផ្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ បង្គោលសុវត្ថិភាព និងអំពូលអគ្គិសនីបំភ្លឺផ្លូវ នៅតាមទីប្រជុំជន។ - ផ្នែកទី២៖ ចាប់ពីផ្លូវប្រសព្វមហាវិថី សម្តេចតេជោ ហ៊ុន សែន ដល់រង្វង់មូលកួរស្រូវ ប្រវែងជាង ៤គីឡូម៉ែត្រ នឹងត្រូវពង្រីកទទឹងតួផ្លូវរហូតដល់ ២០.៥០ម៉ែត្រ ចែកចេញជាបួនគន្លង (២គន្លងទៅ ២គន្លងមក) ក្នុងនោះរួមមាន គន្លងផ្លូវធ្វើចរាចរណ៍សម្រាប់រថយន្ដ និងម៉ូតូ បែងចែកដោយរបាំងថ្មពុះចែកទ្រូងផ្លូវ បំពាក់ផ្លាកសញ្ញាចរាចរណ៍គំនូសចរាចរណ៍ បង្គោលគីឡូម៉ែត្រ បង្គោលសុវត្ថិភាព និងអំពូលអគ្គិសនីបំភ្លឺផ្លូវ នៅតាមទីប្រជុំជន។ - ផ្នែកទី៣៖ ចាប់ពីរង្វង់មូលកួរស្រូវ ដល់ផ្លូវបំបែកផ្លូវជាតិលេខ៣ (អង្គតាសោម) ប្រវែងជាង ៦៣គីឡូម៉ែត្រ នឹងត្រូវពង្រីកទទឹងផ្លូវរហូតដល់ ១៣ម៉ែត្រ ចែកចេញជាពីរគន្លង (១គន្លងទៅ ១គន្លងមក)។ រួមមានគន្លងផ្លូវធ្វើចរាចរណ៍សម្រាប់រថយន្ដ និងម៉ូតូ បែងចែកដោយគំនូសចែកទ្រូងផ្លូវ សាងសង់ប្រព័ន្ធរំដោះទឹកនៅតាមទីប្រជុំជន បំពាក់ផ្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ បង្គោលសុវត្ថិភាព និងអំពូលអគ្គិសនីបំភ្លឺផ្លូវ នៅតាមទីប្រជុំជន។ ផ្លូវទាំងពីរខ្សែនេះ នឹងសាងសង់ជាប្រភេទផ្លូវបេតុងកៅស៊ូ AC ដោយគ្រោងចំណាយថវិកាសរុបប្រមាណ ៥៦.១លានដុល្លារអាមេរិកជាហិរញ្ញប្បទានពីរដ្ឋាភិបាល សាធារណរដ្ឋកូរ៉េ រួមជាមួយថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីននិងយុទ្ធភ័ណ្ឌមិនទាន់ផ្ទុះ និងពន្ធអាករ។ ផ្លូវនេះទទួលបានសិទ្ធិសាងសង់ពីរដ្ឋាភិបាលកូរ៉េខាងត្បូង ដោយក្រុមហ៊ុន Hanshin Engineering & Construction Co., Ltd និងត្រួតពិនិត្យបច្ចេកទេស សាងសង់ដោយសម្ព័ន្ធក្រុមហ៊ុនទីប្រឹក្សាបច្ចេកទេស Dasan Consultants Co., Ltd, Dong Il Engineering Consultants Co., Ltd, និង Seoyoung Engineering Co., Ltd Joint Venture ដោយប្រើរយៈពេលសាងសង់ចំនួន ៣០ខែ គិតចាប់ពីខែតុលា ឆ្នាំ២០១៩ រហូតដល់ខែមេសា ឆ្នាំ២០២២។ ប្រជាពលរដ្ឋដែលរស់នៅតាមបណ្តោយផ្លូវជាតិលេខ២ និងលេខ២២ បានទន្ទឹងរង់ចាំការសាងសង់នេះអស់ជាយូរខែមកហើយ។ ពួកគេតែងតែជជីកសួរផងដែរថា តើពេលណាទើបផ្លូវនេះចាប់ផ្តើមសាងសង់ ព្រោះសភាពផ្លូវតូចចង្អៀតដូចពេលបច្ចុប្បន្នបង្កផលលំបាកច្រើនសម្រាប់ការធ្វើដំណើរ។ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា ការយឺតយ៉ាវក្នុងការចាប់ផ្តើមសាងសង់ផ្លូវនេះ ដោយសារការសិក្សាដំបូងកំណាត់ផ្លូវជាតិនេះនឹងត្រូវសាងសង់ចាប់ពីរង្វង់មូលកួរស្រូវ ដល់អង្គតាសោម តែប៉ុណ្ណោះ។ ប៉ុន្តែដោយពិនិត្យឃើញពីកំណើនការអភិវឌ្ឍ និងទំហំចរាចរណ៍ ចាប់ពីរង្វង់មូលតាខ្មៅ ដល់រង្វង់មូលកួរស្រូវ ទើបភាគីកម្ពុជា បានស្នើសុំទៅភាគីកូរ៉េខាងត្បូង សិក្សាបូកបន្ថែមការសាងសង់កំណាត់ផ្លូវជាតិនេះទៅក្នុងគម្រោងទាំងមូល។ លោករដ្ឋមន្ត្រី បន្តថា ការដាក់ចេញគម្រោងថ្មីនេះ ទាមទារការរៀបចំនីតិវិធី និងបែបបទនានា ដើម្បីទទួលបានហិរញ្ញប្បទានបន្ថែមពីដៃគូអភិវឌ្ឍន៍ ដែលធ្វើឱ្យមានការយឺតយ៉ាវដល់ការចាប់ផ្តើមសាងសង់។ លោកទេសរដ្ឋមន្ត្រី បានលើកឡើងថា ក្រោយពេលស្តារឡើងវិញ ផ្លូវជាតិខាងលើនេះ នឹងជួយលើកកម្ពស់ប្រសិទ្ធភាពនៃការធ្វើដំណើរ និងប្រព័ន្ធភស្តុភារកម្មរបស់កម្ពុជា សំដៅសម្រួលដល់ការដឹកជញ្ជូនផលិតផល ដំណាំកសិផល និងកសិ-ឧស្សាហកម្មរបស់ក្រុមហ៊ុនវិនិយោគ និងបងប្អូនប្រជាពលរដ្ឋមកពីគ្រប់តំបន់នៅទូទាំងប្រទេស ទៅកាន់ទីផ្សារក្នុងស្រុក និងទីផ្សារអន្តរជាតិ ជាពិសេសតាមរយៈច្រកទ្វារព្រំដែនអន្តរជាតិកម្ពុជា-វៀតណាម (ភ្នំដិន-ទិញបៀន) ប្រកបដោយភាពងាយស្រួល ឆាប់រហ័ស និងចំណាយតិច។ ដោយឡែកទំហំចរាចរណ៍ធ្វើដំណើរតាមរយៈផ្លូវជាតិលេខ៣ និងផ្លូវជាតិលេខ៤ ឆ្ពោះទៅកាន់ខេត្តកែប ខេត្តកំពត និងខេត្តព្រះសីហនុ នឹងបានធូរស្រាលមួយកម្រិតថែមទៀត ប្រសិនបើប្រជាពលរដ្ឋជ្រើសរើសយកការធ្វើដំណើរទៅកាន់ខេត្តទាំងនេះ តាមរយៈផ្លូវជាតិលេខ២ និងផ្លូវជាតិលេខ២២៕.... អានបន្ត
