ព័ត៌មានជាតិ

មន្ទីរធនធានទឹកខេត្តឧត្តរមាន​ជ័​យ​​ បានរៀបចំប្រព័ន្ធធារាសាស្រ្តរួចជា​ស្រេច ដើម្បីឆ្លើយតបទៅនឹងវិស័​យ​កសិកម្ម ពិសេសនៅរដូវសាបព្រួ​ស​ស្រូវ

ខេត្តឧត្តរមានជ័យ ៖ មន្ទីរធនធានទឹកខេត្តឧត្តរមានជ័យ បានរៀបចំហេដ្ឋារចនាសម្ព័ន្ធធារាសាស្រ្តរួចជាស្រេចដើម្បីឆ្លើយតបទៅនឹងតម្រូវការប្រើប្រាស់របស់ប្រជាកសិករលើវិស័យកសិកម្ម ពិសេសនៅរដូវសាបព្រួសស្រូវ។ លោក ញឺន កួន ប្រធានមន្ទីរធនធានទឹកនិងឧតុនិយមខេត្តឧត្តរមានជ័យ បានឲ្យដឹងថា ដើម្បីឆ្លើយតបតំរូវការលើការប្រើប្រាស់ទឹករបស់ប្រជាពលរដ្ឋ មន្ទីរ បាន ស្តារនិងកសាង ប្រព័ន្ធធារាសាស្រ្ត ប្រឡាយ លូបង្ហូរទឹក ស្ទើរគ្រប់ទីកន្លែងដូចជា ប្រព័ន្ធធារាសាស្រ្តខ្នាតតូចមានចំនួន៥៧​ក​ន្លែង ប្រព័ន្ធធារាសាស្រ្តខ្នាតមធ្យម មានចំនួន២៨កន្លែង និង ប្រព័ន្ធធារាសាស្រ្តខ្នាតធំមានចំនួន៣ កន្លែងដែលអាចស្តុកទឹកបានប្រមា៦៨​៧​,៧​លា​នម៉ែត្រគូប ដែលអាចស្រោចស្រព ផ្គត់ផ្គង់ទឹកស្រោចលើដីស្រែរបស់បងប្អូនប្រជាពលរដ្ឋប្រមាណជាង៤ម៉ឺនហិកតា។ លោ​កបញ្ជាក់ថា ក្រៅពីជួសជុសថែទាំ មន្ទីរក៏បានត្រៀមមធ្យោបាយមួយចំនួនដូចជា គ្រឿងចក្រ ម៉ាស៊ីនបូបទឹក ផងដែរ ដើម្បីអន្តរាគមន៏នៅពេលដែលកើតមានគ្រោះ​​ធម្មជាតិជាយថាហេតុ។ លោកបន្តថា ការរៀបចំហេដ្ឋារចនាសម្ព័ន្ធធារាសាស្រ្តនេះដើម្បីធានាបាននូវការផ្គត់ផ្គង់ទឹកប្រើប្រាស់គ្រប់គ្រាន់ ពិសេសស្រោចស្រពលើការដាំដុះដំណាំស្រូវ បន្លែបង្ការ ដំណាំកសិ-ឧស្សាហកម្ម ជាដើមខណះដែលប្រជាកសិករប្រឹងប្រែងបង្កើនការដាំដុះពីមួយថ្ងៃទៅមួយថ្ងៃឥតឈប់ឈរ។ ក្រសួងធនធានទឹក ក៏ដូចជាមន្ទីរធនធានទឹកយើងបានជួសជុលរចនាសម្ព័ន្ធរួចរាល់អស់ហើយ ហើយយើងនឹងកំពុងបន្តការថែទាំនិងយើងបានសង់សង់ថ្មីមួយចំនួនបន្ថែមទៀតសម្រាប់ផ្គត់ផ្គង់ទៅភូមិដែលទើបតែបង្កើនថ្មីដើម្បីផ្គត់ផ្គង់ទឹកធានាដល់ការស្រោចស្រពនៅតាមប្រព័ន្ធធារាសាស្ត្ររបស់យើង ហើយក៏បានត្រៀមលក្ខណៈជួយគត់ផ្គត់ផ្គង់ទឹកនៅលើផ្ទៃដីដែលអាចផ្គត់​ផ្គ​​​​​ង់ទឹកបានគ្រប់គ្រាន់យើងគិតថាទោះមានការរាំងស្ងួតក៏យើងអាចផ្គត់ផ្គង់បានលើផ្ទៃដី៤ម៉ឺនហិចតាជាង ដែលយើងត្រៀម​ល​​​ក្ខណៈរួចជាស្រេចក្នុងការផ្គត់ផ្គង់ទឹក។ លោក ក៏បានអំពាវនាវដល់ប្រជាកសិករដែលរស់នៅប្រាស្រ័យប្រព័ន្ធធារាសស្រ្តទាំងអស់ចូលរួមយកចិត្តទុកដាក់អោយបានខ្ពស់ក្នុងការរួមថែរក្សាប្រភពទឹកអោយបានល្អនិងប្រើប្រាស់ទឹកអោយមានលក្ខណះសន្សំសំចៃ និងចំគោលដៅដើម្បីទទួលបានប្រ​សិ​ទ្ធ​​​​​ភាពនិងធានាបាននូវនិរន្តរភាពយូរអង្វែង ៕  

