ព័ត៌មានជាតិ

ទំនិញគេចពន្ធនិងពលករចំណាកស្រុក ឆ្លងកាត់ច្រករបៀងគ្រប់គ្រងដោយនគរបាលវរៈការពារព្រំដែនលេខ៩១១ កំពុងតែអនុវត្ត.ផ្ទុយ.ពី.បទ.បញ្ជាថ្នាក់លេី.!

ទំនិញគេចពន្ធនិងពលករចំណាកស្រុក ឆ្លងកាត់ច្រករបៀងគ្រប់គ្រងដោយនគរបាលវរៈការពារព្រំដែនលេខ៩១១ កំពុងតែអនុវត្ត.ផ្ទុយ.ពី.បទ.បញ្ជាថ្នាក់លេី.!

(ប៉ោយប៉ែត)៖ ពលរដ្ឋចំណាកស្រុកនៅតែឆ្លងទៅប្រទេសថៃជាហូរហែរ ប្រថុយនិងគ្រោះថ្នាក់ជាយថា​ហេតុផ្សេងៗ ខណៈនគរបាលគ្រប់គ្រងតាមព្រំដែនមានភាពធូរលុងនិងស្វែងរកលាភសក្ការៈយកលុយពី​ពលរដ្ឋឆ្លងកាត់ ពិសេសសកម្មភាពល្មើសច្បាប់ទាំងនេះ បានរងនូវការរិះគន់ពីសមត្ថកិច្ចភាគីថៃ ដែលមិនមានវិធានការទប់ស្កាត់ពលរដ្ឋរបស់ខ្លួន។

ច្រករបៀងជាច្រើននៅប៉ោយប៉ែតគ្រប់គ្រងដោយនគរបាលវរៈការពារព្រំដែនលេខ៩១១ គឺលោកវរ:សេនីយ៍ឯក សូ ចាន់ណារី តែម្ដងកំពុងសម្លឹងឃើញប្រភពសេដ្ឋកិច្ចពីពលករចំណាកស្រុក ទំនិញគេចពន្ធហូរចូល ក្នុងនោះ​មានទាំងម៉ូតូគេចពន្ធឆ្លងកាត់ផងដែរនៅចំណុចច្រកព្រៃគប់ និច្រកផ្សេងៗជាច្រេីនទៀតរហូតដល់មានឈ្មួញមាត់ដាចខ្លះបង្ហើបថា ទំនិញគេចពន្ធមួយចំនួនទៀតគឺជាទំនិញរបស់លោក សូ ចាន់ណារី មេបញ្ជាការវរៈការពារព្រំដែនលេខ៩១១ នេះតែម្ដង។

កន្លងទៅ បើមានការរឹតបន្តឹងតាមច្រកអន្តរជាតិសម្រាប់ពលករចំណាកស្រុក ឬក្រុមឈ្មួញរកស៊ី​គេចពន្ធ កាន់តែធ្វើឲ្យនគរបាលព្រំដែនរបស់លោក សូ ចាន់ណារី ត្រូវប៉ាន់ ព្រោះប្រជាពលរដ្ឋបង្វែរទៅឆ្លង​តាមច្រករបៀងនេះដូចហែរកឋិន ក្នុងនោះក៏មានការឆ្លងកាត់ដោយជនជាតិថៃដែលមានមុខសញ្ញាមិនល្អ ឬមន្ត្រីដែលគេចពីក្រសែភ្នែកសមត្ថកិច្ចរបស់ប្រទេសគេ ក៏លួចឆ្លងដែនតាមច្រករបៀងទាំងនេះ ចូលមក​លេងកាស៊ីណូជាហូរហែរ និងមានការសង្ស័យផងដែរថា ពួកគេអាចនិងបង្កើតនូវបទល្មើសផ្សេងៗ ខណៈ​ឆ្លងដែនគ្មានលិខិតស្នាម សម្រាប់ការត្រួតពិនិត្យស្របច្បាប់របស់សមត្ថកិច្ចនៃភាគីប្រទេសទាំងពីរ។

ប៉ុន្តែប្រភពគួរឲ្យទុកចិត្តបានទំលាយថា លោក សូ ចាន់ណារី បានដាក់សាច់ញាតិរបស់ខ្លួន និងបក្ខពួកនិយមឲ្យទៅឈរជើងតាមច្រករបៀង ដែលមាន​ទំនិញគេចពន្ធហូរចូលនិង ពលករចំណាកស្រុក ដើម្បីប្រមូលគ្រប់គ្រងប្រភពសេដ្ឋកិច្ច នៃបទល្មើសទាំងនេះ យ៉ាងគគ្លេីន។

ប្រភពពីសមត្ថកិច្ចនិងអាជ្ញាធរក្រុងប៉ោយប៉ែតខ្លះ បានលើកឡើងថា កន្លងទៅក្រោមបញ្ជាពីនាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ ប្រចាំទិសភូមិភាគ៥ ព្រំដែន​ ឲ្យពង្រឹងតាមច្រកព្រំដែន ទប់ស្កាត់ពលករចំណាកស្រុក ទំនិញគេចពន្ធ និងការពារតាមបន្ទាត់ខ្សែ​ព្រំដែនលើបូរណភាពទឹកដី ឃើញថា ទាំងលោកស្នងការ ក៏ដូចជា លោក សូ ចាន់ណារី បាន​បញ្ចេញនូវស្នាដៃភ្លាមៗ បោសសម្អាត បិទច្រក ទប់ស្កាត់ពលករចំណាកស្រុក និងទំនិញហូរចូល។

ប៉ុន្តែមិន​យូរប៉ុន្មានផង ទម្លាប់ដ៍ដែលជាដ៍ដែលក្នុងគំនិតរកលុយទាំងបំពាន មិនគោរពតាមការណែនាំរបស់អគ្គស្នងការនគរបាលជាតិបន្តការប្រព្រឹត្តប្រាសចាកនូវបទបញ្ជាថ្នាក់លេីក្នុងការទប់ស្កាត់បទល្មេីសតាមបន្ទាត់ព្រំដែន។ សកម្មភាពទាំងនេះគេជឿថាលោក សូ ចាន់ណារី ទំនងជាមានចេតនាគ្រប់គ្រងនគរបាលព្រំដែនក្នុងភាពធូរលុងនិងប្រឹងប្រមូលប្រាក់ពីពលករចំណាកស្រុក ទំនិញគេចពន្ធឆ្លងកាត់ ហើយថ្មីៗនេះមានទាំងម៉ូតូគេចពន្ធទាំងផងនោះ។

ទាក់ទិនទៅនឹងករណីខាងនេះសារព័ត៌មានយេីងពុំទាន់សុំការបំភ្លឺពីលោកសូ ចាន់ណារី បានទេនៅឡេីយទេ៕

Related Articles

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *

Back to top button