ព័ត៌មានជាតិ
ឯកឧត្ដម គួច ចំរើន៖ ស្រឡាញ់ជាតិ ត្រូវស្គាល់ទឹកដីពិត ត្រូវស្ដាប់ពាក្យពិត ស្ដាប់ពាក្យចាក់រុក គឺស្នេហាជាតិរវេីរវាយ
តាមរយៈការបង្ហោះសារផ្លូវការរបស់ឯកឧត្ដម គួច ចំរើន អភិបាលនៃគណៈអភិបាលខេត្តកណ្តាល ថ្ងៃទី១៥កញ្ញានេះ
បញ្ជាក់ថា៖ ស្រឡាញ់ជាតិត្រូវស្គាល់ទឹកដីពិត
ត្រូវស្តាប់ពាក្យពិត ស្តាប់ពាក្យចាក់រុក គឺស្នេហាជាតិរវើរវាយ។
កន្លងមកនេះ ខណៈដែលឯកឧត្ដម គួច ចំរើន អភិបាលនៃគណៈអភិបាល ខេត្តកណ្តាល អមដំណើរឯកឧត្ដម ថោ ជេដ្ឋា រដ្ឋមន្ត្រីក្រសួងធនធានទឹក ចុះពិនិត្យបង្គោលព្រំដែនកម្ពុជា-វៀតណាមលេខ២៤៦ /២(១) ដែលរងគ្រោះ ដោយទឹកជំនន់ទន្លេបាសាក់ហូរច្រោះកន្លងមក ហើយត្រូវរាជរដ្ឋាភិបាលសំរេចឲ្យក្រសួងធនធានទឹក ធ្វើការពង្រឹងជើងទម្រយ៉ាងរឹងមាំរួចរាល់ហើយ ស្ថិតនៅទីតាំង ភូមិព្រែកជ្រៃ សង្កាត់សំពៅពូន ក្រុងសំពៅពូន ខេត្តកណ្តាល។
កន្លងមកនេះដែរមានពួកអគតិមួយចំនួន បានបង្ហោះសារ តាមបណ្តាញសង្គមថា៖ បង្គោលព្រំដែនកម្ពុជា-វៀតណាម លេខ២៤៦ /២(១) ត្រូវបានភាគីវៀតណាមបោះបង្គោលចូលមកយ៉ាងជ្រៅចូលទឹកដីកម្ពុជាយើង នេះជាការភូតកុហក់ វាជារឿងមិនពិត ។ ដូច្នេះអ្នកស្រឡាញ់ទឹកដីគួរលេីកទឹកចិត្ត ដល់អ្នកធ្វេី ដេីម្បីជាតិយេីងដោយពិតប្រាកដ ។
ដើម្បីជាភស្តុតាងពិតប្រាកដ អភិបាលខេត្តកណ្តាល ឯកឧត្ដម គួច ចំរើន បានលើកទឹកចិត្តដល់បងប្អូនប្រជាពលរដ្ឋទាំងអស់ចូលរួមកាន់បិណ្ឌជាមួយឯកឧត្តម នៅវត្តបាក់ណាម ភូមិព្រែកជ្រៃ សង្កាត់សំពៅពូន នៅល្ងាចថ្ងៃទី១៩ខែកញ្ញា២០២៤ ក្នុងបរិវេណវត្តដោយផ្ទាល់ទាំងអស់គ្នា ដើម្បីចុះពិនិត្យថាតើបង្គោលព្រំដែនកម្ពុជាវៀតណាម លេខ២៤៦/២(១) បានបាត់បង់ដែរឬទេ?៕
រូបភាព៖ផេក ឯកឧត្ដម គួច ចំរើន