ព័ត៌មានជាតិ

ក្រសួងសាធារណការ បើកវគ្គបណ្ដុះបណ្ដាលបច្ចេកទេស ធ្វើឱ្យប្រសើរឡើងវិញផ្លូវជាតិលេខ២ និងផ្លូវជា​តិ​​​​​លេ​ខ២២ ដល់មន្ត្រីវិស្វករវ័យក្មេង ដើម្បីបង្កើនការយល់ដឹងចំណេះដឹងថ្មីៗ

ក្រសួងសាធារណការ និងដឹកជញ្ជូន បើកវគ្គបណ្ដុះបណ្ដាលបច្ចេកទេស គម្រោងធ្វើឱ្យប្រសើរឡើងវិញផ្លូវជាតិលេខ២ និងផ្លូវជាតិ​លេ​​​ខ២២ ដល់មន្ត្រីវិស្វករវ័យក្មេង ដើម្បីបង្កើនការយល់ដឹងចំណេះដឹងថ្មីៗក្នុងការចុះសម្របសម្រួល និងពិនិត្យលក្ខណៈប​ច្ចេកទេ​ស​ ។ ឯកឧត្ដម តូច ចាន់កុសល រដ្ឋលេខាធិការប្រចាំការ នៃក្រសួងសាធារណការ និងដឹកជញ្ជូន បានមានប្រសាសន៍ថា វគ្គបណ្ដុះប​ណ្ដា​​​លបច្ចេកទេ​ស​​​​​សម្រាប់គម្រោងធ្វើឱ្យប្រសើរឡើងវិញផ្លូវជាតិលេខ២ និងផ្លូវជាតិលេខ២២ ដល់មន្ត្រីវិស្វករវ័យក្មេង នៅថ្ងៃទី​២​៩​ ខែមេសានេះ រៀបចំឡើងក្នុ​ង​គោលបំណងបំពាក់បំប៉នចំណេះដឹងថ្មីៗបន្ថែមទៀតដល់មន្ត្រីទាំងនោះ តាមរយៈការផ្តល់បទប​ង្ហា​​​​​​​​ញពីវាគ្មិនអន្តរជាតិដែលមានបទពិសោធន៍យូ​រឆ្នាំ ជាវេទិកាសម្រាប់ការសួរដេញដោលនូវរាល់ចម្ងល់ទាំងឡាយដែលធ្លាប់បា​ន​ជួ​ប​ប្រទះ ខណៈពេលអនុវត្តជាក់ស្ដែងសំដៅធានាបាននូវទំ​នុ​កចិត្តខ្ពស់ក្នុងការអនុវត្តការងារប្រចាំថ្ងៃ។ឯកឧត្ដម បន្តថា គ​ម្រោ​​​ងមួយមានដំណើរការល្អ ឬមិនល្អ មិនមែនអាស្រ័យលើក្រុមហ៊ុនម៉ៅការ តែប៉ុណ្ណោះទេ ប៉ុន្តែវាអាស្រ័យលើម្ចាស់គម្រោង (អង្គភាពគ្រប់គ្រង និងអង្គភាពអនុវត្តគម្រោង) និងក្រុមហ៊ុនប្រឹក្សាបច្ចេកទេស ដែលជាកត្តាដ៏សំខាន់ក្នុងការសម្របសម្រួល និង​ស​ហការជាមួយក្រុមហ៊ុនម៉ៅការយ៉ាងជិតស្និទ្ធ ដើម្បីឱ្យគម្រោងមានដំណើររលូន និងមានគុណភាពខ្ពស់។ឯកឧត្ដម សង្ឃឹមយ៉ាង​មុ​ត​មាំថា វគ្គបណ្ដុះបណ្ដាលនេះនឹងផ្ដល់ចំណេះដឹងដ៏មានតម្លៃក្នុងការលើកកម្ពស់សមត្ថភាពវិជ្ជាជីវៈរបស់មន្ត្រីវិស្វករ ដែលជា​ស​ស​​​រស្ដម្ភ និងជាទំពាំងស្នងឫស្សីប្រកបដោយសក្ដានុពលរបស់ប្រទេសជាតិ។ ឯកឧត្ដម បានផ្ដាំផ្ញើឱ្យសិក្ខាកាមទាំងអស់យកចិត្តទុកដាក់ត្រងត្រាប់ស្ដាប់ការពន្យល់ពីអ្នកជំនាញ ព្រមទាំងលើកទឹកចិត្តឱ្យចូលរួមជាមតិយោបល់ សួរដេញដោលឱ្យបានផុលផុស ដើម្បីស្រាយចម្ងល់សំដៅទទួលបានចំណេះដឹងជាក់លាក់ ដើម្បីបម្រើនិងអ​ភិ​​​​​វឌ្ឍប្រទេសជាតិរបស់យើង ៕

