កីឡាករ-កីឡាការិនីកីឡាអត្តពលកម្មមកពីតាមបណ្តាខេត្ត រាជធានីចំនួន ៦១ នាក់ បានមកជួបជុំគ្នាធ្វើតេស្តសមត្ថភាពត្រៀមចូលរួមក្រុមជម្រើសជាតិឆ្នាំ ២០២០
រាជធានីភ្នំពេញ ៖ កីឡាករ-កីឡាការិនីកីឡាអត្តពលកម្មមកពីតាមបណ្តាខេត្ត រាជធានីចំនួន ៦១ នាក់ បានមកជួបជុំគ្នាធ្វើតេស្តសមត្ថភាពត្រៀមចូលរួមក្រុមជម្រើសជាតិឆ្នាំ ២០២០ ។
សកម្មភាពធ្វើតេស្តសមត្ថភាពចូលជម្រើសជាតិរបស់អត្តពលិកកីឡាអត្ត ពលកម្មឆ្នាំ២០២០នេះ បានប្រព្រឹត្តទៅកាលពីរសៀលថ្ងៃទី០៦កក្កដាក្រោមការត្រួតពិនិត្យពីលោក ផៃ សុខ អនុប្រធានទី១ តំណាងលោក អ៊ុក សិទ្ធិជាតិ ប្រធានសហព័ន្ធខ្មែរកីឡាអត្តពលកម្មស្ម័គ្រចិត្ត ដែលផ្តើមគំនិតរៀបចំឲ្យមានការធ្វើតេស្តនេះ នៅក្នុងទីលានបាល់ទាត់នៃបរិវេណពហុកីឡដ្ឋានជាតិអូឡាំពិក។
លោក ហ៊ុន បូរី អគ្គលេខាធិការសហ ព័ន្ធខ្មែរកីឡាអត្តពលកម្មស្ម័គ្រចិត្ត បានប្រាប់ឲ្យដឹងថា ការធ្វើតេស្តលើកនេះមានកីឡាករកីឡាការិនីចំនួន៦១នាក់ក្នុងនោះមានកីឡាការិនីចំនួន១៧នាក់មកពីក្លិប និងសមាគមចំនួន១១ ដើម្បីជ្រើស រើសកីឡាករកីឡាការិនីឆ្នើមចំនួន៥នាក់ចូ លហ្វឹកហាត់ក្រុមជម្រើសជាតិ២០២០។
យោងតាមស្មារតីអង្គប្រជុំគណៈកម្មការជ្រើសរើសកីឡាករ-កីឡាការិនីជម្រើស ជាតិ៥នាក់ ដែលធ្លាប់ចូលរួមព្រឹត្តិការណ៍ ប្រកួតកីឡា SEA GAMES 2019 ព្រម ទាំងទទួលបានលទ្ធផលល្អថែមទៀតនោះ ត្រូវជាប់ក្រុមជម្រើសជាតិដោយ ស័្វយប្រវត្តិ ហើយ៥នាក់ទៀត សហព័ន្ធនឹងជ្រើសរើសតាមរយ:តេស្តសមត្ថភាព ក្នុងចំណោមកីឡាករ-កីឡាការិនីទាំង ៦១នាក់ ដែលមកពីតាមបណ្តាខេត្តនានាដែលមកចូលរួមនេះ។
ចំណែកលោកគ្រូបង្វឹកចំនួន៧នាក់ ដែ លឈរឈ្មោះ អង្គប្រជុំសម្រេចជ្រើសរើស ៥នាក់ តាមគោលការណ៍អនុញ្ញាតរបស់ ក្រសួងអប់រំ យុវជននិងកីឡា។ដូច្នេះក្រុម ជម្រើសជាតិអត្តពលកម្មឆ្នាំនេះ មានគ្រូ បង្វឹកចំនួន៥នាក់ កីឡាករ-កីឡាការិនី ១០នាក់ ក្នុងនោះកីឡាការិនី២នាក់។ ចំ ពោះក្រុមជម្រើសជាតិអត្តពលកម្មថ្នាលវិញ មានគ្រូបង្វឹកចំនួន៤នាក់ កីឡាករ-កីឡាការិនី១៨នាក់ក្នុងនោះកីឡាការិនី ៧នាក់៕