ដោយៈ សហការី (Tue,11 February 2020 (Time 10:43 AM))

ប្រជនជាតិចិនដែលឆ្លងវីរុសកូរ៉ូណានៅខេត្តព្រះសីហនុ ត្រូវអនុញ្ញាតឲ្យចេញពីមន្ទីរពេទ្យហើយ ក្រោយជាសះស្បើយទាំងស្រុង
ភ្នំពេញ ៖ បុរសជនជាតិចិន ដែលឆ្លងវីរុសកូរ៉ូណានៅខេត្តព្រះសីហនុ ត្រូវបានក្រុមគ្រូពេទ្យអនុញ្ញាតឲ្យចេញពីមន្ទីរពេទ្យហើយ នៅ​​​ព្រឹកថ្ងៃទី១០ ខែកុម្ភៈ ឆ្នាំ២០២០នេះ បន្ទាប់ពីការធ្វើតេស្ដ លើកទី៣ បង្ហាញលទ្ធផលអវិជ្ជមានវីរុសកូរ៉ូណា ។ នេះបើតាមសេ​ច​ក្ដី​​​ជូនព័ត៌មានរបស់ក្រសួងសុខាភិបាល ដែលទទួលបាននៅ ។ជនជាតិចិនរូបនេះមានឈ្មោះ ចា ជិនហូរ អាយុ៦០ឆ្នាំ បានធ្វើដំណើរមកពីទីក្រុងវូហាន ជាមួយក្រុមគ្រួសារ៣នាក់ទៀត ម​កដ​ល់​​​ក្រុងព្រះសីហនុ ប្រទេសកម្ពុជា កាលពីថ្ងៃទី២៣ ខែមករា ឆ្នាំ២០២០។ បន្ទាប់ពីមកដល់រយៈពេល២ថ្ងៃ លោកមានអាការៈក្អក ក្តៅ​​ខ្លួនខុសធម្មតា ហើយត្រូវបានមន្រ្តីសុខាភិបាល យកសំណាកបំពងកទៅពិនិត្យឃើញថា គាត់មានជំងឺរលាកផ្លូវដង្ហើមប្រ​ភេ​ទ​​​​​ថ្មីកូរ៉ូណា នៅថ្ងៃទី២៧ ខែមករា ឆ្នាំ២០២០ ព្រមទាំងដាក់ឱ្យសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ ។ក្រសួងសុខាភិបាល បានបញ្ជាក់ផងដែរថា សម្រាប់ក្រុមគ្រួសាររបស់បុរសជនជាតិចិនរូបនេះ ៣នាក់ផ្សេងទៀត ក៏ត្រូវបានអ​នុ​ញ្ញា​​​តឲ្យត្រឡប់ទៅវិញជួបជុំគ្រួសារ ក្រោយពីពួកគេត្រូវបានតាមដាន និងរកឃើញថា ពុំមានរោគសញ្ញាវីរុសកូរ៉ូណា រហូតមកដល់ថ្ងៃ​​​​​នេះ ។នៅព្រឹកថ្ងៃទី១០ ខែកុម្ភៈនេះ រដ្ឋមន្ដ្រីក្រសួងសុខាភិបាល លោក ម៉ម ប៊ុនហេង និងលោក សាយ សំអាល់ រដ្ឋមន្ដ្រីក្រសួងបរិស្ថាន អ​​​ម​ដោយថ្នាក់ដឹកនាំក្រសួងសុខាភិបាល, ថ្នាក់ដឹកនាំខេត្តព្រះសីហនុ, តំណាងអង្គការសុខភាពពិភពលោកប្រចាំកម្ពុជា និង​ស្ថា​នទូតចិននៅកម្ពុជា បានអញ្ជើញចុះពិនិត្យផ្ទាល់ពីស្ថានភាពបុរសជនជាតិចិន នៅខេត្តព្រះសីហនុ មុនអនុញ្ញាតឲ្យគាត់ចា​ក​​​ចេញពីមន្ទីរពេទ្យ ៕.... អានបន្ត
ដោយៈ សហការី (Mon,10 February 2020 (Time 02:11 PM))

វិស័យកសិកម្មវៀតណាមប្រឈមការខាតបង់រហូតដល់ «៨០០លានដុល្លារ» ប្រសិនបញ្ហាវីរុសកូរ៉ូណាថ្មីនៅតែអូសបន្លាយ
ប្រទេសវៀតណាម ៖ វិស័យនាំចេញផលិតផលកសិកម្មរបស់វៀតណាមទៅកាន់ចិន អាចប្រឈមនឹងការធ្លាក់ចុះក្នុងទំហំរហូតដ ល់ ៨០០លានដុល្លារ ប្រសិនបើបញ្ហាវីរុសកូរ៉ូណាប្រភេទថ្មី 2019-nCoV នៅតែមិនទាន់អាចគ្រប់គ្រងបានទាំងស្រុង។ នេះបើតាម​កា​​រដកស្រង់ការផ្សាយចេញពី សារព័ត៌មាន VN Express នៅព្រឹកថ្ងៃចន្ទ ទី១០ ខែកុម្ភៈ ឆ្នាំ២០២០។លោក ផាន វ៉ានជីញ (Phan Van Chinh) នាយកទីភ្នាក់ងារពាណិជ្ជកម្មអន្តរជាតិ នៃក្រសួងឧស្សាហកម្ម-ពាណិជ្ជកម្មវៀតណាម នា​ពេលថ្មីៗនេះ បានលើកឡើងថា ប្រសិនបើបញ្ហារីករាលដាលនៃវីរុសកូរ៉ូណាថ្មី នៅតែមិនអាចគ្រប់គ្រងបានទេនោះ ក្នុងរយៈ​ពេ​ល ០៣ខែ ទំហំនៃការប៉ះពាល់ដល់ការនាំចេញផលិតផលកសិកម្ម ទៅកាន់ប្រទេសចិន គឺនឹងចន្លោះពី ៤០០-៦០០លានដុល្លារ ហើ​យប្រសិនបើវាបន្តយូរជាងនេះទៀត តួលេខអាចកើនឡើងដល់ចន្លោះ ៦០០-៨០០លានដុល្លារអាមេរិក ។រីឯរដ្ឋមន្រ្តីឧស្សាហកម្ម-ពាណិជ្ជកម្មវៀតណាម លោក ត្រាន ធួនអាញ់ (Tran Tuan Anh) បាននិយាយថា បញ្ហាវីរុសកូរ៉ូណាថ្មីទំនងជានឹងបង្កការខូចខាតធំ ដល់ការធ្វើពាណិជ្ជកម្មជាមួយចិន ដែលអតិថិជនធំបំផុតនៃផលិតផលកសិកម្មរបស់វៀតណាម កាលពីឆ្នាំ២០១៩ ហើយដំណោះស្រាយរយៈពេលខ្លី និងរយៈពេលវែង គឺត្រូវការជាចាំបាច់សម្រាប់ដោះស្រាយបញ្ហានេះជាបន្ទាន់។ក្រសួងផែនការ និងវិនិយោគវៀតណាម ក៏បានធ្វើការប៉ាន់ស្មានដែរថា ប្រសិនបើបញ្ហាវីរុសកូរ៉ូណាថ្មី មិនអាចគ្រប់គ្រងបាននៅក្នុងត្រីមាសទី១ នៃឆ្នាំ២០២០ នេះទេនោះ ទំហំនៃការនាំចេញផលិតផលរបស់វៀតណាមទៅកាន់ចិន ក្នុងត្រីមាសនេះនឹងធ្លាក់ចុះ​២៥ភាគរយ ហើយបើបន្តដល់ត្រីមាសទី២ វាអាចនឹងធ្លាក់រហូតដល់ ៥៦ភាគរយ ។គួរជម្រាបថា ផលិតផលកសិកម្មមួយចំនួនរបស់វៀតណាម បានក្លាយខ្លួនជាជនរងគ្រោះនៃការវាយលុកពីវីរុសកូរ៉ូណាថ្មីរួចស្រេ​ច​ម​​កហើយ ដោយរថយន្តដឹកកុងតឺន័ររាប់រយគ្រឿង ត្រូវជាប់គាំងនៅច្រកព្រំដែនជាង១០ថ្ងៃ ក្រោយបុណ្យចូលឆ្នាំចិន-វៀតណាម ប​​​ន្ទាប់ច្រកព្រំដែននៅភាគខាងជើងវៀតណាម ត្រូវបានបិទដើម្បីទប់ស្កាត់ហានិភ័យ នៃការរីករាលវីរុសកូរ៉ូណាថ្មី។ កាលពីស​ប្តា​ហ៍​​​នេះ នាយករដ្ឋមន្រ្តីវៀតណាមទើបតែបានបញ្ជា ឲ្យការធ្វើពាណិជ្ជកម្មនៅព្រំដែនបន្តឡើងវិញ ដើម្បីធានាថា សកម្មភាពសេ​ដ្ឋ​កិ​ច្ចមិនត្រូវបានរឹតត្បិតខ្លាំងពេក ដោយសារតែវីរុសនេះ ៕.... អានបន្ត
