ពិធីប្រកាសប្រធានក្រុមការងារយុវជនគណបក្សខេត្តស្ទឹងត្រែង និងផ្សព្វផ្សាយអំពីកិច្ចការសម្របសម្រួលព័ត៌មាននៃយុវជនគណបក្សប្រជាជនកម្ពុជា

នាព្រឹកថ្ងៃចន្ទ ១៥កើត ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែមករា ឆ្នាំ២០២៥ ឯកឧត្តមបណ្ឌិត ជ្រុន ថេរ៉ាវ៉ាត សមាជិកគណៈកម្មាធិការកណ្តាល អនុប្រធានយុវជនគណបក្សថ្នាក់កណ្តាល និងជាប្រធានគណៈប្រចាំការនៃគណៈអចិន្ត្រៃយ៍យុវជនគណបក្សថ្នាក់កណ្តាល តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាលចូលរួមជាអធិបតីក្នុងពិធីប្រកាស លោក ស្រ៊ន សំឫទ្ធី​ ជាប្រធានក្រុមការងារយុវជនគណបក្សខេត្តស្ទឹងត្រែង។

ជាមួយនោះឯកឧត្តមបណ្ឌិត គឹម សន្តិភាព អនុប្រធានគណៈប្រចាំការ ក៏បានធ្វើបទអន្តរាគមន៍ស្តីពីកិច្ចការសម្របសម្រួលព័ត៌មាននៃយុវជនគណបក្សប្រជាជនកម្ពុជា ជូនអង្គពិធីបានជ្រួតជ្រាប ដើម្បីចាត់តាំងអនុវត្តឲ្យមានប្រសិទ្ធភាពនៅខេត្ត ក្រុង ស្រុក និងមូលដ្ឋានឃុំ ភូមិ។

ពិធីនេះមានការអញ្ជើញចូលរួមពីឯកឧត្តម សរ សុពុត្រា ប្រធានគណ:កម្មាធិការបក្សខេត្តស្ទឹងត្រែង ព្រមទាំងថ្នាក់ដឹកនាំ សមាជិកគណៈប្រចាំការ និងឯកឧត្តម លោកជំទាវ លោក លោកស្រី សមាជិក សមាជិកាគណបក្សប្រមាណ ២៥៨នាក់ នៅមន្ទីគណបក្សខេត្តស្ទឹងត្រែង។