ព័ត៌មានជាតិ

ការផលិតអំបិលឆ្នាំនេះទទួលបានទិ​ន្នផលខ្ពស់ ដោយសារកត្តាអាកាស​ធា​តុ​អំណោយផល ទោះបីជាកម្ពុជា​កំ​ពុងតែជួបនូវជម្ងឺ កូវីដ-១៩ ក៍ដោ​យ​

ខេត្តកំពត ៖ ប្រធានសហគមន៍ផលិតអំបិលខេត្តកំពត អះអាងថា ការផលិតអំបិលឆ្នាំនេះ ទទួលបានទិន្នផលខ្ពស់ ដោយសារក​ត្តា​​​អាកាសធាតុអំណោយផល ទោះបីជាកម្ពុជាកំពុងតែជួបនូវជម្ងឺ កូវីដ-១៩ ក៍ដោយ។ លោ​ក ប៊ុន បារាំង ប្រធានសហគមន៍ផលិតអំបិលខេត្តកំពតបានឲ្យដឹងថា ការផលិតអំបិលក្នុងឆ្នាំនេះ មានការកើនឡើងជាងឆ្នាំ​​​ទៅ ដោយសារតែមានពលកម្មគ្រប់គ្រាន់ ព្រមទាំងអាកាសធាតុក៍អំណោយផលល្អ។ លោកបានបន្តថា ចំពោះផ្ទៃដីនៃការផ​លិ​ត​​​​អំបិលមានចំនួនជាង៤ពាន់ហិចតា និងមានប្រជាពលរដ្ឋផលិតអំបិលចំនួន២០០ក្រុមសាមគ្គី ដោយរាប់បញ្ជូលទាំងខេ​ត្ត​កែ​ប​​​និងកំពត។ លោកបានបញ្ជាក់ថា ក្នុងឆ្នាំនេះការផលិតអំបិលក្នុងខេត្តកំពតទទួលបានផលច្រើន ដូច្នេះគឺអាចគ្រប់គ្រាន់ក្នុង​កា​រផ្គត់ផ្គង់ការប្រើប្រាស់ក្នុងស្រុក។ ឆ្នាំនេះផលិតបានច្រើន ដោ​យសារអាកាសធាតុអំណោយផលល្អមេឃក្តៅល្អ។ឆ្នាំនេះអត់អីទេ មិ​​​ន​អាចខ្វះខាតទេឆ្នាំនេះគ្រប់ ។ ការផលិតអំបិលនេះអាស្រ័យទៅលើអាកា​សធាតុ ដោយសារអាកាសធាតុមានកម្តៅល្អធ្វើឲ្យឆ្នាំនេះ​ផលិតអំបិលបានច្រើន ។ បើអាកាសធាតុមិនអំណោយផលការផលិតអំបិល យើងធ្វើអត់បានទេដូច២ឆ្នាំកន្លងទៅយើងធ្វើ​អ​ត់​បានសោះ ដោយសារភ្លៀងធ្លាក់ពេញរដូវ ចំពេលផលិត។ ឆ្នាំនេះដោយសាររាំងតាំងពីខែ១មករហូតដល់ដើមខែ៤ បានមាន​ភ្លៀ​ងធ្លាក់ ចឹងយើងផលិតអំបិលបានច្រើនក្នុងអំឡុងរយៈពេល៣ខែនេះ។ លោក អំពាវនាវដល់ប្រជាពលរដ្ឋកម្ពុជាទាំងអស់ ងាកមកប្រើប្រាស់អំបិលធម្មជាតិ ដែលផលិតពីទឹកសមុទ្រ ដែលអាចជួយឲ្យពួ​ក​​​គាត់មានសុខភាពល្អ ពិសេសចំណាយថវិកាតិច៕