ដោយៈ សហការី (Mon,10 February 2020 (Time 02:02 PM))

បន្ទាប់ពីការដួលរលំនៃរបបប្រល័យពូជសាសន៍ ប៉ុល ពត បច្ចុប្បន្នកម្ពុជាមានសាលាជាង១ម៉ឺន និងសិស្សជាង៣លាននាក់
ភ្នំពេញ ៖ បន្ទាប់ពីការដួលរលំនៃរបបប្រល័យពូជសាសន៍ ប៉ុល ពត នៅថ្ងៃទី០៧ ខែមករា ឆ្នាំ១៩៧៩ រដ្ឋាភិបាលកម្ពុជា ដឹកនាំដោ​យ​​​​​គណបក្សប្រជាជនកម្ពុជា បានប្រឹងប្រែងយ៉ាងខ្លាំងដើម្បីស្តារវិស័យអប់រំឡើងវិញក្នុងស្ថានភាពយ៉ាប់យឺនជាទីបំផុត។ ប​វេ​ស​ន​​​កាលនៅក្នុងប្រទេសកម្ពុជា ត្រូវបានបើកឡើងវិញនៅថ្ងៃទី២៤ ខែកញ្ញា ឆ្នាំ១៩៧៩ ពោលត្រឹមតែ៤ខែប៉ុណ្ណោះ ក្រោយការវាយផ្តួ​ល​​​រំលំរបបខ្មែរក្រហម ។ក្នុងសន្និសីទព័ត៌មានរបស់អង្គភាពអ្នកនាំពាក្យរាជរដ្ឋាភិបាលស្តីពីវឌ្ឍនភាពលើវិស័យអប់រំនៅព្រឹកថ្ងៃទី១០ ខែកុម្ភៈ ឆ្នាំ២០២០​នេះ​ លោក ឌី ខាំប៉ូលី អ្នកនាំពាក្យក្រសួងអប់រំ បានអះអាងថា ក្រោមការយកចិត្តទុកដាក់ខ្ពស់របស់រាជរដ្ឋាភិបាលដឹកនាំដោយ​ស​ម្តេចតេជោ ហ៊ុន សែន បានធ្វើឱ្យវិស័យអប់រំមានការវិវឌ្ឍន៍យ៉ាងឆាប់រហ័សក្នុងរយៈពេល៤១ឆ្នាំក្រោយប្រទេសត្រូវបានរំដោះ​ចេ​ញពីរបបខ្មែរក្រហម ។បើតាមលោក ឌី ខាំប៉ូលី មកដល់ពេលបច្ចុប្បន្នកម្ពុជាមានសាលារៀននៅទូទាំងប្រទេសសរុប១៤,៥២២សាលា រាប់ចាប់​ពីម​ត្តេ​យ្យសិក្សា ដល់ថ្នាក់វិទ្យាល័យ។ ក្នុងនោះសាលារដ្ឋមានចំនួន១៣,៣០០សាលា។ ដោយឡែកគ្រឹះស្ថានបណ្តុះបណ្តាលថ្នាក់ឧត្តមសិក្សា និ​​​ងក្រោយឧត្តមសិក្សា ដែលរួមមានសាកលវិទ្យាល័យ និងវិទ្យាស្ថាននោះ មានចំនួន១២៥សាលា ក្នុងនោះរដ្ឋមានចំនួន៤៨។លោក ឌី ខាំប៉ូលី បានឱ្យដឹងផងដែរថា សិស្សដែលកំពុងសិក្សាពីថ្នាក់មត្តេយ្យ ដល់ឧត្តមសិក្សាមានជាង៣លាននាក់ សិស្សជានា​រី​​​មានជាង៤៩ភាគរយ។ ក្នុងនោះសិស្សកំពុងសិក្សាថ្នាក់ឧត្តមសិក្សា និងក្រោយឧត្តមសិក្សាមានជាង២១ម៉ឺននាក់។បច្ចុប្បន្នមានបុគ្គលិកអប់រំទាំងអ្នកបង្រៀន និងអ្នកបម្រើការងារលើវិស័យអប់រំមានចំនួនសរុបជាង១២ម៉ឺននាក់ ក្នុងនោះអ្ន​ក​​​បង្រៀនមានជាង៩ម៉ឺននាក់។លោក ឌី ខាំប៉ូលី បានអះអាងថា ដើម្បីបង្កើនប្រសិទ្ធភាពនៃការអប់រំរាជរដ្ឋាភិបាល បានបង្កើនថវិកាលើវិស័យអប់រំ៣ដង ហើ​យ​​​ស្មើនឹងប្រមាណ១៨ភាគរយ នៃថវិកាចំណាយរបស់ជាតិសរុប ៕.... អានបន្ត
ដោយៈ សហការី (Mon,10 February 2020 (Time 01:51 PM))

មនុស្សសរុប៨,០៩៦នាក់ហើយ បានជាសះស្បើយពីវីរុស COVID-19 និងចាកចេញពីមន្ទីរពេទ្យនៅទូទាំងប្រទេសចិន
ប្រទេសចិន ៖ ក្រសួងសុខាភិបាលចិនបានប្រកាសឱ្យដឹងថា អ្នកជំងឺឆ្លងវីរុសកូរ៉ូណាប្រភេទថ្មី ឬ COVID-19 សរុបចំនួន ៨,០៩​៦​នា​​ក់ហើយត្រូវបានក្រុមគ្រូពេទ្យ អនុញ្ញាតឱ្យចាកចេញពីមន្ទីរពេទ្យ បន្ទាប់ពីពួកគេជាសះស្បើយទាំងស្រុង។ នេះបើតាមការចេ​ញ​​ផ្សាយដោយទីភ្នាក់ងារព័ត៌មានចិនស៊ីនហួរ នាព្រឹកថ្ងៃសៅរ៍ ទី១៥ ខែកុម្ភៈ ឆ្នាំ២០២០។យោងតាមគណៈកម្មការសុខាភិបាលជាតិចិនបានបញ្ជាក់ថា ពេញមួយថ្ងៃសុក្រម្សិលមិញនេះ មនុស្សចំនួន ១,៣៧៣នាក់ ប​ន្ថែ​ម​​​​​​ទៀតបានចាកចេញពីមន្ទីរពេទ្យ ដែលធ្វើឲ្យចំនួនអ្នកជាសះស្បើយកើនឡើងដល់ ៨,០៩៦នាក់ដូចខាងលើ ។គួរបញ្ជាក់ថា បើតាមតួលេខចុងក្រោយដោយរដ្ឋាភិបាលចិន ចំនួនអ្នកស្លាប់ដោយសារវីរុស COVID-19 កើនឡើងដល់ ១,៥១៩​នា​ក់ ខណៈ ៦៦,៤៩២នាក់ឆ្លងនៅក្នុងខេត្ត និងតំបន់ចំនួន ៣១ ទូទាំងប្រទេសចិន។ ក្រុមជំនាញវេជ្ជសាស្ត្រ ថ្នាំសង្កូវ និងគ្រឿង​ប​រិ​ក្ខាពេទ្យជាច្រើនទៀត ត្រូវបានដឹកជញ្ជូនជាបន្តបន្ទាប់ទៅកាន់ខេត្តហ៊ូប៉ី (Hubei) និងទីក្រុងវូហាន (Wuhan) ដើម្បីបង្កើនប្រសិទ្ធភាពនៃការប្រយុទ្ធនឹងវីរុស COVID-19 ៕.... អានបន្ត
ដោយៈ សហការី (Sun,16 February 2020 (Time 04:47 PM))

សម្តេចតេជោ ហ៊ុន សែន ប្រកាសពីដំណើរទស្សនកិច្ចការងារ នៅប៉េកាំង ដែលសម្តេច គ្រោងជួបនាយករដ្ឋមន្ត្រីចិន និងប្រធានាធិបតីចិន នៅល្ងាចនេះ
កូរ៉េខាងត្បូង ៖ នៅពេលឡើងលើយន្តហោះចាកចេញពីប្រទេសកូរ៉េខាងត្បូង នាព្រឹកថ្ងៃទី០៥ ខែកុម្ភៈ ឆ្នាំ២០២០នេះ សម្តេចតេជោ ហ៊ុន សែន បានប្រកាសពីដំណើរទស្សនកិច្ចការងាររបស់សម្តេច នៅទីក្រុងប៉េកាំង ប្រទេសចិន ដែលសម្តេច គ្រោងជួបនាយករដ្ឋមន្ត្រីចិន និងប្រធានាធិបតីចិន នៅល្ងាចនេះ ។ សម្តេចតេជោ ហ៊ុន សែន លើកឡើងថា «ខ្ញុំសូមជម្រាបជូនបងប្អូនជនរួមជាតិផងដែរ អំពីការធ្វើដំណើររបស់ខ្ញុំ ទៅកាន់ទីក្រុងប៉េកាំង នៅរសៀលថ្ងៃទី៥កុម្ភៈនេះ គឺជាដំណើរទស្សនកិច្ចការងារ ដែលខ្ញុំគ្រោងនឹងជួបលោកនាយករដ្ឋមន្ត្រីចិន លី ខឺឈាង នៅម៉ោង ៥:១៥នាទីល្ងាចនេះ និងបន្ទាប់មកជួបជាមួយលោកប្រធានាធិបតីចិន ស៊ី ជិនពីង នៅម៉ោង ៦:០០ល្ងាចនេះ មុននឹងវិលត្រឡប់ទៅប្រទេសកម្ពុជានៅយប់នេះ ។ សូមជូនពរបងប្អូនជនរួមជាតិ សុខសប្បាយទាំងអស់គ្នា គ្រប់ទីកន្លែង» ។ នៅប្រទេសកូរ៉េខាងត្បូង សម្តេចតេជោ បានប្រកាសថា សម្តេចនឹងអញ្ជើញទៅសាកសួរសុខទុក្ខក្រុមនិស្សិតខ្មែរ ២៣នាក់ ដែលកំពុងរៀននៅទីក្រុងវ៉ូហាន ប្រទេសចិន នៅថ្ងៃទី០៥ ខែកុម្ភៈ ។ ក៏ប៉ុន្តែនៅយប់ ថ្ងៃទី០៤ ខែកុម្ភៈ ឆ្នាំ២០២០ ក្រសួងការបរទេសចិន បានប្រកាសថា មិនអាចរៀបចំទទួលដំណើរទស្សនកិច្ចរបស់សម្តេចបានទេ ព្រោះនៅទីក្រុងវូហាន កំពុងរាតត្បាតដោយជំងឺ កូរ៉ូណា ។ ដូច្នេះសម្តេចតេជោ ក៏បានសម្រេចពន្យារពេល អញ្ជើញទៅទីក្រុងវូហាន តែសម្តេចអញ្ជើញទៅទីក្រុងប៉េកាំង ប្រទេសចិន នៅថ្ងៃទី០៥កុម្ភៈនេះ មុននឹងបន្តដំណើរ វិលត្រឡប់មកកាន់មាតុប្រទេសវិញ ៕.... អានបន្ត
ដោយៈ សហការី (Wed,05 February 2020 (Time 01:51 PM))

សុខសន្តិភាពនៅប្រទេសកម្ពុជា មិនអាចកាត់ផ្តាច់បានឡើយ ពីការផ្តល់ឱកាសស្មើភាពគ្នាជូនប្រជាពលរដ្ឋគ្រប់រូបនូវផ្លែការនៃការអភិវឌ្ឍសេដ្ឋកិច្ចជាតិ ក៏ដូចជាការអភិវឌ្ឍធនធានមនុស្សឱ្យក្លាយទៅជាធនធានដេលមានសក្តានុពលមិនចេះរីងស្ងួត
កូរ៉េខាងត្បូង ៖ នៅលើវេទិកាកិច្ចប្រជុំកំពូលពិភពលោកនៅទីក្រុងសេអ៊ូល ប្រទេសកូរ៉េខាងត្បូង នៅព្រឹកថ្ងៃទី០៤ ខែកុម្ភៈ ឆ្នាំ២០២០នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងថា ការរក្សាឱ្យបាននូវសុខសន្តិភាពដែលកំពុងគ្រប់ដណ្តប់លើផ្ទៃប្រទេសកម្ពុជា មិនអាចកាត់ផ្តាច់បានឡើយ ពីការផ្តល់ឱកាសស្មើភាពគ្នាជូនប្រជាពលរដ្ឋគ្រប់រូបនូវផ្លែការនៃការអភិវឌ្ឍសេដ្ឋកិច្ចជាតិ ក៏ដូចជាការអភិវឌ្ឍធនធានមនុស្សឱ្យក្លាយទៅជាធនធានដេលមានសក្តានុពលមិនចេះរីងស្ងួត។ ប្រទេសកម្ពុជា ត្រូវបានគេដឹងថា ជាប្រទេសមួយដែលត្រូវបំផ្លេចបំផ្លាញ និងរងវិនាសសកម្មយ៉ាងធ្ងន់ធ្ងរជាទីបំផុតដោយសារតែវិបត្តិសង្គ្រាមក្នុងរយៈពេលប្រមាណជា៣ទសវត្សរ៍ ។ កម្ពុជាទទួលបានឱកាសអភិវឌ្ឍន៍ប្រទេសឱ្យរីកចម្រើនឡើងវិញ បន្ទាប់ពីភ្លើងសង្គ្រាមត្រូវបានបិទបញ្ចប់ទៅវិញទាំងស្រុងនៅចុងឆ្នាំ១៩៩៨ ។ នៅចំពោះមុខឥស្សរជនល្បីៗដែលចូលរួមក្នុងវេទិកាកិច្ចប្រជុំកម្រិតពិភពលោករបស់អង្គការសហព័ន្ធសន្តិភាពសកល សម្តេចតេជោ ហ៊ុន សែន បានថ្លែងថា ជាប្រទេសធ្លាប់ឆ្លងកាត់នូវសង្គ្រាម និងវិនាសកម្មនោះ សន្តិភាពពិតជាមានតម្លៃមិនអាចកាត់ថ្លៃបានឡើយសម្រាប់កម្ពុជា។ សម្តេចតេជោ បន្ថែមថា អ្វីៗគ្រប់យ៉ាង ដែលកម្ពុជាសម្រេចបានមកដល់ពេលនេះ ទាំងការអភិវឌ្ឍ និងទាំងវិបុលភាព គឺជាផ្លែផ្កានៃសន្តិភាព ។ ដើម្បីបន្តរក្សាឱ្យបាននូវសុខសន្តិភាព សន្តិសុខសង្គមនេះ សម្តេចតេជោ ហ៊ុន សែន បានលើកឡើងថា ចាប់តាំងពីឆ្នាំ១៩៩៨ ក្រោយរកបានសុខសន្តិភាពពេញលេញ រាជរដ្ឋាភិបាលកម្ពុជា តែងតែផ្តោតការយកចិត្តទុកដាក់ដល់ការអភិវឌ្ឍធនធានមនុស្ស