ព័ត៌មានជាតិ

ក្រសួងឧស្សាហកម្ម វិទ្យាសាស្ត្រ បច្ចេ​កវិទ្យា និងនវានុវដ្តន៍ ប្រកាសផ្អាកជាបណ្តោះអាសន្នការប្រឡងចូលប​ម្រើការងារនៅក្នុងក្រសួងសំរាប់ឆ្នាំ​២​០២០

រាជធានីភ្នំពេញ ៖ នៅថ្ងៃទី២៧ ខែមេសា ឆ្នាំ២០២០ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវដ្តន៍ ប្រកាសផ្អាកជាបណ្តោះអាស​ន្នការប្រឡងចូលបម្រើការងារនៅក្នុងក្រសួងសំរាប់ឆ្នាំ២០២០នេះ ដើម្បីរួមចំណែកប្រយុទ្ធប្រឆាំងនឹងជំងឺ កូវីដ-១៩ ជាមួយរាជរដ្ឋាភិបាល។ យោ​ងតាមសេចក្តីជូនដំណឹងរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវដ្តន៍ ដែលវិទ្យុជាតិកម្ពុជាទទួលបានឲ្យដឹងថា ការប្រ​ឡ​​ង​ប្រជែងជ្រើសរើសសិស្ស និស្សិត និងមន្ត្រីរាជការឱ្យចូលបម្រើការងារក្នុងក្របខណ្ឌក្រសួងឧស្សាហកម្មវិទ្យាសាស្រ្ត បច្ចេកវិទ្យា និងនវានុវត្តន៍ សម្រាប់ឆ្នាំ២០២០ ត្រូវបានផ្អាកជាបណ្តោះអាសន្នដោយសារផលប៉ះពាល់ដែលបណ្តាលមកពីជំងឺកូវីដ ១៩ (Covid-19) ។ ក្នុងន័យនេះក្រ​សួង ស្នើដល់សាធារណជនមេត្តាយោគយល់ចំពោះស្ថានភាពនាពេលបច្ចុប្បន្ននេះ ដើម្បីរួមចំណែកប្រយុទ្ធប្រឆាំងនឹងជំងឺកូវដ-១៩ (Covid-19​) សំ​ដៅការពារសុខភាព និងសុខុមាលភាពសាធារណៈ សម្រាប់ប្រជាពលរដ្ឋ និងសង្គមជាតិយើង។ ប្រភពដដែលបានបញ្ជាក់ថា ចំពោះសំណុំឯកសារដែលបេក្ខជនបានដាក់ពាក្យស្នើសុំចុះឈ្មោះប្រឡងប្រជែងនៅទីស្តីការក្រសួង និងតាមមន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ កន្លងទៅក្រសួងនឹងរក្សាទុកជាបណ្តោះអាសន្នរហូតដល់មានការជូនដំណឹងថ្មី។ក្នុងករណីមានសភាពការណ៍ចាំបាច់តម្រូវឱ្យលុបចោលការប្រឡងប្រជែងជាស្ថាពរនោះ ក្រសួងនឹងធ្វើការជូនដំណឹងឱ្យបេក្ខជនទាំងអស់មកទទួលយកវិញនូវសំណុំឯកសារដែលបានពាក្យស្នើសុំប្រឡង រួមទាំងថវិកាដែលបានបង់ដើម្បីសុំសិទ្ធិប្រឡងផងដែរ ៕

ព័ត៌មានជាតិ

រដ្ឋាភិបាលសហរដ្ឋអាមេរិក បានផ្ត​ល់​​មូលនិធិបន្ថែមចំនួន១,៥លានដុ​ល្លា​​​រ សម្រាប់ជួយកម្ពុជាក្នុងការប្រ​យុ​​​​​​​ទ្ធប្រឆាំងនឹងជំងឺកូវីដ-១៩

រាជធានីភ្នំពេញ ៖ រដ្ឋាភិបាលសហរដ្ឋអាមេរិក នៅសប្តាហ៍នេះ បានផ្តល់មូលនិធិបន្ថែមចំនួន១,៥លានដុល្លារ សម្រាប់ជួយកម្ពុជា ក្នុងការប្រយុទ្ធប្រឆាំងនឹងជំងឺកូវីដ១៩។ ស្ថា​​​នទូតសហរដ្ឋអាមេរិក នៅថ្ងៃទី២៨ ខែមេសានេះ បានឲ្យដឹងថា តាំងពីពេលចាប់ផ្តើមនៃការផ្ទុះមេរោគរាតត្បាតនេះមក រដ្ឋា​ភិ​​​បាលសហរដ្ឋអាមេរិក បានផ្តល់ជំនួយស​រុ​ប​​​ចំនួនជាង ៣,៥ លានដុល្លារ ដើម្បីទប់ទល់ការរាលដាលនៃជំងឺកូវីដ ១៩ នៅក​ម្ពុជា​។​ ជំនួយនេះ ដែលត្រូវបានផ្តល់តាមរយៈ ទីភ្នាក់ងារជំនួយអាមេរិក (USAID) កំពុងផ្ត​ល់​​​ការគាំទ្រដល់ការសង្គ្រោះជីវិតមនុស្ស ដោ​​​​​យធ្វើការសម្របសម្រួលជាមួយរាជរដ្ឋាភិបាលកម្ពុជា ដៃគូមនុស្សធម៌អន្តរជាតិ និងអ្នកពាក់ព័ន្ធក្នុងស្រុកដទៃទៀត ។ ឯ​​​​​កឧត្តម W. Patrick Murphy ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា មានប្រសាសន៍ថា «ការជួយដល់ការឆ្លើយតបរ​ប​ស់ប្រទេសកម្ពុជាចំពោះជំងឺកូវីដ ១៩ បន្តកិ​ច្ច​​​​​​សហប្រតិបត្តិការ និងភាពជាដៃគូដ៏យូរអង្វែងរបស់យើងលើផ្នែកសុខាភិបាល ជា​មួយប្រទេសកម្ពុជា។ ការយកឈ្នះបានលើមេរោគកូវីដ ១៩ គឺជាបញ្ហាប្រឈមជាសា​ក​ល​មួយ ហើយសហរដ្ឋអាមេរិក កំពុងធ្វើ​កា​រនៅក្នុងស្រុក និងនៅបរទេស ដើម្បីបញ្ឈប់ការរាលដាលនៃជំងឺនេះ។ ជំនួយរបស់យើងនឹងជួយប្រព័ន្ធសុខាភិបាលកម្ពុជា នៅ​ក្នុង​កា​រតាមដានជំងឺ ព្យាបាលអ្នកឈឺ ហើយការពារកុំឲ្យមានឆ្លងជំងឺកូវីដ ១៩ ថែមទៀត»។ ឯ​​​​ក​​ឧត្តមបន្តថា «រាជរដ្ឋាភិបាលកម្ពុជា និងរដ្ឋាភិបាលសហរដ្ឋអាមេរិក […]

ព័ត៌មានជាតិ

កម្ពុជានៅតែរក្សាការចូលរួមប្រកួតប្រជែងក្នុងព្រឹត្តិការណ៍អន្តរជាតិ ប្រ​សិនអន្តរជាតិប្រកាសបើកឱ្យដំណើរការឡើងវិញ