ដោយចាត់ទុកការការអភិវឌ្ឍធនធានមនុស្សជាអាទិភាពក្នុងចំណោមអាទិភាពចម្បងៗទាំង៤ ។ សម្តេចតេជោនាយករដ្ឋមន្ត្រី បានគូសបញ្ជាក់ថា រាជរដ្ឋាភិបាលកម្ពុជា បានធ្វើការការកែទម្រង់ស៊ីជម្រៅលើវិស័យអប់រំ សំដៅពង្រឹងទាំងគុណភាព និងពង្រីកសេវាអប់រំ ដើម្បីទទួលបានធនធានមនុស្សប្រកបដោយគុណភាពសម្រាប់គាំទ្រការសម្រេចបាននូវចក្ខុវិស័យរយៈពេលវែងរបស់កម្ពុជា។ ជាមួយនឹងគោលដៅនេះ រាជរដ្ឋាភិបាលក៏បានបង្កើនថវិកាសម្រាប់វិស័យយ៉ាងសន្ធឹកសន្ធាប់ ។ «ខ្ញុំសូមជម្រាបជូនអង្គពិធីទាំងមូលថា ថវិកាសរុបរបស់ក្រសួងអប់រំ យុវជន និងកីឡា បានកើនឡើងជាង ៣ដង នៅឆ្នាំ២០១៨ ធៀបនឹងឆ្នាំ២០១៣ នៅពេលដែលចំណាយសរុបថវិកាជាំតិបានកើនឡើងជិត២ដងប៉ុណ្ណោះ។ ប្រការនេះឆ្លុះបញ្ចាំងពីការយកចិត្តទុកដាក់ខ្ពស់បំផុតរបស់រាជរដ្ឋាភិបាលក្នុងការផ្តល់អាទិភាពខ្ពស់ទៅលើវិស័យអប់រំ។ រាជរដ្ឋាភិបាលនឹងបន្តចាត់ទុកវិស័យអប់រំជាវិស័យដែលមានអាទិភាពខ្ពស់ ហើយនឹងបន្តបង្កើនថវិកាចំណាយជូនដល់វិស័យនេះថែមទៀតជាបន្តបន្ទាប់»។ នេះជាការបញ្ជាក់របស់សម្តេចតេជោ ហ៊ុន សែន។ សម្តេចតេជោ បានគូសបញ្ជាក់ថា ថវិកាចំណាយនេះផ្តោតទៅលើការសាងសង់សាលារៀន, ដំណើរការសាលារៀន, ការពង្រឹងគុណភាពនៃការប្រឡងនៅគ្រប់កម្រិត, ការពង្រឹងគុណភាពសាលារៀនជំនាន់ថ្មី, ការពង្រឹងការសិក្សាជំនាញបច្ចេកទេសនៅតាមវិទ្យាល័យចំណេះទូទៅ និងបច្ចេកទេស, ការស្រាវជ្រាវលើមុខវិជ្ជាវិទ្យាសាស្ត្រពិត, បច្ចេកទេស, វិស្វកម្ម និងគណិតវិទ្យា (STEM) និងការផ្តល់អាហារូបករណ៍ ដល់សិស្សក្រីក្រ ។ សម្តេចតេជោ ហ៊ុន សែន ក៏បានលើកឡើងដែរថា រាជរដ្ឋាភិបាលកម្ពុជាក៏បន្តពង្រឹង និងអភិវឌ្ឍកម្រិតឧត្តមសិក្សាឱ្យឆ្ពោះទៅរកការស្រាវជ្រាវ និងនវានុវត្តន៍ ដើម្បីពង្រឹងសមត្ថភាព និងជំនាញរបស់ធនធានមនុស្សនៅកម្ពុជាឱ្យសមស្របទៅនឹងបរិបទថ្មីនៃការអភិវឌ្ឍ ជាពិសេសការពង្រឹងសហគ្រិនភាពក្នុងការរៀបចំម៉ូដែលធុរកិច្ចថ្មីៗ។ ដើម្បីចាប់យកកាលានុវត្តភាពពីបដិវត្តន៍ឧស្សាហកម្មទី៤ និងសេដ្ឋកិច្ចឌីជីថល ដែលកំពុងផុសផុលឡើង រាជរដ្ឋាភិបាលបានជំរុញឱ្យមានការបង្កើតឡើងនូវប្រព័ន្ធអេកូឡូហ្ស៉ី ដែលបង្កលក្ខណៈអំណោយផលដល់ការបង្កើតថ្មី, នវានុវត្តន៍, ការស្រាវជ្រាវ និងអភិវឌ្ឍន៍ជាដើម ៕.... អានបន្ត
ដោយៈ សហការី (Tue,04 February 2020 (Time 06:02 PM))

រដ្ឋមន្ត្រីក្រសួងបរិស្ថានសាកសួរសុខទុក្ខនិងថ្លែងអំណរ គុណដល់មន្ត្រីឧទ្យានុរក្សនៅលើកំពូលភ្នំម្រេចកង្កែប ដែលបានលះបង់កម្លាំងកាយ កម្លាំងចិត្ត តស៊ូពុះពាររាល់ការលំបាកទាំងឡាយដើម្បីការពារ និងអភិរក្សធនធានធម្មជាតិ
ខេត្តកោះកុង ៖ ថ្ងៃទី៤ ខែកុម្ភៈ ឆ្នាំ ២០២០ អំឡុងពេលដែលឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន រួមនឹងគណៈប្រតិភូក្រសួងបរិស្ថាន និងលោកជំទាវ មិថុនា ភូថង អភិបាលនៃគណៈអភិបាលខេត្តកោះកុងជួបសំណេះសំណាលសាកសួរសុខទុក្ខនិងថ្លែងអំណរ គុណដល់មន្ត្រីឧទ្យានុរក្សនៅលើកំពូលភ្នំម្រេចកង្កែប តំបន់អារ៉ែង ស្ថិតក្នុងឧទ្យានជាតិជួរភ្នំក្រវ៉ាញខាងត្បូង ក្នុងភូមិសាស្ត្រស្រុកថ្មបាំង ខេត្តកោះកុង «ក្នុងនាមរាជរដ្ឋាភិបាលកម្ពុជា ខ្ញុំសូមថ្លែងអំណរគុណ យ៉ាងជ្រៀលជ្រៅបំផុតជូនចំពោះបងប្អូនមន្ត្រីឧទ្យានុរក្សទាំងអស់ដែលបានលះបង់កម្លាំងកាយ កម្លាំងចិត្ត តស៊ូពុះពាររាល់ការលំបាកទាំងឡាយដើម្បីការពារ និងអភិរក្សធនធានធម្មជាតិប្រកបដោយប្រសិទ្ធភាព ហើយកម្ពុជាទទួលបានថវិកាពីការលក់ឥណទានកាបូនដែលបានមកពីព្រៃឈើ ដើម្បីពង្រឹងការងារអភិរក្ស ក៏ដូចជាជួយអភិវឌ្ឍសេដ្ឋកិច្ចមូលដ្ឋាន បង្កើតការងារ និងបង្កើនចំណូលជូនប្រជាសហគមន៍មូលដ្ឋានតាមរយៈការអភិវឌ្ឍវិស័យទេសចរណ៍ធម្មជាតិ» ។ តំបន់ទេសចរណ៍ធម្មជាតិភ្នំម្រេចកង្កែបនៃតំបន់អារ៉ែង ពោរពេញដោយសក្តានុពលទេសចរណ៍ធម្មជាតិខ្ពស់ដោយសារតែមានទេសភាពដ៏ល្អត្រកាល គ្របដណ្តប់ដោយសមុទ្រឈើជាទីមនោរម្យ មានចំរាក់ភ្នំដ៏គួរឱ្យទាក់ទាញ រុក្ខជាតិនិងជីវៈចម្រុះដ៏សម្បូណ៌បែប និងជាទីកន្លែងគួរឱ្យចង់ស្នាក់នៅកម្សាន្ត ។ ឯកឧត្តម សាយ សំអាល់ បានគូសបញ្ជាក់ថា អាស្រ័យដោយសារកិច្ចខិតខំប្រឹងប្រែងក្នុងការគ្រប់គ្រង និងអភិរក្សតំបន់ការពារធម្មជាតិបានល្អប្រសើរ កម្ពុជាបានលក់ឥណទានកាបូននៅក្នុងឧទ្យានជាតិជួរភ្នំក្រវ៉ាញខាងត្បូង ដែនជម្រកសត្វព្រៃសត្វព្រៃតាតៃ ក្នុងខេត្តកោះកុង និងដែនជម្រកសត្វព្រៃកែវសីម៉ា ក្នុងខេត្តមណ្ឌលគិរីក្នុងក្របខណ្ឌទីផ្សារ ស្ម័គ្រចិត្ត ដោយទទួលបានថវិកាសរុបប្រមាណ ១១,៦ លានដុល្លារអាមេរិក ។ ឯកឧត្តមរដ្ឋមន្ត្រីបានមានប្រសាសន៍ថា ថវិកាដែលបានមកពីការលក់ឥណទានកាបូនដែលជាការលក់តួនាទីព្រៃឈើក្នុងការការពារប្រព័ន្ធអេកូឡូស៊ីនេះ ត្រូវបាននិងកំពុងប្រើប្រាស់សម្រាប់ទ្រទ្រង់ដល់ការការពារនិងអភិរក្សធនធានធម្មជាតិដែលកម្ពុជាមាន ក៏ដូចជាជួយលើកកម្ពស់ជីវភាពរបស់ប្រជាសហគមន៍មូលដ្ឋានដែលឆ្លើយតបទៅគោលការណ៍ ហិរញ្ញប្បទាននិរន្តរភាព។ ឯកឧត្តមរដ្ឋមន្ត្រី សាយ សំអាល់ បានថ្លែងថា រហូតមកដល់ពេលនេះ មានតែប្រទេសកម្ពុជានិងប្រទេសឥណ្ឌូនេស៊ីប៉ុណ្ណោះក្នុងចំណោមប្រទេសអាស៊ាន ដែលបានលក់ឥណទានកាបូនក្នុងទីផ្សារកាបូនស្ម័គ្រចិត្ត ។ ឯកឧត្តមរដ្ឋមន្ត្រីក្រសួងបរិស្ថានបានថ្លែងអំណរគុណចំពោះភាគីពាក់ព័ន្ធនានារួមនឹងប្រជាសហគមន៍ដែលបានចូល រួមការពារនិងអភរិក្សធនធានធម្មជាតិ ហើយកិច្ចខិតខំប្រឹងប្រែងក្នុងការគ្រប់គ្រង និងអភិរក្សតំបន់ការពារធម្មជាតិកន្លងមកបានល្អប្រសើរ ដែលអនុញ្ញាតឱ្យកម្ពុជាអាចលក់ឥណទានកាបូន និងប្រើប្រាស់ដើម្បី ការងារអភិរក្សធនធានធម្មជាតិ និងអភិវឌ្ឍសេដ្ឋកិច្ចមូលដ្ឋាន ។ ឯកឧត្តម សាយ សំអាល់ បានមានប្រសាសន៍ថា៖«នាពេលកន្លងទៅ រាជរដ្ឋាភិបាលកម្ពុជាខិតខំធ្វើយ៉ាងណាប្រឹងការពារឱ្យមាន ប្រសិទ្ធភាពចំពោះតំបន់ការពារធម្មជាតិដែលយើងមាន ដើម្បីឈានទៅលក់ឥណទានកាបូន។ ពេលនេះ យើងអាចធ្វើបានហើយនិងកំពុងបោះមួយជំហានទៀតក្នុងការធ្វើការគ្រប់គ្រង និងអភិរក្សធនធានធម្មជាតិរបស់យើងឱ្យបានគង់វង្សសម្រាប់មនុស្សរាប់ជំនាន់ទៅមុខទៀត និងមានលទ្ធភាពគិតគូរបន្ថែមលើការលើកស្ទួយជីវភាពប្រជាពលរដ្ឋមូលដ្ឋានរួមទាំងក្រុមគ្រួសារមន្ត្រីឧទ្យានុរក្ស និងប្រជាសហគមន៍» ។ គួរបញ្ជាក់ថា ប្រទេសកម្ពុជាមានធនធានធម្មជាតិ និងជីវៈចម្រុះដ៏សំបូរបែប។ ព្រៃឈើគ្របដណ្តប់ប្រមាណ ៥០% នៃផ្ទៃប្រទេស ដែលជាអត្រាខ្ពស់ បំផុតនៅក្នុងតំបន់អាស៊ីអាគ្នេយ៍។ មកទល់បច្ចុប្បន្ននេះ រាជរដ្ឋាភិបាលបានបង្កើនផ្ទៃដីតំបន់ការពារ ធម្មជាតិដែលស្ថិតនៅក្រោមយុត្តាធិការរបស់ក្រសួងបរិស្ថាន រហូតដល់ប្រមាណ ៤១% នៃផ្ទៃដី ប្រទេសកម្ពុជា គឺស្មើនឹងប្រមាណ ៧,២លានហិចតា ។ ឯកឧត្តមរដ្ឋមន្រ្តី សាយ សំអាល់ បានគូសបញ្ជាក់ថា ព្រៃឈើដើរតួនាទីយ៉ាងសំខាន់ក្នុងការធានាការផ្គត់ផ្គង់ទឹកនិងថាមពល កាត់បន្ថយផលប៉ះពាល់ពីគ្រោះមហន្តរាយធម្មជាតិ និងរួមចំណែកដល់ការកាត់បន្ថយការប្រែប្រួលអាកាសធាតុ។ ទេសចរណ៍ធម្មជាតិ និងគម្រោងទូទាត់សម្រាប់សេវាកម្មអេកូឡូស៊ី ក៏អាចផ្តល់នូវឱកាសសម្រាប់អភិវឌ្ឍសកម្មភាពសេដ្ឋកិច្ចនានា ដោយជាមួយគ្នានោះ ជួយគាំទ្រដល់ការងារអភិរក្សផងដែរ ។ រហូតមកទល់នឹងឆ្នាំ ២០១៩ នេះ សហគមន៍ការពារធម្មជាតិទាំងអស់ ដែលស្ថិតនៅតំបន់អភិរក្សក្រសួងបរិស្ថានមានចំនួនប្រមាណ ១៦៨ សហគមន៍។ ឯកឧត្តម សាយ សំអាល់ បានមានប្រសាសន៍ថា រាជរដ្ឋាភិបាលកម្ពុជាមាន ទិសដៅធ្វើយ៉ាងណាឱ្យសហគមន៍មានចំណូលបន្ថែម និងបង្កើតជម្រើសថ្មីសម្រាប់ការប្រកបមុខរបរចិញ្ចឹមជីវិតដើម្បីកាត់ផ្តាច់ពីការពឹងអាស្រ័យលើអនុផលព្រៃឈើ ការបរបាញ់សត្វដែលជាទម្លាប់មានពីយូរលង់ណាស់មកហើយរបស់ប្រជាពលរដ្ឋនៅតាមសហគមន៍មូលដ្ឋានដោយបង្កើតមុខរបរថ្មីបម្រើឱ្យវិស័យអេកូទេសចរណ៍ ព្រមទាំងការបណ្តុះបណ្តាលសហគមន៍ឱ្យចេះគ្រប់គ្រង និងការចិញ្ចឹមសត្វផ្គត់ផ្គង់ទីផ្សារ ការដាំដំណាំរួមផ្សំផ្សេងទៀតមានបន្លែបង្ការសម្រាប់ប្រើប្រាស់ប្រចាំថ្ងៃខ្លួនឯងផង និងសម្រាប់បម្រើសេវាកម្មដល់ភ្ញៀវទេសចរដែលទៅទស្សនាកម្សាន្តនៅក្នុងតំបន់សហគមន៍របស់ពលរដ្ឋផងដែរ ។ ឯកឧត្តមរដ្ឋមន្ត្រីក្រសួងបរិស្ថានមានប្រសាសន៍ថា៖ « ជាការចាំបាច់ ក្រសួងបរិស្ថានបានផ្តួចផ្តើម និងជំរុញឱ្យមានគម្រោងចិញ្ចឹមសត្វដូចជាពពែ គោ និងជ្រូកជាដើមដើម្បីបង្កើនចំណូល និងបម្រើតម្រូវការទីផ្សារជាពិសេសផ្គត់ផ្គង់តម្រូវការភ្ញៀវទេសចរដែលមកទស្សនាកម្សាន្តនៅតាមតំបន់ទេសចរណ៍ធម្មជាតិនានា» ។ ជាមួយគ្នានេះដែរ ឯកឧត្តមរដ្ឋមន្ត្រីក្រសួងបរិស្ថានបានប្រគល់ជូននូវសម្ភារមួយចំនួនដល់មន្ត្រីឧទ្យានុរក្សក្រសួងបរិស្ថានដែលឈរជើងការពារតំបន់ការពារធម្មជាតិនៅក្នុងភូមិសាស្ត្រខេត្តកោះកុង ដែលមានមុង ភួយ អង្រឹង សម្ភារៈចាំបាច់ផ្សេងទៀតសម្រាប់បម្រើឱ្យការងារល្បាត ៕.... អានបន្ត
ដោយៈ សហការី (Tue,04 February 2020 (Time 05:48 PM))

សម្ដេចតេជោ ហ៊ុន សែន អ្វីគ្រប់យ៉ាងដែលកម្ពុជាសម្រេចបានកន្លងមកនេះ ទាំងការអភិវឌ្ឍ និងវិបុលភាព គឺជាផ្លែផ្កានៃសន្តិភាព
ប្រមុខរាជរដ្ឋាភិបាលកម្ពុជាបញ្ជាក់ថា សន្តិភាពពិតជាមានតម្លៃមិនអាចកាត់ថ្លៃបាន ដោយសារតែកម្ពុជា ជាប្រទេសដែលធ្លាប់ឆ្លងកាត់សង្គ្រាម និងវិបត្តិវិនាសកម្មជាច្រើន។ ថ្លែងនៅក្នុងកិច្ចប្រជុំកំពូលពិភពលោកឆ្នាំ២០២០ នៃអង្គការសហពន្ធសន្តិភាពសកល (UPF) ស្តីពីសន្តិភាព សន្តិសុខ និងការអភិវឌ្ឍមនុស្ស ដែលរៀបចំឡើងនៅសាធារណរដ្ឋកូរ៉េ ខាង នាព្រឹកថ្ងៃទី០៤ ខែកុម្ភៈ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបា នបញ្ជាក់ថា អ្វីគ្រប់យ៉ាងដែលកម្ពុជាសម្រេចបានកន្លងមកនេះទាំងការអភិវឌ្ឍ និងវិបុលភាព គឺជាផ្លែផ្កានៃសន្តិភាព ។ សម្តេចបានបន្តទៀតថា ការបន្តរក្សាបាននូវសន្តិភាព គឺមិនអាចកាត់ផ្ដាច់បានពីការផ្ដល់ឱកាសស្មើគ្នា ជូនប្រជាជនគ្រប់រូបនូវផ្លែផ្កា នៃការអភិវឌ្ឍសេដ្ឋកិច្ច ក៏ដូចជាអភិវឌ្ឍន៍ធនធានមនុស្សឲ្យក្លាយទៅជាធនធាន ដែលមានសក្តានុពលមិនចេះរីងស្ងួត។ ហើយចាប់តាំងពីកម្ពុជា ទទួលបាននូវសន្តិភាពពេញលេញទូទាំងប្រទេសក្នុងឆ្នាំ១៩៩៨មក រាជរដ្ឋាភិបាលកម្ពុជា តែងតែផ្ដោតយកចិត្តទុកដាក់ដល់ការអភិវឌ្ឍធនធានមនុស្ស ដោយចាត់ទុកការអភិវឌ្ឍធនធានមនុស្សជាអាទិភាពមួយ ក្នុងចំណោមអាទិភាពចម្បងៗទាំងបួន។ ឈរលើមូលដ្ឋាននេះរាជរដ្ឋាភិបាលកម្ពុជា បានធ្វើការកែទម្រង់ស៊ីជម្រៅលើវិសយអប់រំ សំដៅពង្រឹងគុណភាព និងពង្រីកសេវាអប់រំ ដើម្បីទទួលបានធនធានមនុស្សប្រកបដោយគុណភាព សម្រាប់គាំទ្រការសម្រេចចិត្តនៅចក្ខុវិសយរយៈពេលវែងរបស់កម្ពុជា។ រាជរដ្ឋាភិបាលនឹងបន្តចាត់ទុកវិសយអប់រំ ជាវិសយដែលមានអាទិភាពខ្ពស់ ហើយនឹងបន្តបង្កើនថវិកាចំណាយជូនដល់វិសយនេះបន្ថែមទៀត ជាបន្តបន្ទាប់។ ថវិកាចំណាយនេះ គឺផ្ដោតទៅលើការសាងសង់សាលារៀន ដំណើរការសាលារៀន ការពង្រឹងគុណភាពនៃការប្រឡងនៅគ្រប់កម្រិត ការពង្រឹងគុណភាពសាលារៀនជំនាន់ថ្មី ការពង្រឹងការសិក្សាជំនាញបច្ចេកទេស នៅតាមវិទ្យាលយចំណេះទូទៅ និងបច្ចេកទេសការស្រាវជ្រាវលើមុខវិជ្ជាវិទ្យាសាស្ត្រពិត បច្ចេកទេស វិស្វកម្ម និងគណិតវិទ្យា និងផ្ដល់អាហារូបករណ៍ដល់សិស្សនិស្សិតក្រីក្រគ្រប់កម្រិត ។ សម្ដេចតេជោបានមានប្រសាសន៍បន្តទៀតថា រាជរដ្ឋាភិបាល នឹងបន្តពង្រឹង និងអភិវឌ្ឍន៍កម្រិតឧត្ដមសិក្សាឲ្យឆ្ពោះទៅរកការស្រាវជ្រាវ និងនាវានុវត្តដើម្បីពង្រឹងសមត្ថភាព និងជំនាញរបស់ធនធានមនុស្សនៅកម្ពុជា ឲ្យសមស្របទៅនឹងបរិបទថ្មីនៃការអភិវឌ្ឍ ជាពិសេសការពង្រឹងសហគ្រិនភាព ក្នុងការរៀបចំម៉ូដែលធុរៈកិច្ចថ្មីៗ និងដើម្បីចាប់យកកាលានុវត្តភាពពីបដិវត្តន៍ឧស្សាហកម្មទី៤ និងសេដ្ឋកិច្ចឌីជីថលដែលកំពុងផុសផុលឡើង ៕.... អានបន្ត
ដោយៈ សហការី (Tue,04 February 2020 (Time 05:38 PM))

គណៈកម្មការជាតិអះអាងថា បច្ចុប្បន្ននេះការកាប់ឈើ និងដឹកជញ្ជូនឈើដោយខុសច្បាប់ជាលក្ខណៈទ្រុងទ្រាយធំ មានភាពស្ងប់ស្ងាត់