រាជធានីភ្នំពេញ ៖ ដោយសារការរីករាលដាលនៃជំងឺរលាកផ្លូវដង្ហើមប្រភេទថ្មីកូវីដ-១៩ បានធ្វើឱ្យសហព័ន្ធកីឡាអត្តពលកម្មអន្ត​រ​​ជាតិ ក៏ដូចជាអាស៊ី និងអាស៊ានបានសម្រេចផ្អាកការរៀបចំព្រឹត្តិការណ៍កីឡារត់ប្រណាំងអន្តរជាតិធំៗចំនួន៤ ។ ប៉ុន្តែកម្ពុជានៅ​តែរក្សាការចូលរួមប្រកួតប្រជែងក្នុងព្រឹត្តិការណ៍អន្តរជាតិចំនួននេះឡើងវិញ ប្រសិនអន្តរជាតិប្រកាសបើកឱ្យដំណើរការឡើ​ង​វិញនាពេលខាងមុខ ។ លោក ហ៊ុន បូរី អគ្គលេខាធិការ សហព័ន្ធខ្មែរកីឡាអត្តពលកម្មស្ម័គ្រចិត្ត បានឱ្យដឹងនៅថ្ងៃអង្គារ ៧កើត ខែពិសាខ ឆ្នាំជូត ទោ​ស័​ក ព.ស. ២៥​៦៣ ត្រូវនឹងថ្ងៃទី២៨ ខែមេសា ឆ្នាំ២០២០នេះថា សហព័ន្ធកីឡាអត្តពលកម្មអន្តរជាតិ, អាស៊ី និងអាស៊ាន បានស​ម្រេ​ចផ្អាកបណ្តោះអាសន្ននៃការរៀបចំព្រឹត្តិការណ៍ប្រកួតកីឡាអត្តពល កម្ម កម្រិតពិភពលោក អាស៊ី និងអាស៊ានចំនួន៤នៅឆ្នាំ​២០២០នេះ។ ការផ្អាកនេះធ្វើឡើងបន្ទាប់ពីប្រទេសចិន ថៃ និងប្រទេសឥណ្ឌូណេស៊ី ដែលត្រៀមធ្វើជាម្ចាស់ផ្ទះកំពុងប្រឈមនឹ​ង​ការរាតត្បាតនៃជំងឺរលាកសួតបង្កឡើងដោយកូរ៉ូណាវីរុសប្រភេទថ្មី។ ព្រឹត្តិការណ៍អន្តរជាតិធំៗទាំងនេះរួមមាន៖ ការប្រកួតជើ​ង​​​ឯកពិភពលោកក្នុងសាល ឬ World Athletics Indoor Championship, Asian Athletics Championship នៅចិន,  ASEAN  Y​o​uth Athletics Championship នៅប្រទេសថៃ និង SEA […]

ព័ត៌មានជាតិ

រដ្ឋបាលរាជធានីភ្នំពេញ ចេញសេច​ក្តី​​​​​ជូនដំណឹងស្តីពីការប្រើប្រាស់ត្រាមូ​លថ្មីរបស់រដ្ឋបាលរាជធានីភ្នំពេញ

រាជធានីភ្នំពេញ ៖ នាថ្ងៃទី២៧ ខែមេសា ឆ្នាំ២០២០ រដ្ឋបាលរាជធានីភ្នំពេញ បានចេញសេចក្តីជូនដំណឹង ស្តីពី ការប្រើប្រាស់​ត្រាមូ​ល​​​​ថ្មី​របស់​រដ្ឋបាល​រាជធានីភ្នំពេញ។ ព័ត៌មានលម្អិត សូមអានលិខិតទាំងស្រុងរបស់ រដ្ឋបាលរាជធានីភ្នំពេញ ខាងក្រោមនេះ៖

ព័ត៌មានជាតិ

កម្មវិធី សិក្សាពីចំងាយ E-Learnin​g កំពុងធ្វើការចាក់ផ្សាយនៅលើ TV APP Facebook Page និង Cha​n​n​​el YouTube របស់ក្រសួងព័ត៌​មា​ន​

រាជធានីភ្នំពេញ ៖ នៅថ្ងៃទី២៧ ខែមេសា ឆ្នាំ២០២០ TV APP​ TV APP Facebook Page និង Channel YouTube ក្រសួងព័ត៌មានកំពុងធ្វើការចាក់ផ្សាយកម្មវិធីសិក្សាពីចំងាយ E-Learning (ប្រព័ន្ធសិក្សាអនឡាញ)

ព័ត៌មានជាតិ

ក្រុមប្រឹក្សាធម្មនុញ្ញ សម្រេចអនុម័តជាឯកច្ឆនថា ច្បាប់ស្តីពីការគ្រប់គ្រ​ង​​​ប្រទេសជាតិស្ថិតក្នុងភាពអាសន្ន ស្របនឹងរដ្ឋធម្មនុញ្ញ