ភ្នំពេញ ៖ បច្ចុប្បន្ននេះ ការកាប់ឈើ និងការដឹកជញ្ជូនឈើដោយខុសច្បាប់ ជាលក្ខណៈទ្រង់ទ្រាយធំ មានភាពស្ងប់ស្ងាត់ ប៉ុន្តែនៅមានការលូចបន្លំ ដឹកជញ្ជូនផល អនុផលព្រៃឈើដោយខុសច្បាប់ តាមរូបភាពជារថយន្តសាំមយ៉ុង រថយន្តកែច្នៃធុនតូច គោយន្ត ម៉ូតូ រទេះគោ រទេះក្របី រ៉ឺម៉កជាដើម។ នេះបើតាមការឲ្យដឹងពីគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ ។ សេចក្ដីប្រកាសព័ត៌មានស្ដីពីវឌ្ឍនភាពការងាររបស់គណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ ផ្សព្វផ្សាយនៅថ្ងៃទី៣ ខែកុម្ភៈនេះ បានឲ្យដឹងថា ឆ្នាំ២០១៩ កន្លងទៅនេះ គណៈកម្មការជាតិ បានឃាត់ខ្លួន និងបញ្ជូនជនសង្ស័យពាក់ព័ន្ធនឹងបទល្មើសព្រៃឈើចំនួន ៥៩នាក់, ចាប់យកឈើចម្រុះបាន៩,២១៥,៨៧៦ម៉ែត្រគូប និងចាប់យកមធ្យោបាយសរុបចំនួន ៤៩១គ្រឿង ព្រមជាមួយគ្នានោះ ក្រុមការងារបានអនុវត្តវិធានការបំផ្ទុះ ដុត កាត់បំផ្លាញចោលនូវរថយន្តបាកុង និងមធ្យោបាយកែច្នៃសរុបចំនួន ២១២គ្រឿង។ គណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ បានបញ្ជាក់ថា ឈើដែលចាប់បាន គណៈកម្មការជាតិកំពុងថែរក្សាមិនឱ្យបាត់ ឬឆេះដោយប្រការណាមួយឡើយ ហើយឈើនេះត្រូវបានដាក់ឱ្យដេញថ្លៃ ឬពិគ្រោះថ្លៃ ដើម្បីប្រមូលថវិកាជូនជាតិ។ ជាមួយគ្នានេះ គណៈកម្មការជាតិ និងអាជ្ញាធរមានសមត្ថកិច្ច នៅតែបន្តធ្វើការផ្សព្វផ្សាយ អប់រំជាសាធារណៈ ដើម្បីឱ្យបុគ្គលគ្រប់រូបជ្រួតជ្រាប យល់ដឹងអំពីច្បាប់ពាក់ព័ន្ធនឹងព្រៃឈើ ក្នុងន័យឱ្យជៀស ឆ្ងាយពីការប្រព្រឹត្តខុសច្បាប់ និងចូលរួមថែរក្សាព្រៃឈើឱ្យបានគង់វង្ស ទុកសម្រាប់ប្រយោជន៍ជាតិ និងពិភពលោកទាំងមូល ៕.... អានបន្ត
ដោយៈ សហការី (Mon,03 February 2020 (Time 06:33 PM))

សម្តេចតេជោ ហ៊ុន សែន ទទួលបានការស្វាគមន៍យ៉ាងកក់ក្តៅបំផុត ពីប្រជាពលរដ្ឋខ្មែររស់នៅ និងធ្វើការ នៅនៅក្រុងសេអ៊ូល ប្រទេសកូរ៉េខាងត្បូង
ប្រទេសកូរ៉េខាងត្បូង ៖ ពលរដ្ឋខ្មែររស់នៅ និងធ្វើការក្នុងប្រទេសកូរ៉េខាងត្បូង យ៉ាងច្រើនកុះករ បាននាំគ្នាទទួលស្វាគមន៍យ៉ាងកក់ក្តៅ និងដោយក្តីនឹករឭក ចំពោះវត្តមានអញ្ជើញដល់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៅឯសណ្ឋាគារ ទីក្រុងសេអ៊ូល ប្រទេសកូរ៉េខាងត្បូង ។ សម្តេចតេជោនាយករដ្ឋមន្ត្រី បានអញ្ជើញដល់ទីក្រុងសេអ៊ូល សាធារណរដ្ឋកូរ៉េ ដោយសុវត្ថិភាព នារសៀលថ្ងៃទី៣ ខែកុម្ភៈ ឆ្នាំ២០២០ នេះ ដើម្បីចូលរួមកិច្ចប្រជុំកំពូលពិភពលោក ឆ្នាំ២០២០ នៃអង្គការសហព័ន្ធសន្តិភាពសកល ស្តីពីសន្តិភាព សន្តិសុខ និងការអភិវឌ្ឍមនុស្ស។ ពិធីប្រជុំកំពូលនេះ គ្រោងប្រារព្ធធ្វើនៅរដ្ឋធានីសេអ៊ូល ពីថ្ងៃទី០៣-០៥ ខែកុម្ភៈ ឆ្នាំ២០២០ ហើយក្នុងឱកាសនេះដែរ សម្តេចតេជោនាយករដ្ឋមន្ត្រីនឹងជួបពិភាក្សាការងារជាមួយ លោក មូន ចេអ៉ីន (Moon Jae-in) ប្រធានាធិបតីកូរ៉េខាងត្បូង និងនាយករដ្ឋមន្រ្តី ព្រមទាំងមន្រ្តីសំខាន់ៗជាច្រើនរូបទៀត ដើម្បីពង្រឹង និងពង្រីកកិច្ចសហប្រតិបត្តិការទ្វេភាគី កម្ពុជា-កូរ៉េ ឲ្យកាន់តែល្អប្រសើរឡើង។ សូមរំឭកថា ក្នុងដំណើរទស្សនកិច្ចទៅកាន់ប្រទេសកូរ៉ខាងត្បូងលើកនេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក៏នឹងជួបសំណេះសំណាលជាមួយសហគមន៍កម្ពុជា មានសិស្ស-និស្សិត និងពលករកម្ពុជា រាប់រយនាក់ ដែលកំពុងរស់នៅ និងធ្វើការនៅក្នុងសាធារណរដ្ឋកូរ៉េផងដែរ។ មុនចេញដំណើរពីរាជធានីភ្នំពេញ នាព្រឹកមិញនេះ សម្តេចតេជោ ហ៊ុន សែន សរសេរសារនៅលើហ្វេសប៊ុក នាព្រឹកនេះថា «កិច្ចប្រជុំនេះក៏នឹងជួយជួយសម្រួលដល់ការរស់នៅ និងលក្ខណ្ឌការងាររបស់កូនក្មួយនៅកូរ៉េឲ្យបានល្អប្រសើរឡើងថែមទៀត» ៕.... អានបន្ត
ដោយៈ សហការី (Mon,03 February 2020 (Time 06:26 PM))

សម្តេច ក្រឡាហោម ស ខេង ដឹកនាំគណៈប្រតិភូជាន់ខ្ពស់ អន្តរក្រសួង អញ្ជើញបំពេញទស្សនៈកិច្ច នៅសាធារណរដ្ឋសហព័ន្ធអាល្លឺម៉ង់
សាធារណរដ្ឋសហព័ន្ធអាល្លឺម៉ង់ ៖ សម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ បានដឹកនាំគណៈ​ប្រតិ​ភូ​ជាន់ខ្ពស់ អន្តរក្រសួង អញ្ជើញទៅ បំពេញទស្សនកិច្ចនៅ សាធារណរដ្ឋ សហព័ន្ធ អាល្លឺម៉ង់ ។.... អានបន្ត
ដោយៈ សហការី (Mon,30 September 2019 (Time 04:42 PM))