ក្រុមប្រឹក្សាធម្មនុញ្ញ សម្រេចអនុម័តជាឯកច្ឆនថា ច្បាប់ស្តីពីការគ្រប់គ្រ​ង​​​ប្រទេសជាតិស្ថិតក្នុងភាពអាសន្ន ស្របនឹងរដ្ឋធម្មនុ​ញ្ញ​។ ព័ត៌មានលម្អិត សូមអានសេចក្តីជូនដំណឹងទាំងស្រុងរបស់ក្រុមប្រឹក្សាធម្មនុញ្ញ ខាងក្រោមនេះ៖

ព័ត៌មានជាតិ

រដ្ឋាភិបាលជប៉ុន កំពុងដំណើរការ​យ៉ា​ងសស្រាក់សស្រាំ ហើយរំពឹងថា រា​ជ​ធានីភ្នំពេញ ចាកផុតពីភា​ពលិ​ច​ល​​​​​​ង់ដោយជំនន់ទឹកភ្លៀងនៅក្នុងឆ្នាំ​២០២១

ឯកអគ្គរាជទូតជប៉ុនប្រចាំកម្ពុជា ឯកឧត្តម មិកាមិ ម៉ាសាហ៊ីរ៉ូ (MIKAMI Masahiro) បានអះអាងថា គម្រោងការពារទឹកជំន​ន់​នៅរាជធានីភ្នំពេញ នៅក្នុងតំបន់វត្តភ្នំ និងទួលគោក ក្រោមគម្រោងហិរញ្ញប្បទានឥតសំណង របស់រដ្ឋាភិបាលជប៉ុន កំពុងដំ​ណើ​រការយ៉ាងសស្រាក់សស្រាំ ហើយរំពឹងថា នឹងបញ្ចប់នៅក្នុងឆ្នាំ២០២១ ដែលធ្វើឲ្យរាជធានីភ្នំពេញចាកផុតពីភាពលិចលង់ដោ​យ​​​​​​​ជំនន់ទឹកភ្លៀង។ ថ្លែងតាមរយៈសារជាវីដេអូនៅចុងសប្តាហ៍នេះ ឯកឧត្តម ឯកអគ្គរាជទូត បានបញ្ជាក់ថា នៅតំបន់វត្តភ្នំក្រុមការងាររបស់ទីភ្នា​ក់ងារសហប្រតិបត្តិការអន្តរជាតិជប៉ុន (JICA) និងសាលារាជធានីភ្នំពេញកំពុងជីកដាក់លូជម្រៅ៧ម៉ែត្រ ហើយគម្រោងការពារទឹកជំនន់នៅតំបន់ទួលគោគក៏កំពុងដំណើរការទៅមុខយ៉ាងល្អប្រសើរ។ ឯកឧត្តម មានប្រសាសន៍ថា គម្រោងការពារទឹកជំនន់នៅតំបន់វត្តភ្នំ និងទួលគោគឥឡូវនេះកំពុងដំណើរការ ហើយ កំពុងបង្ក​ផលវិបាកដល់ប្រជាពលរដ្ឋចំពោះការធ្វើចរាចរដោយសារតែការបិទផ្លូវ ដែលបញ្ហានេះស្ថានទូតជប៉ុនសុំការយោគយល់។ គ​ម្រោ​​​​ង​​​​​​​ការពារ និងកែលំអប្រព័ន្ធប្រឡាយ លូជំហានទី៤ ដែលជាជំនួយឥតសំណងរបស់រដ្ឋាភិបាល មានទឹកប្រាក់សរុប ប្រមា​ណ​៣​៦​លា​​​នដុល្លារអាមេរិក ត្រូវបានបើកការដ្ឋាន សាងសង់កាលពីថ្ងៃទី៤ ខែមីនា ឆ្នាំ២០១៩ ក្រោមអធិបតីភាព របស់សម្តេចតេជោ ហ៊ុ​ន សែន នាយករដ្ឋមន្ត្រីកម្ពុជា ។ គម្រោងនេះមានទាំងការដាក់បណ្តាញលូមេ សាងសង់អាងស្តុកទឹកក្រោមដី និងសាងសង់ស្ថានីយ៍បូមទឹក និងការតម្លើងរបាមេ​កានិចស្វ័យប្រវត្តិ ដើម្បីប្រមូលសំរាមនៅមុខផ្លូវបង្ហូរទឹកនៃស្ថានីយ៍បូមទឹក ជាដើម។ លោក សាំ […]